സനീഷ് കുമാർ ജോസഫ് എം.എൽ.എക്ക് ഗുരുവായൂരിൽ തുലാഭാരം

ഗുരുവായൂർ: സനീഷ് കുമാർ ജോസഫ് എം.എൽ.എ ഗുരുവായൂരിൽ തുലാഭാരം നടത്തി. കഴിഞ്ഞ നിയമസഭ തെരഞ്ഞെടുപ്പ് കാലത്ത് മുൻ കെ.എസ്.യു ഭാരവാഹി മുരളി തൊയക്കാവ് നേർന്ന വഴിപാടായിരുന്നു തുലാഭാരമെന്ന് എം.എൽ.എ പറഞ്ഞു.

75 കിലോ ചെറുപഴമാണ് തുലാഭാരത്തിന് ഉപയോഗിച്ചത്. ക്ഷേത്രത്തിനു പുറത്താണ് തുലാഭാരം നടത്തിയത്. നഗരസഭ പ്രതിപക്ഷ നേതാവ് കെ.പി. ഉദയനും ഒപ്പമുണ്ടായിരുന്നു.