തിരുവാതിര ചുവടുവെച്ച് രമ്യ ഹരിദാസ്
text_fields
ഗുരുവായൂർ: ഗുരുവായൂർ ഉത്സവത്തോടനുബന്ധിച്ച് തിരുവാതിര ചുവടുകൾെവച്ച് രമ്യ ഹരി ദാസ് എം.പി. ക്ഷേത്രത്തിലെത്തിയ എം.പി തിരുവാതിരക്കളിക്ക് മാത്രമായി കുറൂരമ്മയുടെ പേരിൽ വേദിയുണ്ടെന്നറിഞ്ഞ് അങ്ങോട്ട് വരുകയായിരുന്നു. വെങ്കിടങ്ങ് എൻ.എസ്.എസ് വനിത സമാജം അംഗങ്ങൾക്കൊപ്പം എം.പിയും ചുവടുവെച്ചതോടെ കളിക്കാർക്കും ആവേശമായി.
പൊതുപ്രവർത്തകയാകും മുമ്പെതന്നെ താൻ കലാകാരിയാണെന്ന് രമ്യ പറഞ്ഞു. ഭരണസമിതി അംഗം മുൻ എം.എൽ.എ കെ. അജിത് ഉപഹാരം നൽകി. ഭരണസമിതി അംഗങ്ങളായ ഇ.പി.ആർ. വേശാല, കെ.വി. ഷാജി, പബ്ലിക്കേഷൻ മാനേജർ കെ. ഗീത എന്നിവർ സംസാരിച്ചു.
ഉത്സവക്കഞ്ഞി കുടിക്കാനും എം.പിയെത്തി. നടൻ വിനീതുമെത്തിയിരുന്നു. ദേവസ്വം ചെയർമാൻ കെ.ബി. മോഹൻദാസ്, അഡ്മിനിസ്ട്രേറ്റർ എസ്.വി. ശിശിർ എന്നിവർ ചേർന്ന് സ്വീകരിച്ചു.