'എന്തൊരു ശിക്ഷ!'; ശ്രീ​റാമിന്‍റെ നി​യ​മനത്തിനെതിരെ പി.കെ. അബ്ദുറബ്ബ്

കോഴിക്കോട്: ശ്രീ​റാം വെ​ങ്കി​ട്ട​രാ​മ​നെ ആ​ല​പ്പു​ഴ ക​ല​ക്ട​റാ​യി നി​യ​മി​ച്ചതിനെതിരെ രൂക്ഷ വിമർശനവുമായി മുസ് ലിം ലീഗ് നേതാവും മുൻ മന്ത്രിയുമായ പി.കെ. അബ്ദുറബ്ബ്. ശ്രീ​റാമിനെ മാറ്റി നിയമിച്ചതിനെ 'എന്തൊരു ശിക്ഷ!' എന്നാണ് അബ്ദുറബ്ബ് ഫേസ്ബുക്കിൽ കുറിച്ചത്. മാധ്യമപ്രവർത്തകൻ കെ.എം. ബഷീറിനെ കാറിടിച്ച് കൊന്നക്കേസിലെ പ്രതിയായ ശ്രീ​റാം വെ​ങ്കി​ട്ട​രാ​മ​നെ കുറിച്ച് മുൻ മന്ത്രിയും സി.പി.എം നേതാവുമായ എം.എം. മണി എഴുതിയ ഫേസ്ബുക്ക് പോസ്റ്റും അബ്ദുറബ്ബ് പങ്കുവെച്ചിട്ടുണ്ട്.

നിലവിൽ ആ​രോ​ഗ്യ​ വ​കു​പ്പ്​ ജോ​യ​ന്‍റ്​ സെ​ക്ര​ട്ട​റിയായിരുന്നു ശ്രീ​റാം വെ​ങ്കി​ട്ട​രാ​മ​ൻ. ശ്രീ​റാമിന്‍റെ ഭാര്യയും ആ​ല​പ്പു​ഴ ക​ല​ക്ട​റുമായ ഡോ. ​രേ​ണു​രാ​ജി​നെ​ എ​റ​ണാ​കു​ളം കലക്ടറായി മാറ്റി നിയമിച്ചു. ​

പി.കെ. അബ്ദുറബ്ബ് ഫേസ്ബുക്ക് പോസ്റ്റ്

സിറാജ് ദിനപത്രത്തിന്‍റെ തിരുവനന്തപുരം ബ്യൂറോ ചീഫായിരുന്ന കെ.എം. ബഷീറിനെ കാറിടിച്ചു കൊന്ന കേസിൽ കുറ്റാരോപണ വിധേയനായ ഐ.എ.എസ് ഉദ്യോഗസ്ഥൻ ശ്രീറാം വെങ്കട്ടരാമൻ സർവ്വീസിൽ തിരിച്ചെടുത്തിട്ട് നാളേറെയായി.

ബഷീർ കൊല്ലപ്പെട്ടിട്ട് ഈ വരുന്ന ആഗസ്ത് 3ന് മൂന്നു വർഷം തികയുമ്പോൾ കുറ്റാരോപണ വിധേയനായ ആ ഐ.എ.എസ് ഉദ്യോഗസ്ഥനെ കലക്ടറാക്കി തിരുവനന്തപുരത്ത് നിന്നും 150 കിലോമീറ്റർ അകലെ ആലപ്പുഴയിലേക്ക് നാടു കടത്തിയിരിക്കുന്നു.. എന്തൊരു ശിക്ഷ!

എം.എം.മണി അന്ന് എഫ്.ബി പോസ്റ്റിൽ പറഞ്ഞതെത്ര ശരി..! ഐ.എ.എസ് ഉദ്യോഗസ്ഥനെന്ന ഒരു പരിഗണനയും നൽകിയില്ല... ഓടിച്ചു വിട്ടു അങ്ങകലെ ആലപ്പുഴയിലേക്ക്!