പാലാ സീറ്റ് ജോസ് കെ. മാണിക്ക് നൽകിയാൽ എൻ.സി.പി എൽ.ഡി.എഫ് വിടുമെന്ന് സൂചന

കോട്ടയം: എ​ൽ.​ഡി​.എ​ഫു​മാ​യു​ള്ള ബ​ന്ധം ഉ​പേ​ക്ഷി​ക്കാ​നൊ​രു​ങ്ങി എ​ൻ.സി.​പി. പാലാ സീറ്റ് ജോസ് കെ. മാണിക്ക് നൽകിയാൽ എൻ.സി.പി എൽ.ഡി.എഫ് വിടുമെന്നാണ് പാർട്ടി നൽകുന്ന സൂചന. നി​യ​മ​സ​ഭാ സ​മ്മേ​ള​ന​ത്തി​നു​ശേ​ഷം മു​ന്ന​ണി മാ​റ്റം പ്ര​ഖ്യാ​പി​ക്കു​മെ​ന്നാ​ണ് വി​വ​രം. യു.ഡി.​എ​ഫി​ന്‍റെ ഭാ​ഗ​മാ​കാ​നാ​ണ് എ​ൻ​.സി​.പി നീ​ക്കം. ഇ​തു​സം​ബ​ന്ധി​ച്ച പ്ര​ഖ്യാ​പ​നം എ​ൻ​.സി​.പി അ​ധ്യ​ക്ഷ​ൻ ശ​ര​ത്പ​വാ​ർ പ്ര​ഖ്യാ​പി​ക്കു​മെ​ന്നാ​ണ് റി​പ്പോ​ർ​ട്ട്.

ഏറെക്കാലത്തിന് ശേഷം തിരിച്ചുപിടിച്ച പാലാ സീറ്റ് കൈവിട്ടുകളയാൻ മാണി സി കാപ്പന് താൽപര്യമില്ല. ഇക്കാര്യം മാണി സി. കാപ്പൻ പരസ്യമായി പ്രകടിപ്പിച്ചതുമാണ്. പാല കൈവിട്ട് കളയേണ്ടി വന്നാൽ പാർട്ടി യു.ഡി.എഫിലേക്ക് ചേക്കേറി പാലായിൽ നിന്ന് മത്സരിക്കാനാണ് മാണി സി. കാപ്പൻ ആഗ്രഹിക്കുന്നത്. ​തദ്ദേ​ശ തെ​ര​ഞ്ഞെ​ടു​പ്പ് ന​ട​ന്ന​പ്പോ​ൾ ത​ന്നെ എ​ൽ​എ​ഡി​എ​ഫി​ൽ എ​ൻ​സി​പി​ക്ക് അ​ർ​ഹ​മാ​യ പ​രി​ഗ​ണ​ന ല​ഭി​ച്ചി​ല്ലെ​ന്ന് മാ​ണി സി. ​കാ​പ്പ​ൻ ആ​രോ​പി​ച്ചി​രു​ന്നു.

അ​തേ​സ​മ​യം എ​ൻ​.സി.​പി എ​ൽ​.ഡി​.എ​ഫ് വി​ടു​ന്നു​വെ​ന്ന് റി​പ്പോ​ർ​ട്ടു​ക​ൾ പാ​ർ​ട്ടി സം​സ്ഥാ​ന അ​ധ്യ​ക്ഷ​ൻ ടി.​പി. പീ​താം​ബ​ര​ൻ നി​ഷേ​ധി​ച്ചു. ഇ​ത്ത​ര​ത്തി​ലു​ള്ള ച​ർ​ച്ച​ക​ൾ ന​ട​ന്നി​ട്ടി​ല്ലെ​ന്ന് പീ​താം​ബ​ര​ൻ പ​റ​ഞ്ഞു. എ​ൽ​.ഡി​.എ​ഫ് മു​ന്ന​ണി വി​ടു​ന്ന​തി​ൽ ശ​ശീ​ന്ദ്ര​പ​ക്ഷ​വും വി​യോ​ജി​പ്പ് അ​റി​യി​ച്ചു. അങ്ങനെയെങ്കിൽ ഒരു പിളർപ്പിനും സാധ്യതയുണ്ട്.

എൽ.ഡി.എഫിൽ ഇപ്പോഴുള്ള നാല് സീറ്റുകൾ യു.ഡി.എഫിലേക്ക് പോയാൽ ലഭിക്കുമോ, തനിക്ക് എലത്തൂർ മണ്ഡലം ലഭിക്കുമോ എന്നെല്ലാമുള്ള ആശങ്കകളാണ് ശശീന്ദ്രൻ പക്ഷത്തിനുള്ളത്. അതുകൊണ്ടാണ് മുന്നണിമാറ്റത്തെ ശശീന്ദ്രൻ പക്ഷം എതിർക്കുന്നത്.