അരിക്കൊമ്പന് ശേഷം 'അരിയപ്പ'....അരി തേടി പടയപ്പ ഇറങ്ങി

മ​റ​യൂ​ർ: പൊ​തു​വെ ശാ​ന്ത​നാ​യി​രു​ന്ന മൂ​ന്നാ​റി​ലെ പ​ട​യ​പ്പ എ​ന്ന കാ​ട്ടാ​ന ഇ​പ്പോ​ൾ ശ​ല്യ​ക്കാ​ര​നാ​യി മാ​റി. മൂ​ന്നാ​റി​ൽ​നി​ന്ന്​ മ​റ​യൂ​രി​ന് സ​മീ​പ​ത്തെ​ത്തി​യ കൊ​മ്പ​ൻ, ഇ​പ്പോ​ൾ കോ​ഫി സ്റ്റോ​ർ, പാ​മ്പ​ൻ​മ​ല എ​സ്റ്റേ​റ്റു​ക​ളി​ലെ ജ​ന​ങ്ങ​ൾ​ക്കാ​ണ് ഭീ​ഷ​ണി​യാ​യ​ത്. ക​ഴി​ഞ്ഞ രാ​ത്രി കോ​ഫി​സ്റ്റോ​റി​ലെ ല​യ​ങ്ങ​ളി​ലെ​ത്തി​യ കാ​ട്ടാ​ന ല​യ​ത്തി​ലെ അ​രി​ച്ചാ​ക്ക് വെ​ളി​യി​ലെ​ടു​ത്തി​ട്ട് ക​ഴി​ച്ച ശേ​ഷ​മാ​ണ് മ​ട​ങ്ങി​യ​ത്.

പാ​മ്പ​ൻ​മ​ല​യി​ൽ തോ​ട്ടം തൊ​ഴി​ലാ​ളി​ക​ൾ താ​മ​സി​ക്കു​ന്ന ല​യ​ത്തി​നു​ള്ളി​ൽ ക​യ​റി​യ പ​ട​യ​പ്പ രാ​ത്രി മു​ഴു​വ​നും ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു. വീ​ടി​ന്‍റെ മു​ൻ​വ​ശ​ത്തെ ജ​ന​ലും പൊ​ളി​ച്ച് ഒ​രു ചാ​ക്ക​രി​യെ​ടു​ത്ത് മു​റ്റ​ത്തി​ട്ട് തി​ന്നു.

പാ​മ്പ​ൻ​മ​ല തൊ​ഴി​ലാ​ളി​ക​ൾ ല​യ​ത്തി​നു​ള്ളി​ൽ ചൊ​വ്വാ​ഴ്ച അ​ർ​ധ​രാ​ത്രി ക​യ​റി​യ പ​ട​യ​പ്പ പൊ​ളി​ച്ച​ത് അ​ഞ്ചോ​ളം വീ​ടു​ക​ൾ. തു​ട​ർ​ന്ന് ഒ​ച്ച​യി​ട്ടും പ​ട​ക്കം പൊ​ട്ടി​ച്ചു​മാ​ണ് പ​ട​യ​പ്പ​യെ ഓ​ടി​ച്ച​ത്. വാ​തി​ൽ പൊ​ളി​ച്ച​പ്പോ​ൾ ക​റു​പ്പ​സ്വാ​മി​യു​ടെ കു​ടും​ബ​ത്തി​ൽ ആ​റു​പേ​രാ​ണ് വീ​ട്ടി​ന​ക​ത്ത് ഉ​ണ്ടാ​യി​രു​ന്ന​ത് തു​റ​ന്നു​നോ​ക്കി​യ​പ്പോ​ഴാ​ണ് മു​ൻ​വ​ശ​ത്തെ ക​ത​ക് പൊ​ളി​ച്ച നി​ല​യി​ലും പ​ട​യ​പ്പ നി​ൽ​ക്കു​ന്ന​തും ക​ണ്ട​ത്.

സമീപത്തെ രാ​ജേ​ന്ദ്ര​ന്റെ വീ​ട്ടി​ലെ​ത്തി ജ​ന​ലും വാ​തി​ലും പൊ​ളി​ച്ചു അ​ക​ത്തി​രു​ന്ന് ചാ​ക്ക് അ​രി എ​ടു​ത്ത​താ​ണ് ക​ണ്ട​ത്. രാ​ജേ​ന്ദ്ര​ൻ നാ​ട്ടി​ലാ​യി​രു​ന്നു. പ്ര​ദേ​ശ​ത്ത് പ​ട​യ​പ്പ ര​ണ്ട് ആ​ഴ്ച​യാ​യി ത​മ്പ​ടി​ച്ചി​രി​ക്കു​ക​യാ​ണ്.