സ്വകാര്യ ബസ് സമരത്തിൽ നിന്ന് ഒരു വിഭാഗം പിൻമാറി, സമരവുമായി മുന്നോട്ടെന്ന് മറുവിഭാഗം; ഉടമകൾക്കിടയിൽ ഭിന്നത

തി​രു​വ​ന​ന്ത​പു​രം: ഗ​താ​ഗ​ത മ​​ന്ത്രി കെ.​ബി. ഗ​ണേ​ഷ്ക​മാ​റു​മാ​യു​ള്ള ച​ർ​ച്ച​യി​ൽ ധാ​ര​ണ​യാ​യ​തി​നെ തു​ട​ർ​ന്ന്​ 22 മു​ത​ൽ പ്ര​ഖ്യാ​പി​ച്ച അ​നി​ശ്ചി​ത​കാ​ല പ​ണി​മു​ട​ക്കി​ൽ​ നി​ന്ന്​ ഒ​രു വി​ഭാ​ഗം സ്വ​കാ​ര്യ ബ​സു​ട​മ​ക​ൾ പി​ന്മാ​റി. ​പ​ണി​മു​ട​ക്കി​ൽ ഉ​റ​ച്ചു​നി​ൽ​ക്കു​ന്ന വി​ഭാ​ഗ​ത്തെ അ​നു​ന​യി​പ്പി​ക്കാ​ൻ ശ്ര​മ​മാ​രം​ഭി​ച്ചു.

വി​ദ്യാ​ർ​ഥി​ക​ളു​ടെ യാ​ത്രാ​നി​ര​ക്ക്​ വ​ർ​ധി​പ്പി​ക്ക​ൽ, 140 കി​ലോ​മീ​റ്റ​റി​ല​ധി​കം ഓ​ടു​ന്ന ബ​സു​ക​ളു​ടെ പെ​ർ​മി​റ്റ് പു​തു​ക്കി ന​ൽ​ക​ൽ എ​ന്നീ വി​ഷ​യ​ങ്ങ​ളി​ലാ​യി​രു​ന്നു പ്ര​ധാ​ന​മാ​യും ച​ർ​ച്ച. വി​ദ്യാ​ർ​ഥി​നി​ര​ക്കു​മാ​യി ബ​ന്ധ​പ്പെ​ട്ട്​ വി​ദ്യാ​ർ​ഥി സം​ഘ​ട​ന​ക​ളും ബ​സു​ട​മ​ക​ളു​മാ​യി ച​ർ​ച്ച ന​ട​ത്തും. ഇ​തി​നാ​യി ഗ​താ​ഗ​ത സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തി.

നേ​രി​യ നി​ര​ക്ക്​ വ​ർ​ധ​ന ശു​പാ​ർ​ശ ചെ​യ്യു​ന്ന ര​വി​രാ​മ​ൻ ക​മീ​ഷ​ൻ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​കും ച​ർ​ച്ച. ക​മീ​ഷ​ൻ നി​ർ​ദേ​ശി​ച്ച​ത്​ വ​ലി​യ വ​ർ​ധ​ന​വാ​ണെ​ന്ന്​ ക​രു​തു​ന്നി​ല്ലെ​ന്നും സ​മ​വാ​യ​മു​ണ്ടാ​കു​മെ​ന്നാ​ണ്​ ​പ്ര​തീ​ക്ഷ​യെ​ന്നും ച​ർ​ച്ച​ക്കു​ശേ​ഷം മ​ന്ത്രി വാ​ർ​ത്ത​സ​മ്മേ​ള​ന​ത്തി​ൽ വ്യ​ക്​​ത​മാ​ക്കി.

140 കി​ലോ​മീ​റ്റ​റി​ന്​ മു​ക​ളി​ലെ സ്വ​കാ​ര്യ പെ​ർ​മി​റ്റു​ക​ളു​ടെ കാ​ര്യ​ത്തി​ൽ രാ​ഷ്ട്രീ​യ​തീ​രു​മാ​നം വേ​ണം. വ്യാ​ഴാ​ഴ്ച മു​ഖ്യ​മ​ന്ത്രി ക​ണ്ട്​ ഇ​ക്കാ​ര്യം ച​ർ​ച്ച​ചെ​യ്യും. അ​തേ​സ​മ​യം വി​ഷ​യ​ത്തി​ൽ കെ.​എ​സ്.​ആ​ർ.​ടി.​സി​ക്കെ​തി​രെ വ​ന്ന കോ​ട​തി വി​ധി​ക്കെ​തി​രെ സു​​പ്രീം​കോ​ട​തി​യെ സ​മീ​പി​ച്ചി​ട്ടു​ണ്ടെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ബസ് വ്യവസായമേഖല നേരിടുന്ന വിവിധ പ്രശ്നങ്ങൾ പരിഹരിക്കാൻ സർക്കാർ തയാറാകാത്തതിൽ പ്രതിഷേധിച്ച് ജൂലൈ എട്ടിന് ബസുടമ സംയുക്ത സമിതി സൂചന പണിമുടക്ക് നടത്തിയിരുന്നു. കൂടാതെ, ചൊവ്വാഴ്ച 22 മുതൽ അനിശ്ചിതകാല സമരം നടത്തുമെന്ന് സംയുക്ത സമിതി പ്രഖ്യാപിക്കുകയും ചെയ്തിരുന്നു.

ദീർഘകാലമായി സർവിസ് നടത്തുന്ന ലിമിറ്റഡ് സ്റ്റോപ് ബസുകളുടേയും ദീർഘദൂര ബസുകളുടേയും പെർമിറ്റുകൾ യഥാസമയം പുതുക്കിനൽകുക, അർഹരായ വിദ്യാർഥികൾക്ക് മാത്രം കൺസഷൻ നൽകുകയും വിദ്യാർഥികളുടെ യാത്രാനിരക്ക് കാലോചിതമായും വർധിപ്പിക്കുകയും ചെയ്യുക, തൊഴിലാളികൾക്ക് പൊലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കിയ നടപടി പിൻവലിക്കുക, ഇ-ചെലാൻ വഴി അമിതപിഴ ചുമത്തുന്നത് അവസാനിപ്പിക്കുക, വിലകൂടിയ ഇലക്ട്രോണിക് ഉപകരണങ്ങൾ അടിച്ചേൽപിക്കുന്നത് നിർത്തിവെക്കുക തുടങ്ങിയ ആവശ്യങ്ങളുന്നയിച്ചാണ് സമരം പ്രഖ്യാപിച്ചത്.

മുഖ്യമന്ത്രിക്കടക്കം നിവേദനം നൽകുകയും ധർണയും മാർച്ചുമടക്കമുള്ള സമരങ്ങൾ സംഘടിപ്പിക്കുകയും ചെയ്തിട്ടും നടപടി ഉണ്ടാകാത്ത സാഹചര്യത്തിലാണ് പണിമുടക്ക് നടത്താൻ സംയുക്ത സമിതി തീരുമാനിച്ചത്.