കഴക്കൂട്ടത്ത് ബസും ബൈക്കും കൂട്ടിയിടിച്ച് ഒരാൾ മരിച്ചു

തിരുവനന്തപുരം: കഴക്കൂട്ടം അമ്പലത്തിൻകരയിൽ ഇന്നലെ രാത്രിയുണ്ടായ വാഹനാപകടത്തിൽ ഒരാൾ മരിച്ചു. കെ.എസ്.ആർ.ടി.സി ബസും ബൈക്കും കൂട്ടിയിടിച്ചാണ് അപകടമുണ്ടായത്. ബൈക്ക് യാത്രക്കാരൻ ഇടുക്കി വണ്ടിപ്പെരിയാർ സ്വദേശി അജിത് കുമാറാണ് (36) മരിച്ചത്. അജിത്കുമാറിനൊപ്പം പരിക്കേറ്റ കൊല്ലം അഞ്ചൽ സ്വദേശി പ്രദീപ് മെഡിക്കൽ കോളജ് ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലാണ്.