'സ്വ​ർ​ണ​ക്ക​ട​ ബി​സി​ന​സ്‌ പ​ങ്കാ​ളി​ത്തം, മാ​സം​തോ​റും ആ​റു​ല​ക്ഷം ലാഭവിഹിതം'; ഒന്നേകാൽ കോടി തട്ടിയ കേസിൽ രണ്ടുപേർ പിടിയിൽ

പ​ത്ത​നം​തി​ട്ട: സ്വ​ർ​ണ​ക്ക​ട​യി​ൽ ബി​സി​ന​സ്‌ പ​ങ്കാ​ളി​യാ​ക്കാ​മെ​ന്നും ലാ​ഭ​വി​ഹി​ത​മാ​യി 25 ശ​ത​മാ​നം വീ​തം മാ​സം​തോ​റും ന​ൽ​കാ​മെ​ന്നും പ​റ​ഞ്ഞ്​ ഒ​ന്നേ​കാ​ൽ കോ​ടി രൂ​പ ത​ട്ടി​യ കേ​സി​ൽ ര​ണ്ടു​പേ​രെ പ​ന്ത​ളം പൊ​ലീ​സ് പി​ടി​കൂ​ടി.

ഒ​ന്നാം​പ്ര​തി കോ​ഴി​ക്കോ​ട് പൂ​നൂ​ർ ക​ക്കാ​ട്ടു​മ്മ​ൽ വീ​ട്ടി​ൽ അ​ബ്ദു​ൽ​ഗ​ഫൂ​ർ (50), മൂ​ന്നാം​പ്ര​തി കോ​ഴി​ക്കോ​ട് കി​ഴ​ക്കോ​ത്ത്​ ബു​സ്ക​നാ​ബാ​ദ് അ​ബ്ദു​സ്സ​മ​ദ് (64) എ​ന്നി​വ​രാ​ണ് അ​റ​സ്റ്റി​ലാ​യ​ത്. ര​ണ്ടാം​പ്ര​തി നൗ​ഷാ​ദ് ഖാ​ൻ വി​ദേ​ശ​ത്താ​ണ്.

കൊ​ട്ടാ​ര​ക്ക​ര ഓ​ട​നാ​വ​ട്ടം തു​റ​വൂ​ർ ഹൈ​ലാ​ൻ​ഡ് വീ​ട്ടി​ൽ രാ​ഹു​ൽ കൃ​ഷ്ണ​നാ​ണ് ക​ബ​ളി​പ്പി​ക്ക​പ്പെ​ട്ട​ത്. പ്ര​തി​ക​ൾ കോ​ഴി​ക്കോ​ട് പൂ​നൂ​രി​ൽ ന​ട​ത്തു​ന്ന മി​ന ജ്വ​ല്ല​റി​യി​ൽ പ​ങ്കാ​ളി​യാ​ക്കാ​മെ​ന്നും ലാ​ഭ​വി​ഹി​ത​മാ​യി മാ​സം​തോ​റും ആ​റു​ല​ക്ഷം രൂ​പ​യി​ൽ കു​റ​യാ​തെ ന​ൽ​കാ​മെ​ന്നും പ​റ​ഞ്ഞ്​ വി​ശ്വ​സി​പ്പി​ച്ചാ​യി​രു​ന്നു പ​ണം​ത​ട്ടി​യ​ത്. 2023 ഫെ​ബ്രു​വ​രി 24ന് ​അ​ബ്ദു​ൽ​ഗ​ഫൂ​റി​ന്റെ അ​ക്കൗ​ണ്ടി​ലേ​ക്ക് രാ​ഹു​ൽ ഒ​രു​കോ​ടി രൂ​പ അ​യ​ച്ചു​കൊ​ടു​ത്തു.

തു​ട​ർ​ന്ന്, ര​ണ്ടാം പ്ര​തി​യു​ടെ പേ​രി​ൽ നി​ർ​മാ​ണം പൂ​ർ​ത്തി​യാ​വു​ന്ന വ​യ​നാ​ട്ടി​ലെ റി​സോ​ർ​ട്ടി​ൽ ര​ണ്ട് കി​ട​ക്ക​ക​ളു​ള്ള വി​ല്ല​യു​ടെ ഉ​ട​മ​സ്ഥാ​വ​കാ​ശം 50 ല​ക്ഷം രൂ​പ​ക്ക്​ ന​ൽ​കാ​മെ​ന്ന് വാ​ക്കു​ന​ൽ​കി​യ​തി​ന്റെ അ​ടി​സ്ഥാ​ന​ത്തി​ൽ 25 ല​ക്ഷം രൂ​പ മാ​ർ​ച്ച്‌ എ​ട്ടി​നും അ​യ​ച്ചു​കൊ​ടു​ത്തു. രാ​ഹു​ലി​ന്റെ​യും ഭാ​ര്യാ​പി​താ​വി​ന്റെ​യും ബാ​ങ്ക് അ​ക്കൗ​ണ്ടു​ക​ളി​ൽ​നി​ന്ന്​ പി​ൻ​വ​ലി​ച്ച തു​ക​യാ​ണ് കൈ​മാ​റി​യ​ത്.

എ​ന്നാ​ൽ, ലാ​ഭ​വി​ഹി​തം ന​ൽ​കു​ക​യോ ക​ച്ച​വ​ട​ത്തി​ൽ പ​ങ്കാ​ളി​യാ​ക്കു​ക​യോ ചെ​യ്തി​ല്ല. തു​ട​ർ​ന്ന്​ രാ​ഹു​ൽ കൊ​ട്ടാ​ര​ക്ക​ര പൊ​ലീ​സി​ൽ പ​രാ​തി ന​ൽ​കി. ബാ​ങ്ക് ഇ​ട​പാ​ടു​ക​ൾ ന​ട​ന്ന​ത്​ പ​ന്ത​ള​ത്താ​യ​തി​നാ​ൽ ഇ​വി​ടെ അ​ന്വേ​ഷ​ണം ആ​രം​ഭി​ക്കു​ക​യാ​യി​രു​ന്നു. പ​ന്ത​ളം പൊ​ലീ​സ് ബാ​ങ്ക് അ​ക്കൗ​ണ്ടു​ക​ൾ പ​രി​ശോ​ധി​ച്ചു.

ഒ​ന്നാം​പ്ര​തി ഒ​രു​കോ​ടി രൂ​പ പ​ല​ത​വ​ണ​യാ​യി പി​ൻ​വ​ലി​ച്ച​താ​യും ഉ​പ​യോ​ഗി​ച്ച​താ​യും ക​ണ്ടെ​ത്തി. ര​ണ്ടാം​പ്ര​തി 25 ല​ക്ഷം മാ​റി​യെ​ടു​ത്ത​തി​ന്റെ തെ​ളി​വും ല​ഭി​ച്ചു. പി​ന്നീ​ട് പ്ര​തി​ക​ൾ​ക്കാ​യി ന​ട​ത്തി​യ അ​ന്വേ​ഷ​ണ​ത്തി​ൽ അ​ബ്ദു​ൽ ഗ​ഫൂ​ർ പൂ​നൂ​രി​ലെ വീ​ട്ടി​ലു​ണ്ടെ​ന്ന് ര​ഹ​സ്യ​വി​വ​രം കി​ട്ടി​യ​തു​പ്ര​കാ​രം പൊ​ലീ​സ് ശ​നി​യാ​ഴ്ച അ​വി​ടെ​യെ​ത്തി ക​സ്റ്റ​ഡി​യി​ലെ​ടു​ത്തു. തു​ട​ർ​ന്ന് അ​ബ്ദു​സ്സ​മ​ദി​നെ​യും അ​യാ​ളു​ടെ വീ​ട്ടി​ൽ​നി​ന്ന്​ പി​ടി​കൂ​ടി. പ​ന്ത​ളം സ്റ്റേ​ഷ​നി​ൽ എ​ത്തി​ച്ച് ന​ട​ത്തി​യ ചോ​ദ്യം​ചെ​യ്യ​ലി​ൽ പ്ര​തി​ക​ൾ കു​റ്റം സ​മ്മ​തി​ച്ചു. പൊ​ലീ​സ് ഇ​ൻ​സ്‌​പെ​ക്ട​ർ ടി.​ഡി. പ്ര​ജീ​ഷി​ന്റെ നേ​തൃ​ത്വ​ത്തി​ൽ അ​റ​സ്റ്റ് രേ​ഖ​പ്പെ​ടു​ത്തി. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.