കൈപൊളളും നിരക്ക്​; ഓണക്കാല യാത്രക്കാർ വലയും

തി​രു​വ​ന​ന്ത​പു​രം: ഓ​ണ​ക്കാ​ല​ത്ത് നാ​ട​ണ​യാ​ൻ കാ​ത്തി​രു​ന്ന​വ​രെ വെ​ട്ടി​ലാ​ക്കി യാ​ത്രാ​പ്ര​തി​സ​ന്ധി. ​തി​ര​ക്ക്​ ക​ണ​ക്കി​ലെ​ടു​ത്ത്​ പ്ര​ഖ്യാ​പി​ച്ച സ്​​പെ​ഷ​ൽ ട്രെ​യി​നു​ക​ൾ ഇ​തി​ന​കം നി​റ​ഞ്ഞ​തും സ്വ​കാ​ര്യ ബ​സു​ക​ൾ​ നി​ര​ക്ക്​ കു​ത്ത​നെ ഉ​യ​ർ​ത്തി​യ​തു​മാ​ണ്​ യാ​ത്ര​ക്കാ​രെ വ​ല​ക്കു​ന്ന​ത്. കൂ​ടു​ത​ൽ സ്​​പെ​ഷ​ൽ ട്രെ​യി​നു​ക​ൾ അ​നു​വ​ദി​ക്ക​ണ​മെ​ന്നാ​ണ്​ ഇ​വ​രു​ടെ ആ​വ​ശ്യം. മം​ഗ​ളൂ​രു-​​കൊ​ല്ലം, എ​റ​ണാ​കു​ളം-​ബം​ഗ​ളൂ​രു, കൊ​ല്ലം-​താം​ബ​രം റൂ​ട്ടു​ക​ളി​ലാ​യി 13 സ്​​പെ​ഷ​ൽ ട്രെ​യി​നു​ക​ളാ​ണ്​ ഇ​തു​വ​രെ പ്ര​ഖ്യാ​പി​ച്ച​ത്.

മ​റ്റു ന​ഗ​ര​ങ്ങ​ളെ അ​പേ​ക്ഷി​ച്ച്​ ബം​ഗ​ളൂ​രു​വി​ൽ​നി​ന്ന് കേ​ര​ള​ത്തി​ലേ​ക്കാ​ണ്​ യാ​​ത്ര​ക്കാ​രു​ടെ തി​ര​ക്ക്​ ഏ​റെ​യു​ള്ള​ത്. കേ​ര​ള​ത്തി​ന്​​ പു​റ​ത്ത് മ​ല​യാ​ളി​ക​ൾ ഏ​റ്റ​വു​മ​ധി​ക​മു​ള്ള ന​ഗ​ര​ങ്ങ​ളി​ലൊ​ന്നാ​ണ്‌ ബം​ഗ​ളൂ​രു. ഇ​വ​രി​ൽ കു​റ​ച്ചു​പേ​ർ മാ​​ത്രം ഉ​ത്സ​വ​സീ​സ​ണു​ക​ളി​ൽ നാ​ട്ടി​ലേ​ക്ക്​ വ​ന്നു​പോ​കു​ന്ന​വ​രാ​ണ്. ഇ​വ​ർ​ക്ക്​ പോ​ലും യാ​ത്രാ​സൗ​ക​ര്യ​മി​ല്ലാ​ത്ത നി​ല​യാ​ണി​പ്പോ​ൾ. കൊ​ല്ല​ത്തു​നി​ന്ന്​ എ​റ​ണാ​കു​ള​ത്തേ​ക്കും തി​രി​ച്ചും അ​നു​വ​ദി​ച്ച​ത്​ നാ​ല്​ ​സ്​​പെ​ഷ​ൽ ട്രെ​യി​നു​ക​ൾ മാ​ത്രം.

ഡ​ൽ​ഹി, ചെ​ന്നൈ, മം​ഗ​ളൂ​രു എ​ന്നി​വി​ട​ങ്ങ​ളി​ൽ​നി​ന്ന്‌ ട്രെ​യി​നു​ക​ളി​ൽ കേ​ര​ള​ത്തി​ലേ​ക്ക്‌ ടി​ക്ക​റ്റ്​ കി​ട്ടാ​നി​ല്ല. ഓ​ണാ​വ​ധി​ക്ക് നാ​ട്ടി​ലെ​ത്താ​ന്‍ സ്ഥി​രം ട്രെ​യി​നു​ക​ളി​ൽ ര​ണ്ടു മാ​സം​മു​മ്പ് ബു​ക്ക് ചെ​യ്തെ​ങ്കി​ലും മി​ക്ക​വ​രും വെ​യി​റ്റി​ങ് ലി​സ്റ്റി​ലാ​ണ്. റി​സ​ർ​വേ​ഷ​ൻ നേ​ര​ത്തേ അ​വ​സാ​നി​പ്പി​ക്കു​ക​യും ലാ​ഭ​മേ​റി​യ ത​ത്കാ​ൽ ക​ച്ച​വ​ട​ത്തി​നാ​യി ടി​ക്ക​റ്റ് പൂ​ഴ്ത്തി​വെ​ക്കു​ന്ന​താ​യും റെ​യി​ൽ​വേ​ക്കെ​തി​രെ നേ​ര​ത്തേ മു​ത​ൽ ആ​ക്ഷേ​പ​മു​ണ്ട്.

ന​ട​പ്പാ​ക്കു​ന്ന​ത്​ പോ​ക്ക​റ്റ​ടി

തി​രു​വ​ന​ന്ത​പു​രം: ഉ​ത്രാ​ട​ത്ത​ലേ​ന്നാ​യ 13ന്​ ​മം​ഗ​ളൂ​രു​വി​ൽ​നി​ന്ന്​ തി​രു​വ​ന​ന്ത​പു​ര​​ത്തേ​ക്കു​ള്ള മ​ല​ബാ​ർ ട്രെ​യി​നി​ൽ 315 ആ​ണ്​ വെ​യി​റ്റി​ങ്​ ലി​സ്റ്റ്. മാ​വേ​ലി​യി​ൽ 276 ഉം ​ഏ​റ​നാ​ടി​ൽ 216ഉം ​പ​ര​ശു​റാ​മി​ൽ 217ഉം ​തി​രു​വ​ന​ന്ത​പു​രം എ​ക്സ്​​പ്ര​സി​ൽ 196ഉം ​ആ​ണ്​ സ്ലീ​പ്പ​റി​ലെ വെ​യി​റ്റി​ങ്​ ലി​സ്റ്റ്​ നി​ല. ഓ​ണ​ക്കാ​ല​ത്തെ യാ​ത്രാ​ദു​രി​തം മു​ത​ലെ​ടു​ത്ത് മൂ​ന്നി​ര​ട്ടി നി​ര​ക്ക് കൂ​ട്ടി സ്വ​കാ​ര്യ​ബ​സു​ക​ൾ യാ​ത്ര​ക്കാ​രെ പി​ഴി​യാ​നു​ള്ള ത​യാ​​റെ​ടു​പ്പി​ലാ​ണ്. ട്രെ​യി​ൻ ടി​ക്ക​റ്റു​ക​ളു​ടെ ല​ഭ്യ​ത​ക്കു​റ​വാ​ണ്​ സ്വ​കാ​ര്യ​ബ​സു​കാ​ർ​ക്ക്​ കൊ​ള്ള​ക്ക്​ വ​ഴി​യൊ​രു​ക്കു​ന്ന​ത്. കേ​ര​ള​ത്തി​ൽ​നി​ന്ന്‌ ഏ​റ്റ​വും കൂ​ടു​ത​ൽ സ്വ​കാ​ര്യ ബ​സു​ക​ൾ സ​ർ​വി​സ്‌ ന​ട​ത്തു​ന്ന​ത്‌ ബം​ഗ​ളൂ​രു​വി​ലേ​ക്കാ​ണ്‌. സെ​പ്​​റ്റം​ബ​ർ എ​ട്ടി​ന്​ തി​രു​വ​ന​ന്ത​പു​രം-​ ബം​ഗ​ളൂ​രു യാ​ത്ര നി​ര​ക്ക്​ 1799 രൂ​പ​യാ​ണ്. എ​ന്നാ​ൽ, ഉ​ത്രാ​ട​ത്ത​ലേ​ന്നാ​യ സെ​പ്​​റ്റം​ബ​ർ 13ന്​ ​ഇ​തേ റൂ​ട്ടി​ൽ 4799 രൂ​പ​യാ​ണ്​ നി​ര​ക്ക്. സെ​പ്​​റ്റം​ബ​ർ 10​ മു​ത​ൽ ചാ​ർ​ജ്​​ കൂ​ട്ടും. സെ​പ്​​റ്റം​ബ​ർ 10ന്​ 1999 ​രൂ​പ​യും 11ന്​ 2999 ​രൂ​പ​യും 12ന്​ 3499 ​രൂ​പ​യു​മാ​യാ​ണ്​ നി​ര​ക്ക്​ വ​ർ​ധി​പ്പി​ച്ച​ത്. ഓ​ണം ക​ഴി​ഞ്ഞു​ള്ള ദി​വ​സ​ങ്ങ​ളി​ലും ഉ​യ​ർ​ന്ന നി​ര​ക്കാ​ണ്.