ഇന്ന്​ കൊച്ചിയിലെത്തുന്ന ആദ്യ വിമാനത്തിലെ യാത്രക്കാർ ഇവരാണ് 

കൊച്ചി/നെടുമ്പാശ്ശേരി: പ്രവാസികളുമായി വ്യാഴാഴ്ച ​രാത്രി 9.40ന്​ െകാച്ചിയിൽ എത്തുന്ന വിമാനത്തിൽ എട്ട് ജില്ലകളിലെ യാത്രക്കാരാണ് ഉണ്ടാവുക. 25 പേർ എറണാകുളം ജില്ലക്കാരാണ്. തൃശൂർ -73, പാലക്കാട് -13, മലപ്പുറം -23, കാസർകോട് -ഒന്ന്, ആലപ്പുഴ -15, കോട്ടയം -13, പത്തനംതിട്ട -എട്ട്​ എന്നിങ്ങനെയാണ് മറ്റുജില്ലകളിൽനിന്നുള്ളവരുടെ കണക്ക്. 

ഇവരെ വിമാനത്താവളത്തിൽനിന്ന്​ അതത് ജില്ലകളിലെ ക്വാറൻറീൻ കേന്ദ്രങ്ങളിലേക്ക് എത്തിക്കും. ഗർഭിണികൾ, മുതിർന്ന പൗരന്മാർ, 10 വയസ്സിൽ താഴെയുള്ള കുട്ടികൾ എന്നിവർക്ക് അവരവരുടെ വീടുകളിലാണ് ക്വാറൻറീൻ. 

കാസർകോട് ജില്ലക്കാരനായ ഏക യാത്രക്കാരനും തൽക്കാലം എറണാകുളത്താണ് ക്വാറൻറീൻ. കളമശ്ശേരിയിലെ എസ്.സി.എം.എസ് ഹോസ്​റ്റലിലാണ് ജില്ലയിലെത്തുന്ന പ്രവാസികൾക്ക് ക്വാറൻറീൻ ഒരുക്കിയിട്ടുള്ളതെന്ന് കലക്ടർ അറിയിച്ചു.