എസ്.ഐ.ടി അന്വേഷണം തൃപ്തികരമല്ല; നവീൻ ബാബുവിന്റെ മരണത്തിൽ തുടരന്വേഷണം ആവശ്യപ്പെട്ട് ഭാര്യ കോടതിയിൽ

കണ്ണൂർ: എ.ഡി.എം ആയിരുന്ന നവീൻ ബാബുവിന്റെ മരണത്തിൽ തുടരന്വേഷണം ആവശ്യപ്പെട്ട് ഭാര്യ മഞ്ജുഷ കോടതിയെ സമീപിച്ചു. എസ്.ഐ.ടി അന്വേഷണം തൃപ്തികരമല്ലെന്ന് ചൂണ്ടിക്കാട്ടിയാണ് മഞ്ജുഷ കോടതിയെ സമീപിച്ചത്. അന്വേഷണത്തിലെ പിഴവുകളും അവർ ഹരജിയിൽ അക്കമിട്ട് നിരത്തിയിട്ടുണ്ട്. പ്രതി ഭരിക്കുന്ന പാർട്ടിയുടെ ഭാഗമായിട്ടും ശരിയായ തെളിവുകൾ ശേഖരിച്ചില്ലെന്നും പ്രശാന്തനിൽ നിന്ന് കൈക്കൂലി വാങ്ങിയെന്നും വ്യാജ കേസ് നിർമിക്കാൻ ശ്രമിച്ചുവെന്നുമാണ് ഹരജിയിലുള്ളത്.

അന്വേഷണം ശരിയായ വഴിക്കാണെങ്കിൽ ഈ വ്യാജ ആരോപണം തെളിയിക്കാൻ സാധിക്കും. വകുപ്പുതല അന്വേഷണത്തിലെ കണ്ടെത്തൽ പൊലീസ് റിപ്പോർട്ടിൽ ഉൾപ്പെടുത്തിയില്ല. പ്രശാന്തൻ പി.പി. ദിവ്യയുടെ ബിനാമി ആണെന്ന സൂചനയും അന്വേഷിച്ചില്ല. അതുപോലെ ഇലക്ട്രോണിക് തെളിവുകളിൽ പലതിലും ക്രമക്കേട് ഉണ്ടെന്നും മഞ്ജുഷയുടെ ഹരജിയിലുണ്ട്.

ക​ണ്ണൂ​ർ എ.​ഡി.​എ​മ്മാ​യി​രി​ക്കെ ക​ഴി​ഞ്ഞ ഒ​ക്ടോ​ബ​ർ 15നാ​ണ് ന​വീ​ൻ​ബാ​ബു​വി​നെ പ​ള്ളി​ക്കു​ന്നി​ലെ താ​മ​സ​സ്ഥ​ല​ത്ത് തൂ​ങ്ങി​മ​രി​ച്ച നി​ല​യി​ൽ ക​ണ്ട​ത്. എ.​ഡി.​എ​മ്മി​നു​ള്ള യാ​ത്ര​യ​യ​പ്പ് യോ​ഗ​ത്തി​ൽ ക്ഷ​ണി​ക്കാ​തെ എ​ത്തി​യ പി.​പി. ദി​വ്യ ന​ട​ത്തി​യ അ​ധി​ക്ഷേ​പ പ്ര​സം​ഗ​ത്തി​ൽ മ​നം​​നൊ​ന്താ​ണ് ന​വീ​ൻ​ബാ​ബു ജീ​വ​നൊ​ടു​ക്കി​യ​തെ​ന്നും അ​ധി​കാ​ര​വും പ​ദ​വി​യും അ​വ​ർ ദു​രു​പ​യോ​ഗം ചെ​യ്തെ​ന്നും ക​ണ്ണൂ​ർ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ ചൂ​ണ്ടി​ക്കാ​ട്ടിയിരുന്നു.