പോക്സോ കേസിൽ മോൻസൺ മാവുങ്കലിനെ വെറുതെ വിട്ടു

കൊച്ചി: പോക്സോ കേസിൽ മോൻസൺ മാവുങ്കലിനെ കോടതി വെറുതെ വിട്ടു. പെരുമ്പാവൂർ അതിവേഗ കോടതിയുടെതാണ് നടപടി. അതിജീവിതയെ പീഡിപ്പിക്കാൻ കൂട്ടുനിന്നുവെന്നായിരുന്നു മോൻസണെതിരായ കുറ്റം. കേസിൽ ഒന്നാംപ്രതിയായ ജോഷി കുറ്റക്കാരനാണെന്ന് കോടതി കണ്ടെത്തി.

മോൻസൺ രണ്ടാം പ്രതിയായതിനാലാണ് വെറുതെ വിട്ടത്. ജോഷിയുടെ ശിക്ഷ ഉച്ചക്ക് ശേഷം പ്രഖ്യാപിക്കും. കേസിൽ കുറ്റവിമുക്തനായെങ്കിലും മോൻസണ് ജയിലിൽ നിന്ന് പുറത്തിറങ്ങാനാകില്ല. കാരണം, മറ്റൊരു കേസിൽ ശിക്ഷിക്കപ്പെട്ട് മോൻസൺ ജയിലിലാണ്.