ജന്മനാടിന്‍റെ ഓർമയിൽ ജ്വാലയായി മുഹമ്മദ് അബ്ദുറഹ്മാൻ സാഹിബ്

മ​ല​ബാ​റി​ന്റെ സ​മ​ര​ഭൂ​മി​ക​യി​ൽ​നി​ന്ന് സ്വാ​ത​ന്ത്ര്യ​സ​മ​ര ച​രി​ത്ര​ത്തി​ൽ ധീ​രോ​ജ്ജ്വ​ല​മാ​യ അ​ധ്യാ​യം എ​ഴു​തി​ച്ചേ​ർ​ത്ത സ്വാ​ത​ന്ത്ര്യ​സ​മ​ര സേ​നാ​നി മു​ഹ​മ്മ​ദ് അ​ബ്ദു​റ​ഹ്മാ​ൻ സാ​ഹി​ബി​ന്റെ ഓ​ർ​മ​ക​ളാ​ൽ പു​ള​കി​ത​മാ​കു​ക​യാ​ണ് ജ​ന്മ​നാ​ട്. ദേ​ശീ​യ സ്വാ​ത​ന്ത്ര്യ പ്ര​സ്ഥാ​ന​ത്തി​ന്റെ മു​ന്ന​ണി​പ്പോ​രാ​ളി​യാ​കാ​ൻ മ​ല​ബാ​റി​നെ ക​ർ​മ​ഭൂ​മി​യാ​യി തി​ര​ഞ്ഞെ​ടു​ത്ത അ​ദ്ദേ​ഹ​ത്തി​ന്‍റെ സ്മ​ര​ണ നി​ല​നി​ർ​ത്താ​ൻ അ​ബ്ദു​റ​ഹ്മാ​ൻ സാ​ഹി​ബി​ന്റെ ജ​ന്മ​ഗൃ​ഹം സ​ർ​ക്കാ​ർ ഏ​റ്റെ​ടു​ത്ത് മു​സി​രി​സ് പൈ​തൃ​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി മ്യൂ​സി​യ​മാ​ക്കി ച​രി​ത്രാ​ന്വേ​ഷ​ക​ർ​ക്കും ഗ​വേ​ഷ​ക​ർ​ക്കു​മാ​യി തു​റ​ന്നു​കൊ​ടു​ത്തി​ട്ടു​ണ്ട്. 2008ലാ​ണ് അ​ദ്ദേ​ഹം താ​മ​സി​ച്ചി​രു​ന്ന അ​ഴീ​ക്കോ​ട് മേ​നോ​ൻ ബ​സാ​റി​ലെ പ​ന​ക്ക​ല​പ​റ​മ്പ് ക​റു​ക​പ്പാ​ട​ത്ത് വീ​ട് സ​ർ​ക്കാ​ർ ഏ​റ്റെ​ടു​ത്ത് ഗ​ത​കാ​ല പ്രൗ​ഢി നി​ല​നി​ർ​ത്തി പു​ന​രു​ദ്ധ​രി​ച്ച​ത്.

പ്രൈ​മ​റി സ്കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി കൊ​ടു​ങ്ങ​ല്ലൂ​ർ ഗ​വ. ഹൈ​സ്കൂ​ളി​ൽ ചേ​ർ​ന്ന അ​ദ്ദേ​ഹം പ​ഠ​നാ​ർ​ഥം നാ​ടു​വി​ട്ട​തോ​ടെ വീ​ടു​മാ​യു​ള്ള ബ​ന്ധം ഇ​ട​വേ​ള​ക​ളി​ൽ മാ​ത്ര​മാ​യി​രു​ന്നു. ജ​യി​ൽ​വാ​സ​കാ​ല​ത്ത് പ​രോ​ളി​ൽ, രോ​ഗ​ശ​യ്യ​യി​ലാ​യി​രു​ന്ന ഉ​മ്മ​യെ കാ​ണാ​നും പി​ന്നീ​ട്, ജ​യി​ൽ മോ​ചി​ത​നാ​യി അ​വ​സാ​ന​മാ​യി 1945ലു​മാ​ണ് വീ​ട്ടി​ലെ​ത്തി​യ​ത്.

പൗ​ര​ത്വ​ത്തി​ന് മ​തം മാ​ന​ദ​ണ്ഡ​മാ​ക്കി മാ​റ്റു​ക​യും ദേ​ശാ​ഭി​മാ​ന​ത്തി​ന് അ​തി​രു​ക​ൾ നി​ർ​ണ​യി​ക്കു​ക​യും​വ​രെ ചെ​യ്യു​ന്ന കാ​ല​ത്ത്, രാ​ജ്യം വി​ഭ​ജി​ക്കു​ന്ന​തി​നെ​തി​രെ നി​ല​കൊ​ള്ളു​ക​യും സ്വാ​ത​ന്ത്ര്യ​ത്തി​നും മ​ത​നി​ര​പേ​ക്ഷ​ത​ക്കു​മാ​യി ജീ​വി​തം അ​ർ​പ്പി​ക്കു​ക​യും ചെ​യ്ത സാ​ഹി​ബി​നെ കു​റി​ച്ചു​ള്ള സ്മ​ര​ണ​ക​ൾ കൂ​ടു​ത​ൽ ദീ​പ്ത​മാ​വു​ക​യാ​ണ്.