മേഘശ്രീ വയനാട് കലക്ടർ; രേണു രാജിനെ മാറ്റി

തിരുവനന്തപുരം: സംസ്ഥാനത്ത് ഐ.എ.എസ് ഉദ്യോഗസ്ഥ തലത്തിൽ മാറ്റം. പട്ടികവർഗ വികസനവകുപ്പ് ഡയറക്ടർ ഡി.ആർ. മേഘശ്രീയെ വയനാട് കലക്ടറായി നിയമിച്ചു.

വയനാട് കലക്ടറായിരുന്ന ഡോ. രേണു രാജിന് പട്ടികവർഗ വികസന വകുപ്പ് ഡയറക്ടർ സ്ഥാനവും ഗോത്രവിഭാഗം പുനരധിവാസ വികസന മിഷന്‍റെ പ്രത്യേക ഓഫിസറുടെ അധിക ചുമതല നൽകി.ഫിഷറീസ് വകുപ്പ് ഡയറക്ടർ ഡോ. അദീല അബ്ദുല്ലയെ കൃഷിവികസന കാർഷിക ക്ഷേമ വകുപ്പ് ഡയറക്ടറായും റവന്യൂ വകുപ്പ് അഡീഷനൽ സെക്രട്ടറിയായിരുന്ന ബി. അബ്ദുൽ നാസറെ ഫിഷറീസ് വകുപ്പ് ഡയറക്ടർ സ്ഥാനത്തേക്കും മാറ്റി.