മാഹിക്ക് പ്രതീക്ഷയായി സൂപ്പർ സ്പെഷാലിറ്റി ആശുപത്രി; ഹൃദയാരോഗ്യ കേന്ദ്രം പരിഗണനയിൽ

മാ​ഹി: മാ​ഹി ഗ​വ. ജ​ന​റ​ൽ ആ​ശു​പ​ത്രി​യി​ൽ ട്രോ​മാ കെ​യ​ർ യൂ​നി​റ്റി​ന് വേ​ണ്ടി 2007 ൽ ​ടെ​ൻ​ഡ​ർ ക്ഷ​ണി​ച്ച് നി​ർ​മി​ച്ച ആ​റു​നി​ല കെ​ട്ടി​ടം ഇ​നി സൂ​പ്പ​ർ സ്പെ​ഷാ​ലി​റ്റി ആ​ശു​പ​ത്രി​യാ​വും. പു​തു​ച്ചേ​രി ആ​രോ​ഗ്യ വ​കു​പ്പ് സെ​ക്ര​ട്ട​റി പ​ങ്ക​ജ് കു​മാ​ർ ഝാ​യു​ടെ മാ​ഹി സ​ന്ദ​ർ​ശ​ന​ത്തോ​ടെ ഇ​തി​നു​ള്ള പ്രാ​ഥ​മി​ക ന​ട​പ​ടി​ക​ൾ ആ​രം​ഭി​ച്ചു. 5.33 കോ​ടി രൂ​പ​യു​ടെ പ​ദ്ധ​തി​യാ​ണ് സ​ർ​ക്കാ​റി​ലേ​ക്ക് സ​മ​ർ​പ്പി​ച്ചി​ട്ടു​ള്ള​ത്. ഒ​രു മാ​സ​ത്തി​ന​കം തീ​രു​മാ​ന​മു​ണ്ടാ​കു​മെ​ന്നാ​ണ് അ​റി​യു​ന്ന​ത്. 2007 സെ​പ്റ്റംബ​റി​ൽ 5.75 കോ​ടി രൂ​പ​ക്കാ​ണ് ടെ​ൻ​ഡ​ർ ഉ​ണ്ടാ​ക്കി​യ​തെ​ങ്കി​ലും മ​ദ്രാ​സ് ഹൈ​കോ​ട​തി​യി​ൽ തു​ക വ​ർ​ധി​പ്പി​ക്കാ​ൻ ഹര​ജി ന​ൽ​കി​യ​തി​നെ തു​ട​ർ​ന്ന് ടെ​ൻ​ഡ​ർ എ​ക്സ്റ്റ​ൻ​ഷ​ന​ട​ക്കം 7.76 കോ​ടി രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി​യെ​ങ്കി​ലും വീ​ണ്ടും പ്ര​വൃ​ത്തി നീ​ണ്ടു​പോ​യി. തു​ട​ർ​ന്ന് 2017ൽ 70 ​ശ​ത​മാ​ന​ത്തോ​ളം പ​ണി പൂ​ർ​ത്തി​യാ​യ നി​ർ​ദി​ഷ്ട ട്രോ​മാ കെ​യ​ർ സെ​ന്റ​റി​ന്റെ താ​ഴ​ത്തെ നി​ല​യി​ൽ കോ​വി​ഡ് കാ​ല​ത്ത് ഔ​ട്ട് പേ​ഷ്യ​ന്റ് ഡി​പ്പാ​ർ​ട്ട്മെ​ന്റ് പ്ര​വ​ർ​ത്തി​ച്ചി​രു​ന്നു. സൂ​പ്പ​ർ സ്പെ​ഷാ​ലി​റ്റി ആ​ശു​പ​ത്രി യാ​ഥാ​ർ​ഥ്യ​മാ​യാ​ൽ ഒ​രു നി​ല ഹൃ​ദ​യാ​രോ​ഗ്യ വി​ഭാ​ഗ​മാ​യി പ്ര​വ​ർ​ത്തി​ക്കും.

സ്വ​കാ​ര്യ മേ​ഖ​ല​യു​മാ​യി കൈ​കോ​ർ​ത്താ​ണ് ഇ​വി​ടെ ഹൃ​ദ​യ ശ​സ്ത്ര​ക്രി​യ​യു​ൾപ്പെ​ടെ​യു​ള്ള നൂ​ത​ന ചി​കി​ത്സ​ക​ൾ തു​ട​ങ്ങു​ക. ആ​ശു​പ​ത്രി​യി​ൽ ചി​കി​ത്സ സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തി​നാ​യി വി​ദ​ഗ്ധ ഡോ​ക്ട​ർ​മാ​രെ​യു​ൾ​പ്പെ​ടെ നി​യ​മി​ക്കാ​നു​ള്ള കൂ​ടി​ക്കാ​ഴ്ച ഇ​തി​ന​കം പൂ​ർ​ത്തി​യാ​യി​ട്ടു​ണ്ട്. 10 ദി​വ​സ​ത്തി​ന​കം ഇ​വ​രു​ടെ നി​യ​മ​ന ന​ട​പ​ടി​ക​ൾ ആ​രം​ഭി​ക്കും.

ഓ​ൺ​ലൈ​ൻ ഒ.​പി ബു​ക്കി​ങ് രീ​തി ആ​ശു​പ​ത്രി​യി​ൽ ഉ​ട​ൻ ന​ട​പ്പി​ൽ വ​രും. കേ​ന്ദ്ര ആ​രോ​ഗ്യ മ​ന്ത്രാ​ല​യ​വു​മാ​യി ബ​ന്ധി​പ്പി​ച്ച് ഇ- ​ഫാ​ർ​മ​സി നി​ല​വി​ലു​ണ്ട്. തു​ട​ർ​ന്ന് മാ​ഹി ഗ​വ. ജ​ന​റ​ൽ ആ​ശു​പ​ത്രി ഇ. ​ഹോ​സ്പി​റ്റ​ൽ സ​മ്പ്ര​ദാ​യ​ത്തി​ലേ​ക്ക് കു​തി​ക്കും.