വ​നി​ത പൊ​ലീ​സു​കാ​ർ​ക്കെ​തി​രെ ലൈം​ഗി​ക അ​ധി​ക്ഷേ​പം; വ​യോ​ധി​ക​ൻ മൈ​സൂ​രു​വി​ൽ പി​ടി​യി​ൽ

സു​ൽ​ത്താ​ൻ ബ​ത്തേ​രി: വ​നി​ത സി​വി​ൽ പൊ​ലീ​സ് ഓ​ഫി​സ​ർ​മാ​ർ​ക്കെ​തി​രെ വാ​ട്‌​സ്ആ​പ് ഗ്രൂ​പ്പി​ൽ ലൈം​ഗി​ക അ​ധി​ക്ഷേ​പം ന​ട​ത്തി മു​ങ്ങി​യ വ​യോ​ധി​ക​നെ മൈ​സൂ​രു​വി​ൽ​നി​ന്ന് പി​ടി​കൂ​ടി. ബ​ത്തേ​രി മൂ​ല​ങ്കാ​വ് കോ​റു​മ്പ​ത്ത് മാ​നു എ​ന്ന അ​ഹ​മ്മ​ദി​നെ (61)യാ​ണ് ബ​ത്തേ​രി പൊ​ലീ​സ് അ​റ​സ്റ്റ് ചെ​യ്ത​ത്.

വ​നി​ത സി​വി​ൽ പൊ​ലീ​സ് ഓ​ഫി​സ​റു​ടെ പ​രാ​തി​യി​ലാ​ണ് ന​ട​പ​ടി. സു​ൽ​ത്താ​ൻ ബ​ത്തേ​രി, മീ​ന​ങ്ങാ​ടി, അ​മ്പ​ല​വ​യ​ൽ സ്റ്റേ​ഷ​നു​ക​ളി​ലാ​യി അ​ഹ​മ്മ​ദ് ആ​റു കേ​സു​ക​ളി​ലെ പ്ര​തി​യാ​ണ്. ജൂ​ൺ 30നാ​ണ് എ​ഴു​ന്നൂ​റോ​ളം പേ​ർ അം​ഗ​മാ​യ ‘മൊ​ട്ടു​സൂ​ചി’ എ​ന്ന വാ​ട്സ്ആ​പ് ഗ്രൂ​പ്പി​ൽ ഇ​യാ​ൾ ജി​ല്ല​യി​ലെ ഒ​രു പൊ​ലീ​സ് സ്റ്റേ​ഷ​നി​ലെ വ​നി​ത സി​വി​ൽ പൊ​ലീ​സ് ഓ​ഫി​സ​ർ​മാ​ർ​ക്കെ​തി​രെ ലൈം​ഗി​ക അ​ധി​ക്ഷേ​പം ന​ട​ത്തി​യ​ത്.

സ്ത്രീ​ക​ൾ​ക്കും പൊ​ലീ​സ് സേ​ന​ക്കും അ​വ​മ​തി​പ്പ് ഉ​ണ്ടാ​കു​ന്ന ത​ര​ത്തി​ൽ ലൈം​ഗി​ക​ച്ചു​വ​യു​ള്ള വോ​യ്സ് മെ​സ്സേ​ജാ​ണ് അ​യ​ച്ച​ത്. ജൂ​ലൈ ഒ​ന്നി​ന് ഇ​യാ​ൾ​ക്കെ​തി​രെ കേ​സെ​ടു​ത്ത​തോ​ടെ ഒ​ളി​വി​ൽ പോ​വു​ക​യാ​യി​രു​ന്നു. ബ​ത്തേ​രി പൊ​ലീ​സ് ഇ​ൻ​സ്പെ​ക്ട‌​ർ എ​ൻ.​പി. രാ​ഘ​വ​ൻ, എ​സ്.​ഐ സോ​ബി​ൻ, എ.​എ​സ്.​ഐ സ​ലീം, എ​സ്‌.​സി.​പി.​ഒ ല​ബ്നാ​സ്, സി.​പി.​ഒ​മാ​രാ​യ അ​നി​ൽ, അ​നി​ത് തു​ട​ങ്ങി​യ​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്.