മുത്തങ്ങയിൽ സ്വിഫ്റ്റ് ബസിൽനിന്ന് രേഖകളില്ലാത്ത 40 ലക്ഷം രൂപ പിടികൂടി

സു​ൽ​ത്താ​ൻ ബ​ത്തേ​രി: മു​ത്ത​ങ്ങ എ​ക്സൈ​സ് ചെ​ക്ക്പോ​സ്റ്റി​ൽ വാ​ഹ​ന പ​രി​ശോ​ധ​ന​ക്കി​ടെ കെ.​എ​സ്.​ആ​ർ.​ടി.​സി സ്വി​ഫ്റ്റ് ബ​സി​ൽ നി​ന്ന് രേ​ഖ​ക​ളി​ല്ലാ​ത്ത നി​ല​യി​ൽ 40 ല​ക്ഷം രൂപ എ​ക്സൈ​സ് അ​ധി​കൃ​ത​ർ പി​ടി​കൂ​ടി. വ്യാ​ഴാ​ഴ്ച പു​ല​ർ​ച്ചെ മൂ​ന്ന​ര​യോ​ടെ ബം​ഗ​ളൂ​രു​വി​ൽ നി​ന്ന് കോ​ഴി​ക്കോ​ടേ​ക്ക് പോ​കു​ക​യാ​യി​രു​ന്ന ബ​സി​ലെ ജീ​വ​ന​ക്കാ​രു​ടെ ല​ഗേ​ജ് ബോ​ക്സി​ൽ നി​ന്നാ​ണ് പ​ണം ക​ണ്ടെ​ടു​ത്ത​ത്. പ​ണം ആ​രു​ടെതാ​ണ​ന്ന് ക​ണ്ടെ​ത്തി​യി​ട്ടി​ല്ല.

ക​ണ്ടെ​ടു​ത്ത പ​ണം തു​ട​ർന​ട​പ​ടി​ക​ൾ​ക്കാ​യി ബ​ത്തേ​രി എ​ക്സൈ​സ് റേ​ഞ്ചി​ന് കൈ​മാ​റി. 500 രൂ​പ​യു​ടെ നോ​ട്ടു​ക​ളാ​ണ് ക​ണ്ടെ​ടു​ത്ത​ത്. പ​രി​ശോ​ധ​ന​യി​ൽ എ​ക്സൈ​സ് ഇ​ൻ​സ്പെ​ക്ട​ർ എ.​ജി. ത​മ്പി പ്രി​വ​ന്റി​വ് ഓ​ഫി​സ​ർ പി.​കെ. മ​നോ​ജ് കു​മാ​ർ, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ കെ.​എം. അ​ഖി​ൽ, ടി.​പി. മാ​നു​വ​ൽ ജിം​സ​ൻ എ​ന്നി​വ​ർ പ​ങ്കെ​ടു​ത്തു.