പുത്തുമല പഴയ സ്കൂൾ കെട്ടിടങ്ങൾ സാമൂഹിക വിരുദ്ധരുടെ താവളം

മേ​പ്പാ​ടി: ഗ്രാ​മ​പ​ഞ്ചാ​യ​ത്തി​ന്റെ അ​ധീ​ന​ത​യി​ലു​ള്ള പു​ത്തു​മ​ല​യി​ലെ പ​ഴ​യ ഗ​വ.​എ​ൽ.​പി സ്കൂ​ൾ സാ​മൂ​ഹിക വി​രു​ദ്ധ​രു​ടെ താ​വ​ള​മാ​കു​ന്നു. കെ​ട്ടി​ട​ങ്ങ​ൾ സം​ര​ക്ഷി​ക്കാ​തെ വാ​തി​ലു​ക​ളും ജ​നാ​ല​ക​ളു​മെ​ല്ലാം ത​ക​ർ​ന്ന നി​ല​യി​ലാ​യ​തോ​ടെ​യാ​ണ് സാ​മൂ​ഹിക വി​രു​ദ്ധ​രു​ടെ താ​വ​ള​മാ​യി മാ​റി​യ​ത്. രാ​ത്രി കു​ന്നി​ൻ​മു​ക​ളി​ലെ ഇ​രു​ട്ടി​ൽ ഭാ​ർ​ഗ​വി നി​ല​യം പോ​ലെ കി​ട​ക്കു​ന്ന കെ​ട്ടി​ട​ത്തി​ൽ മ​ദ്യം, ക​ഞ്ചാ​വ്, ല​ഹ​രി മ​രു​ന്നു​ക​ൾ എ​ന്നി​വ​യു​ടെ ഉ​പ​യോ​ഗ കേ​ന്ദ്ര​ങ്ങ​ളാ​യി മാ​റി​യി​രി​ക്കു​ക​യാ​ണ്. അ​നാ​ശാ​സ്യ പ്ര​വ​ർ​ത്ത​ന​ങ്ങ​ളും ഇ​വി​ടെ ന​ട​ക്കു​ന്ന​താ​യാ​ണ് പ​റ​യു​ന്ന​ത്.

2019ലെ ​ഉ​രു​ൾ​പൊ​ട്ട​ൽ ദു​ര​ന്ത​മു​ണ്ടാ​യ​ശേ​ഷം ഇ​വി​ടെ സ്കൂ​ൾ പ്ര​വ​ർ​ത്തി​ക്കു​ന്ന​ത് സു​ര​ക്ഷി​ത​മ​ല്ലെ​ന്ന് ജി​ല്ല ദു​ര​ന്ത നി​വാ​ര​ണ അ​തോ​റി​റ്റി തീ​രു​മാ​ന​മെ​ടു​ത്തി​രു​ന്നു. അ​തോ​ടെ സ്കൂ​ൾ പ്ര​വ​ർ​ത്ത​നം അ​വി​ടെ നി​ന്ന് മാ​റ്റു​ക​യാ​യി​രു​ന്നു. ആ​ദ്യ മാ​സ​ങ്ങ​ളി​ൽ മു​ണ്ട​ക്കൈ ഫോ​റ​സ്റ്റ് സ്റ്റേ​ഷ​ൻ കെ​ട്ടി​ട​ത്തി​ലും തു​ട​ർ​ന്ന് ഏ​ല​വ​യ​ൽ അം​ഗ​ൻ​വാ​ടി​യി​ലു​മാ​യി സ്കൂ​ൾ പ്ര​വ​ർ​ത്തി​ച്ചു. പി​ന്നീ​ട് കാ​ശ്മീ​ർ​ക്കു​ന്നി​ൽ എ​ച്ച്.​എം.​എ​ൽ ക​മ്പ​നി വി​ട്ടു​കൊ​ടു​ത്ത സ്ഥ​ല​ത്താ​ണി​പ്പോ​ൾ താ​ൽ​കാ​ലി​ക കെ​ട്ടി​ടം നി​ർ​മി​ച്ച് സ്കൂ​ൾ പ്ര​വ​ർ​ത്തി​ക്കു​ന്ന​ത്. പ​ഴ​യ സ്കൂ​ൾ കെ​ട്ടി​ട​ങ്ങ​ൾ അ​നാ​ഥാ​വ​സ്ഥ​യി​ൽ അ​വ​ശേ​ഷി​ച്ചി​ട്ട് ഇ​പ്പോ​ൾ അ​ഞ്ചു വ​ർ​ഷ​മാ​കു​ന്നു.

കെ​ട്ടി​ട​ങ്ങ​ൾ ഉ​പ​യോ​ഗ​മി​ല്ലാ​തെ​യും സം​ര​ക്ഷി​ക്ക​പ്പെ​ടാ​തെ​യും കി​ട​ക്കു​ക​യാ​ണ്. അ​തു​കൊ​ണ്ടു​ത​ന്നെ രാ​ത്രി​കാ​ല​ങ്ങ​ളി​ൽ സാ​മൂ​ഹിക വി​രു​ദ്ധ​ർ​ക്ക് ന​ല്ല താ​വ​ള​മാ​ണി​ത്.

ധാ​രാ​ളം വി​നോ​ദ സ​ഞ്ചാ​രി​ക​ൾ എ​ത്തു​ന്ന മേ​ഖ​ല​യാ​ണി​വി​ടം. ഹോം ​സ്റ്റേ ആ​യോ ച​രി​ത്ര മ്യൂ​സി​യം എ​ന്ന നി​ല​യി​ലോ സ്കൂ​ൾ കെ​ട്ടി​ട​ങ്ങ​ളെ പ​രി​വ​ർ​ത്ത​ന​പ്പെ​ടു​ത്താ​ൻ സാ​ധി​ക്കും. തൊ​ട്ട​പ്പു​റ​ത്തെ കു​ന്നി​ൻ മു​ക​ളി​ൽ അ​നാ​ഥാ​വ​സ്ഥ​യി​ൽ കി​ട​ന്ന പ​ഴ​യ എ​സ്‌​റ്റേ​റ്റ് ബം​ഗ്ലാ​വ് ന​വീ​ക​രി​ച്ച് ഇ​പ്പോ​ൾ റി​സോ​ർ​ട്ടാ​ക്കി മാ​റ്റി​യ​തു​പോ​ലെ സ്കൂ​ൾ കെ​ട്ടി​ട​ങ്ങ​ൾ ന​വീ​ക​രി​ച്ച് ടൂ​റി​സ​വു​മാ​യി ബ​ന്ധ​പ്പെ​ടു​ത്തി ഉ​പ​യോ​ഗ​പ്പെ​ടു​ത്തു​ക​യാ​ണെ​ങ്കി​ൽ പ​ഞ്ചാ​യ​ത്തി​ന് വ​രു​മാ​ന​വും ല​ഭി​ക്കും. എ​ന്നാ​ൽ വി​നോ സ​ഞ്ചാ​ര മേ​ഖ​ല​യി​ൽ​നി​ന്ന് വ​രു​മാ​ന​മു​ണ്ടാ​ക്കാ​നു​ള്ള പ​ദ്ധ​തി​ക​ളൊ​ന്നും ഗ്രാ​മ​പ​ഞ്ചാ​യ​ത്തി​ന്റെ ആ​ലോ​ച​ന​യി​ലി​ല്ല.