പ​ന​വ​ല്ലി​യെ വി​റ​പ്പി​ച്ച ക​ടു​വ​യെ കാ​ട്ടി​ൽ തു​റ​ന്നുവി​ട്ടു

മാ​ന​ന്ത​വാ​ടി: ര​ണ്ടാ​ഴ്ച​യാ​യി പ​ന​വ​ല്ലി നി​വാ​സി​ക​ളെ വി​റ​പ്പി​ച്ച് ഒ​ടു​വി​ൽ കൂ​ട്ടി​ലാ​യ ക​ടു​വ​യെ കാ​ട്ടി​ൽ തു​റ​ന്നു വി​ട്ടു. വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ലെ ഉ​ൾ​വ​ന​ത്തി​ലാ​ണ് ശ​നി​യാ​ഴ്ച രാ​വി​ലെ തു​റ​ന്ന് വി​ട്ട​ത്. വെ​ള്ളി​യാ​ഴ്ച രാ​ത്രി ഒ​മ്പ​തി​നാ​ണ് ക​ടു​വ കൂ​ട്ടി​ലാ​യ​ത്. വെ​റ്ററി​ന​റി സ​ർ​ജ​ന്റെ പ​രി​ശോ​ധ​ന​യി​ൽ കാ​ര്യ​മാ​യ ആ​രോ​ഗ്യ പ്ര​ശ്ന​ങ്ങ​ളി​ല്ലെ​ന്ന് ക​ണ്ടെ​ത്തി​യ​തോ​ടെ​യാ​ണ് തു​റ​ന്നു വി​ടാ​ൻ തീ​രു​മാ​നി​ച്ച​ത്.​ഏ​ക​ദേ​ശം പ​ത്ത് വ​യ​സ്സു​ള്ള പെ​ൺ​ക​ടു​വ​യാ​ണ് വ​ല​യി​ലാ​യ​ത്.

ക​ടു​വ​യു​ടെ ആ​ക്ര​മ​ണ​മു​ണ്ടാ​യ ആ​ദ​ണ്ട​യി​ലാ​ണ് 16 ന് കൂ​ടു​വെ​ച്ച​ത്. കാ​പ്പി​ത്തോ​ട്ട​ത്തി​ൽ​നി​ന്ന് അ​ല്പം മാ​റി സ്ഥാ​പി​ച്ച കൂ​ട്ടി​ൽ കു​ടു​വ കു​ടു​ങ്ങു​മെ​ന്ന പ്ര​തീ​ക്ഷ​യി​ലാ​യി​രു​ന്നു ജ​നം. കു​റ​ച്ച് ദി​വ​സ​ങ്ങ​ളാ​യി പ്ര​ദേ​ശ​ത്ത് ക​ടു​വ​യു​ടെ സാ​ന്നി​ധ്യ​മു​ണ്ടാ​യി​രു​ന്നു. എ​ന്നാ​ൽ, കൂ​ട് സ്ഥാ​പി​ച്ച ശേ​ഷം പ്ര​ദേ​ശ​ങ്ങ​ളി​ൽ ആ​ക്ര​മ​ണ​മു​ണ്ടാ​യി​രു​ന്നി​ല്ല.

ര​ണ്ടാ​ഴ്ച മു​മ്പാ​ണ് പ​ന​വ​ല്ലി​യി​ൽ ക​ടു​വ​യു​ടെ സാ​ന്നി​ധ്യം സ്ഥി​രീ​ക​രി​ച്ച​ത്. പു​ളി​യ്ക്ക​ൽ മാ​ത്യു​വി​​ന്റെ പ​ശു​വി​നെ​യാ​ണ് ആ​ദ്യം ക​ടു​വ കൊ​ന്ന​ത്. പി​ന്നീ​ട് വ​ര​കി​ൽ വി​ജ​യ​ന്റെ പ​ശു​ക്കി​ടാ​വും പു​ളി​യ്ക്ക​ൽ റോ​സ​യു​ടെ പ​ശു​വും ക​ടു​വ​യു​ടെ ആ​ക്ര​ണ​ത്തി​ൽ ച​ത്തു. ആ​ദ്യ​ഘ​ട്ട​ത്തി​ൽ വ​ന​പാ​ല​ക​ർ കാ​മ​റ വെ​ച്ചാ​ണ് നി​രീ​ക്ഷി​ച്ച​ത്.

കൂ​ടു​വെ​ക്ക​ണ​മെ​ന്ന പ്ര​ദേ​ശ​വാ​സി​ക​ളു​ടെ നി​ര​ന്ത​ര ആ​വ​ശ്യ​ത്തെ തു​ട​ർ​ന്നാ​ണ് വ​നം​വ​കു​പ്പ് കൂ​ട് സ്ഥാ​പി​ച്ച​ത്. നോ​ർ​ത്ത് വ​യ​നാ​ട് ഡി. ​എ​ഫ്.​ഒ മാ​ർ​ട്ടി​ൻ ലോ​വ​ൽ, ബേ​ഗൂ​ർ റെ​യ്ഞ്ച് ഓ​ഫി​സ​ർ കെ. ​രാ​കേ​ഷ്, ഡെ​പ്യൂ​ട്ടി റെ​യ്ഞ്ച് ഓ​ഫി​സ​ർ​മാ​രാ​യ ജ​യേ​ഷ് ജോ​സ​ഫ്, അ​ബ്ദു​ൽ ഗ​ഫൂ​ർ എ​ന്നി​വ​ർ തു​റ​ന്നു വി​ടാ​ൻ നേ​തൃ​ത്വം ന​ൽ​കി.