‘ഗ്രാ​മവ​ണ്ടി’ക്കാ​യി ബ​സ് പി​ടി​ച്ചി​ട്ടു; ഗ്രാ​മീ​ണ യാ​ത്ര​ക്കാ​ർ വ​ല​യു​ന്നു

മാ​ന​ന്ത​വാ​ടി: സം​സ്ഥാ​ന സ​ർ​ക്കാ​റിന്റെ നൂ​ത​ന പ​ദ്ധ​തി​യാ​യ ഗ്രാ​മവ​ണ്ടി​ക്ക് വേ​ണ്ടി കെ.​എ​സ്.​ആ​ർ.​ടി.​സി. ബ​സ് പി​ടി​ച്ചി​ട്ടി​ട്ട് ര​ണ്ട് മാ​സം. മാ​ന​ന്ത​വാ​ടി ഡി​പ്പോ​യി​ലെ ആ​ർ.​എ.​സി 506 ബ​സാ​ണ് ക​ട്ട​പ്പു​റ​ത്ത് വി​ശ്ര​മി​ക്കു​ന്ന​ത്. കു​ള​ത്താ​ട, ആ​ന​പ്പാ​റ ഗ്രാ​മീ​ണ റൂ​ട്ടു​ക​ളി​ൽ ഓ​ടി​യി​രു​ന്ന ബ​സാ​ണ് ഇ​ത്ത​ര​ത്തി​ൽ പി​ടി​ച്ചി​ട്ടി​രി​ക്കു​ന്ന​ത്. ബ​സ് സ​ർ​വി​സ് നി​ല​ച്ച​തോ​ടെ ഈ ​റൂ​ട്ടു​ക​ളി​ൽ യാ​ത്രാ​ക്ലേ​ശം രൂ​ക്ഷ​മാ​ണ്.

മാ​ന​ന്ത​വാ​ടി​യി​ൽ നി​ന്ന് പ​ള്ളി​ക്ക​ൽ കാ​ര​ക്കു​നി വ​ഴി ന​ല്ലൂ​ർ​നാ​ട് അം​ബേദ്ക​ർ മെ​മ്മോ​റി​യ​ൽ അ​ർ​ബു​ദ കേ​ന്ദ്ര​ത്തി​ൽ എ​ത്തു​ന്ന ത​ര​ത്തി​ലാ​ണ് ഗ്രാ​മ വ​ണ്ടി ത​യാ​റാ​ക്കി​യി​രി​ക്കു​ന്ന​ത്. മാ​ന​ന്ത​വാ​ടി ബ്ലോ​ക്ക് പ​ഞ്ചാ​യ​ത്താ​ണ് ഗ്രാ​മ​വ​ണ്ടി ഏ​റ്റെ​ടു​ത്തി​രി​ക്കു​ന്ന​ത്. ഒ​രു ല​ക്ഷം രൂ​പ ഏ​റ്റെ​ടു​ക്കു​ന്ന സ്ഥാ​പ​നം അ​ഡ്വാ​ൻ​സാ​യി ന​ൽ​ക​ണം. ഒ​രു റൂ​ട്ടി​ൽ 180 കി.​മീ​റ്റ​ർ ഒ​രു ദി​വ​സം ഓട​ണ​മെ​ന്നും അ​തി​ന്റെ ഡീ​സ​ൽ ചെ​ല​വ് ഏ​റ്റെ​ടു​ക്കു​ന്ന സ്ഥാ​പ​നം വ​ഹി​ക്ക​ണ​മെ​ന്നു​മാ​ണ് വ്യ​വ​സ്ഥ.

മാ​ന​ന്ത​വാ​ടി​യി​ലെ ഗ്രാ​മ വ​ണ്ടി​യു​ടെ ഉ​ദ്ഘാ​ട​നം മൂ​ന്ന് ത​വ​ണ നി​ശ്ച​യി​ച്ചെ​ങ്കി​ലും മാ​റ്റി​വെ​ക്കു​ക​യാ​യി​രു​ന്നു. ഏ​റ്റ​വുമൊടു​വി​ൽ ജ​നു​വ​രി ആ​റി​ന് ഗ​താ​ഗ​ത മ​ന്ത്രി ആ​ന്റ​ണി രാ​ജു ഉ​ദ്ഘാ​ട​നം ചെ​യ്യു​മെ​ന്നാ​ണ് പ​റ​യ​പ്പെ​ടു​ന്ന​ത്. ര​ണ്ട് മാ​സം ഈ ​ബ​സ് സ​ർ​വി​സ് ഇ​ല്ലാ​ത്ത​തി​നാ​ൽ നാ​ല് ല​ക്ഷ​ത്തോ​ളം രൂ​പ​യാ​ണ് കോ​ഓ​പറേ​ഷ​ന് ന​ഷ്ട​മാ​യി​രി​ക്കു​ന്ന​ത്. കു​ള​ത്താ​ട, ആ​ന​പ്പാ​റ റൂ​ട്ടു​ക​ളി​ൽ ബ​സ് സ​ർ​വി​സ് ഉ​ട​ൻ പു​ന​രാ​രം​ഭി​ക്ക​ണ​മെ​ന്നും ‘ഗ്രാ​മ വ​ണ്ടി’ സ​ർ​വി​സ് തു​ട​ങ്ങ​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.