കുങ്കിച്ചിറ മ്യൂസിയത്തിന്റെ പേരിലൊരു സസ്യം

ക​ൽ​പ​റ്റ: വ​യ​നാ​ട്ടി​ൽ ക​ണ്ടെ​ത്തി​യ പു​തി​യ സ​സ്യ​ത്തി​ന് മ​ല​ബാ​റി​ലെ ഏ​റ്റ​വും വ​ലി​യ മ്യൂ​സി​യ​മാ​യി പ്ര​വ​ർ​ത്ത​നം ആ​രം​ഭി​ച്ച കു​ങ്കി​ച്ചി​റ പൈ​തൃ​ക മ്യൂ​സി​യ​ത്തി​ന്റെ പേ​ര് ന​ൽ​കി. വ​യ​നാ​ടി​ന്റെ ജൈ​വ സാം​സ്കാ​രി​ക പെ​രു​മ വി​ളി​ച്ചോ​തു​ന്ന മ്യൂ​സി​യ​ത്തി​ന്റെ വി​വ​ര​ശേ​ഖ​ര​ണ​ത്തി​നാ​യി ന​ട​ത്തി​യ ഗ​വേ​ഷ​ണ​ങ്ങ​ൾ​ക്കി​ട​യി​ൽ ചൂ​ര​ൽ​മ​ല​യി​ലെ അ​രു​വി​ക​ളി​ൽ നി​ന്ന് ല​ഭി​ച്ച ജ​ല​സ​സ്യം പു​തി​യ ഇ​ന​മാ​ണെ​ന്ന് ക​ണ്ടെ​ത്തു​ക​യും ശാ​സ്ത്ര​വി​വ​ര​ണ​മാ​യി പ്ര​സി​ദ്ധീ​ക​രി​ക്കു​ക​യും ‘ലാ​ജേ​നാ​ന്ദ്ര കു​ങ്കി​ച്ചി​റ മ്യൂ​സി​യാ​മെ​ൻ​സി​സ്’ എ​ന്ന് പേ​ര് ന​ൽ​കു​ക​യും ചെ​യ്തു. ഈ ​വി​ഭാ​ഗ​ത്തി​ലെ മ​റ്റ് സ​സ്യ​ങ്ങ​ളി​ൽ നി​ന്ന് വ്യ​ത്യ​സ്ത​മാ​യി ഇ​വ​യു​ടെ പൂ​ങ്കു​ല​ക്കും പൂ​ങ്കു​ല​യു​ടെ പു​റം​പാ​ളി​ക്കും 'വാ​ല്'ഇ​ല്ല.

ആ​ല​പ്പു​ഴ സ​നാ​ത​ന ധ​ർ​മ കോ​ള​ജി​ലെ സ​സ്യശാ​സ്ത്ര വി​ഭാ​ഗം അ​ധ്യാ​പ​ക​നാ​യ ഡോ. ​ജോ​സ് മാ​ത്യു, ക​ൽ​പ​റ്റ സ്വാ​മി​നാ​ഥ​ൻ റി​സ​ർ​ച ഫൗ​ണ്ടേ​ഷ​നി​ലെ ടെ​ക്നി​ക്ക​ൽ ഓ​ഫി​സ​ർ സ​ലിം പി​ച്ച​ൻ, ഹ​രി​പ്പാ​ട് സ്വ​ദേ​ശി ക​ൽ​പന​മോ​ൾ എ​ന്നി​വ​ര​ട​ങ്ങു​ന്ന സം​ഘ​മാ​ണ് ക​ണ്ടെ​ത്ത​ലി​ന് പി​ന്നി​ൽ. ലോ​ക​ച​രി​ത്ര​ത്തി​ൽ ആ​ദ്യ​മാ​യാ​ണ് ഒ​രു മ്യൂ​സി​യ​ത്തി​ന്റെ പേ​രി​ൽ ഒ​രു സ​സ്യം അ​റി​യ​പ്പെ​ടു​ന്ന​ത്. ടൂ​റി​സം മ​ന്ത്രി മു​ഹ​മ്മ​ദ്‌ റി​യാ​സ് മ്യൂ​സി​യം ഉ​ദ്ഘാ​ട​ന ദി​വ​സം ഈ ​സ​സ്യ​ത്തി​ന്റെ തൈ​ക​ൾ മ്യൂ​സി​യ​ത്തി​നു​ള്ളി​ൽ ന​ടു​ക​യും ചെ​യ്തു.