ഇ-പാസ് പരിശോധന; ചെക് പോസ്റ്റുകളിൽ യാത്രാദുരിതം

ഗൂഡല്ലൂർ: കേരളത്തിൽനിന്നും വഴിക്കടവ് വഴി ഊട്ടിയിലേക്കുള്ള യാത്രക്കാരുടെ ഇ-പാസ് പരിശോധനയെ തുടർന്ന് മേലേ ഗൂഡല്ലൂർ സിൽവർ ക്ലൗഡ്, മസിനഗുഡി എന്നിവിടങ്ങളിലെ ചെക്ക്‌പോസ്റ്റുകളിൽ ഗതാഗതക്കുരുക്ക് രൂക്ഷമാകുന്നു. പരിശോധന കേന്ദ്രങ്ങളിൽ ആവശ്യത്തിന് ജീവനക്കാരില്ലാത്തതാണ് കാരണം.

ചെന്നൈ ഹൈകോടതിയുടെ നിർദേശ പ്രകാരം സഞ്ചാരികളെ നിയന്ത്രിക്കാനായിണ് ഇ-പാസ് നിർബന്ധമാക്കിയത്. ഇ-പാസ് എടുക്കാതെ എത്തുന്ന യാത്രക്കാർക്ക് നൊബൈൽ ആപ്പ് വഴി ഇ-പാസ് എടുക്കാൻ ചെക്ക്‌പോസ്റ്റിലെ ജീവനക്കാർ സഹായിക്കേണ്ടതുണ്ട്.

എന്നാൽ, ഒന്നോ രണ്ടോ ജീവനക്കാർ മാത്രമുള്ള കേന്ദ്രങ്ങളിൽ വാഹനങ്ങൾ പരിശോധനക്ക് മണിക്കൂറുകളോളം കാത്തിരിക്കേണ്ടി വരുന്നു. ഗതാഗതക്കുരുക്ക് ഒഴിവാക്കാനായി പരിശോധനാ കേന്ദ്രങ്ങളിൽ കൂടുതൽ ജീവനക്കാരെ നിയോഗിക്കണമെന്നാണ് നിലവിലുള്ള പ്രധാന ആവശ്യം.