മ​ഞ്ഞു​വീ​ഴ്ച രൂ​ക്ഷം; കരി​ഞ്ഞ തേ​യി​ല​ച്ചെ​ടി​ക​ൾ ക​വാ​ത്ത് ചെ​യ്യു​ന്നു

ഗൂ​ഡ​ല്ലൂ​ർ: പ്ര​തി​കൂ​ല കാ​ലാ​വ​സ്​​ഥ​യി​ൽ തേ​യി​ല​ച്ചെ​ടി​ക​ൾ വാ​ടി​ക്ക​രി​യു​ന്നു. പ​ച്ചി​ല​ക​ൾ കു​റ​ഞ്ഞ സാ​ഹ​ച​ര്യ​ത്തി​ൽ ചെ​ടി​ക​ൾ ക​വാ​ത്ത് ചെ​യ്യു​ന്ന ക​ർ​ഷ​ക​ർ കൂ​ടി​വ​രു​ക​യാ​ണ്. ത​ളി​രി​ല​ക​ൾ കു​റ​ഞ്ഞ​തോ​ടെ തേ​യി​ല സം​ഭ​ര​ണ​വും കു​റ​ഞ്ഞു. ഇ​ത് തേ​യി​ല ഫാ​ക്ട​റി​ക​ളി​ലെ ഉ​ൽ​പാ​ദ​ന​ത്തേ​യും സാ​ര​മ​യാ​യി ബാ​ധി​ച്ചു.

പ​ച്ച​ത്തേ​യി​ല​യു​ടെ കു​റ​വു​കാ​ര​ണം താ​ലൂ​ക്കി​ലെ ഒ​മ്പ​ത്​ സ​ഹ​ക​ര​ണ ടീ ​ഫാ​ക്ട​റി​ക​ള​ട​ക്കം ചാ​യ​പ്പൊ​ടി സം​സ്​​ക​ര​ണം മൂ​ന്നു ദി​വ​സ​ത്തി​ലൊ​രി​ക്ക​ലാ​ക്കി. പ്ര​തി​ദി​നം ആ​യി​ര​ക്ക​ണ​ക്കി​ന്​ കി​ലോ പ​ച്ച​ത്തേ​യി​ല എ​ത്തി​യി​രു​ന്ന പ​ല ഫാ​ക്ട​റി​ക​ളി​ലും 6000 കി​ലോ​ക്ക്​ താ​ഴെ​യാ​ണ് എ​ത്തു​ന്ന​ത്.

ചെ​ല​വു ചു​രു​ക്ക​ലിെൻറ ഭാ​ഗ​മാ​യാ​ണ് ഉ​ൽ​പാ​ദ​നം മൂ​ന്നൂ ദി​വ​സ​ത്തി​ലൊ​രി​ക്ക​ലാ​ക്കി​യ​ത്. ഇ​തു​കാ​ര​ണം താ​ൽ​ക്കാ​ലി​ക തൊ​ഴി​ലാ​ളി​ക​ൾ​ക്കും ജോ​ലി​യി​ല്ലാ​താ​യി. താ​ലൂ​ക്കി​ൽ ഭൂ​രി​ഭാ​ഗം​പേ​രും തേ​യി​ല​കൃ​ഷി​യാ​ണ് ചെ​യ്യു​ന്ന​ത്. മ​ഞ്ചൂ​ർ, ബി​ക്ക​ട്ടി, കി​ണ്ണ​ക്കൊ​രൈ, കു​ന്താ, കൈ​ക്കാ​ട്ടി, മ​ഹാ​ലി​ങ്ക, ഇ​ത്ത​ലാ​ർ, ന​ഞ്ച​നാ​ട്, മേ​ർ​ക്കു​നാ​ട് ഉ​ൾ​പ്പെ​ടെ ഒ​മ്പ​ത്​ സ​ഹ​ക​ര​ണ ടീ ​ഫാ​ക്ട​റി​ക​ളും സ്വ​കാ​ര്യ ടീ ​ഫാ​ക്ട​റി​ക​ളു​മാ​ണ് പ്ര​വ​ർ​ത്തി​ക്കു​ന്ന​ത്. 25,000 തേ​യി​ല ക​ർ​ഷ​ക​രു​ണ്ട്. ക​ഴി​ഞ്ഞ ന​വം​ബ​റി​ൽ ആ​രം​ഭി​ച്ച മ​ഞ്ഞു​വീ​ഴ്ച രൂ​ക്ഷ​മാ​യി തു​ട​രു​ക​യാ​ണ്. വേ​ന​ൽ​മ​ഴ ല​ഭി​ക്കു​ന്ന​തു​വ​രെ തേ​യി​ല വ​ള​ർ​ച്ച കു​റ​യു​മെ​ന്ന് ക​ർ​ഷ​ക​ർ ചൂ​ണ്ടി​ക്കാ​ണി​ക്കു​ന്നു.