ശ്രീ​കാ​ര്യം ലോ​ക്ക​ൽ ക​മ്മി​റ്റി സെ​ക്ര​ട്ട​റി​ തെ​ര​ഞ്ഞെ​ടു​പ്പ്; രൂ​ക്ഷ​മാ​യ വാ​ക്കേ​റ്റം

ക​ഴ​ക്കൂ​ട്ടം: ലോ​ക്ക​ൽ ക​മ്മി​റ്റി സെ​ക്ര​ട്ട​റി സ്ഥാ​ന​ത്തെ ചൊ​ല്ലി സി.​പി.​എം ശ്രീ​കാ​ര്യം ലോ​ക്ക​ൽ ക​മ്മി​റ്റി സ​മ്മേ​ള​ന​ത്തി​ൽ ചേ​രി​തി​രി​ഞ്ഞ് വാ​ക്കേ​റ്റം ഉ​ണ്ടാ​യി. ത​ർ​ക്കം രൂ​ക്ഷ​മാ​യ​ത​റി​ഞ്ഞ് സ്ഥ​ല​ത്തെ​ത്തി​യ ക​ട​കം​പ​ള്ളി സു​രേ​ന്ദ്ര​ൻ ഇ​ട​പെ​ട്ടി​ട്ട് പോ​ലും കാ​ര്യ​മു​ണ്ടാ​യി​ല്ല. ഒ​ടു​വി​ൽ വോ​ട്ടെ​ടു​പ്പ് ന​ട​ത്തി.

യൂ​നി​വേ​ഴ്സി​റ്റി യൂ​നി​യ​ൻ മു​ൻ ചെ​യ​ർ​മാ​നും സെ​ന​റ്റ് മെം​ബ​റു​മാ​യി​രു​ന്ന മു​ണ്ട​ക്ക​യം സ്വ​ദേ​ശി​യും ശ്രീ​കാ​ര്യം ലോ​ക്ക​ൽ ക​മ്മി​റ്റി അം​ഗ​വു​മാ​യ ജോ​ഷി ജോ​ണും ചെ​റു​വ​ല്ലി രാ​ജ​നും ത​മ്മി​ലാ​യി​രു​ന്നു മ​ത്സ​രം. ജോ​ഷി ജോ​ണി​നു​വേ​ണ്ടി ഒ​രു വി​ഭാ​ഗ​വും രാ​ജ​നു​വേ​ണ്ടി മ​റ്റൊ​രു വി​ഭാ​ഗ​വും എ​ത്തി​യ​തോ​ടെ കാ​ര്യ​ങ്ങ​ൾ വോ​ട്ടെ​ടു​പ്പി​ലേ​ക്ക് നീ​ങ്ങി. വ​ര​ത്ത​നെ സെ​ക്ര​ട്ട​റി ആ​ക്കാ​ൻ ക​ഴി​യി​ല്ല എ​ന്ന് ഒ​രു വി​ഭാ​ഗം നി​ല​പാ​ടെ​ടു​ത്തു. ക​ഴി​ഞ്ഞ 20 വ​ർ​ഷ​മാ​യി ശ്രീ​കാ​ര്യം വാ​ർ​ഡി​ൽ താ​മ​സി​ച്ച് പാ​ർ​ട്ടി പ്ര​വ​ർ​ത്ത​നം ന​ട​ത്തു​ന്ന ജോ​ഷി ജോ​ൺ വ​ര​ത്ത​ന​ല്ല എ​ന്ന് എ​തി​ർ​വി​ഭാ​ഗം ശ​ക്ത​മാ​യി പ്ര​തി​ക​രി​ച്ച​തോ​ടെ രൂ​ക്ഷ​മാ​യ വാ​ക്കേ​റ്റ​മു​ണ്ടാ​യി.

എ​ട്ട് പേ​രു​ടെ പി​ന്തു​ന്ന രാ​ജ​നും ഏ​ഴ് പേ​രു​ടെ പി​ന്തു​ണ ജോ​ഷി ജോ​ണി​നും ല​ഭി​ച്ച​തോ​ടെ രാ​ജ​നെ ശ്രീ​കാ​ര്യം ലോ​ക്ക​ൽ ക​മ്മി​റ്റി സെ​ക്ര​ട്ട​റി​യാ​യി തെ​ര​ഞ്ഞെ​ടു​ത്തു. ഈ ​മാ​സം 22, 23ന് ​ര​ണ്ട് ദി​വ​സ​ങ്ങ​ളി​ലാ​യി കാ​ട്ടാ​യി​ക്കോ​ണ​ത്താ​ണ് ക​ഴ​ക്കൂ​ട്ടം ഏ​രി​യ സ​മ്മേ​ള​നം ന​ട​ക്കു​ന്ന​ത്.