നി​യ​ന്ത്ര​ണം വി​ട്ട്​ സ്കൂൾ ബസ് മറിഞ്ഞു; കുട്ടികൾ അദ്ഭുതകരമായി രക്ഷപ്പെട്ടു

കി​ളി​മാ​നൂ​ർ: നി​യ​ന്ത്ര​ണം വി​ട്ട്​ സ്കൂ​ൾ ബ​സ് മൂ​ന്നു​ക​ര​ണം മ​റി​ഞ്ഞ് കു​ഴി​യി​ലേ​ക്ക് വീ​ണു​വെ​ങ്കി​ലും വി​ദ്യാ​ർ​ഥി​ക​ൾ അ​ദ്ഭു​ത​ക​ര​മാ​യി ര​ക്ഷ​പ്പെ​ട്ടു. 22 വി​ദ്യാ​ർ​ഥി​ക​ൾ​ക്ക്​ നി​സാ​ര പ​രി​ക്കേ​റ്റു. തി​രു​വ​ന​ന്ത​പു​രം-​കൊ​ല്ലം ജി​ല്ല​ക​ളു​ടെ അ​തി​ർ​ത്തി​യാ​യ നി​ല​മേ​ലി​ന് സ​മീ​പം വേ​യ്ക്ക​ലി​ലാ​യി​രു​ന്നു തി​ങ്ക​ളാ​ഴ്​​ച ഉ​ച്ച​ക്ക് 2.30 നാ​ണ് നാ​ടി​നെ ന​ടു​ക്കി​യ അ​പ​ക​ട​മു​ണ്ടാ​യ​ത്. പാ​പ്പാ​ല വി​ദ്യാ ജ്യോ​തി ഇം​ഗ്ലീ​ഷ് മീ​ഡി​യം യു.​പി സ്കൂ​ളി​ന്‍റെ വാ​നാ​ണ് അ​പ​ക​ട​ത്തി​ൽ​പ്പെ​ട്ട​ത്. പ​രി​ക്കേ​റ്റ വി​ദ്യാ​ർ​ഥി​ക​ളെ ക​ട​യ്ക്ക​ൽ താ​ലൂ​ക്ക് ആ​ശു​പ​ത്രി ഉ​ൾ​പ്പെ​ടെ വി​വി​ധ ആ​ശു​പ​ത്രി​ക​ളി​ലേ​ക്ക് മാ​റ്റി.

സി.​ബി.​എ​സ്.​ഇ വി​ദ്യാ​ർ​ഥി​ക​ൾ​ക്ക് പ​രീ​ക്ഷ ന​ട​ക്കു​ന്ന​തി​നാ​ൽ കു​ട്ടി​ക​ളെ വാ​ഹ​ന​ത്തി​ൽ തി​രി​കെ വീ​ട്ടി​ലേ​ക്ക് എ​ത്തി​ക്കാ​ൻ പോ​കും​വ​ഴി​യാ​യി​രു​ന്നു അ​പ​ക​ടം. റോ​ഡ​രി​കി​ലെ താ​ഴ്ച​യി​ലേ​ക്ക് നി​യ​ന്ത്ര​ണം​വി​ട്ട് മ​റി​ഞ്ഞ വാ​ൻ, മൂ​ന്ന് ക​ര​ണം മ​റി​ഞ്ഞ​താ​യി ദൃ​ക്സാ​ക്ഷി​ക​ൾ പ​റ​യു​ന്നു.​ഏ​ക​ദേ​ശം ഇ​രു​പ​ത​ടി​യോ​ളം താ​ഴ്ച​യി​ലേ​ക്ക് പ​തി​ച്ച വാ​ൻ റ​ബ​ർ മ​ര​ത്തി​ൽ ഇ​ടി​ച്ചു​നി​ൽ​ക്കു​ക​യാ​യി​രു​ന്നു.​ഉ​​ഗ്ര​ശ​ബ്ദ​വും കു​ട്ടി​ക​ളു​ടെ നി​ല​വി​ളി​യും കേ​ട്ട് ഓ​ടി​യെ​ത്തി​യ നാ​ട്ടു​കാ​രാ​ണ് ആ​ദ്യം ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. തു​ട​ർ​ന്ന് പൊ​ലി​സും എ​ത്തി.

കു​ട്ടി​ക​ളെ വി​വി​ധ ആ​ശു​പ​ത്രി​ക​ളി​ൽ എ​ത്തി​ക്കു​ക​യാ​യി​രു​ന്നു. വി​ദ്യാ​ർ​ഥി​ക​ളാ​യ ധ്വ​നി,റി​തി​ക, മു​ഹ​മ്മ​ദ് ഇ​ദാ​ൻ, ശ്രീ​ലേ​ഖ, അ​ൽ ഹം ​അ​ദി​നാ​ൽ ,ഇ​വാ​നി​യ,ലി​ബാ​ൻ, ഫാ​ത്തി​മാ സെ​ബാ​ൻ, മി​യ ,സ​ന, അ​ദ് വി​ക ,വേ​ദി​ക രാ​ജേ​ഷ്, കൃ​ഷ്ണ​മാ​യ ,ശ്രീ​ക്കു​ട്ടി, ആ​ലി​യ മെ​ഹ​റി​ൻ , ആ​ഷി സു​കേ​ഷ്, അ​ന​ന്യ,മൗ​ലി, അ​ദ് വി​ക,നി​ഹാ​ൽ, സൈ​ന ഫാ​ത്തി​മ, റൈ​ഹാ​ൻ, ഐ​മാ​ൻ എ​ന്നീ വി​ദ്യാ​ർ​ഥി​ക​ൾ​ക്കും, ഡ്രൈ​വ​ർ മോ​ഹ​ൻ​ദാ​സ്, ആ​യ ശ്രീ​ലേ​ഖ എ​ന്നി​വ​ർ​ക്കു​മാ​ണ് പ​രി​ക്കേ​റ്റ​ത്.

ഇ​വ​രി​ൽ റൈ​ഹാ​ൻ, ഐ​മാ​ൻ എ​ന്നി​വ​ർ നി​ല​മേ​ൽ പി.​എ​ച്ച്.​സി​യി​ലും സൈ​ന ഫാ​ത്തി​മ, മോ​ഹ​ൻ​ദാ​സ് എ​ന്നി​വ​ർ പാ​രി​പ്പ​ള്ളി മെ​ഡി​ക്ക​ൽ കോ​ള​ജി​ലും ബാ​ക്കി​യു​ള്ള​വ​രെ ക​ട​യ്ക്ക​ൽ താ​ലു​ക്ക്​ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. ആ​രു​ടെ​യും പ​രി​ക്ക് ഗു​രു​ത​ര​മ​ല്ല. മ​റ്റൊ​രു വാ​ഹ​ന​ത്തി​ന് സൈ​ഡ് കൊ​ടു​ക്കു​മ്പോ​ൾ റോ​ഡി​ൽ നി​ന്നും സ്കൂ​ൾ വാ​ഹ​നം താ​ഴേ​ക്ക് പ​തി​ക്കു​ക​യാ​യി​രു​ന്നു​വെ​ന്നാ​ണ് പ്രാ​ഥ​മി​ക നി​ഗ​മ​നം.