വീടിന്‍റെ മേൽക്കൂര കാറ്റിൽപറന്ന് റോഡിൽ പതിച്ചു; തീ​ര​ദേ​ശ​പാ​ത​യി​ൽ ഗ​താ​ഗ​ത ത​ട​സ്സം

ചി​റ​യി​ൻ​കീ​ഴ്: വീ​ടി​ന്‍റെ മേ​ൽ​ക്കൂ​ര കാ​റ്റി​ൽ പ​റ​ന്ന് റോ​ഡി​ൽ പ​തി​ച്ചു; തീ​ര​ദേ​ശ​പാ​ത​യി​ൽ ഗ​താ​ഗ​ത ത​ട​സ്സം. ശ​നി​യാ​ഴ്ച രാ​വി​ലെ ഒ​മ്പ​തോ​ടെ​യാ​ണ്​ സം​ഭ​വം. തീ​ര​ദേ​ശ​പാ​ത​യി​ൽ പെ​രു​മാ​തു​റ പെ​ട്രോ​ൾ പ​മ്പി​ന് സ​മീ​പ​മാ​ണ് അ​പ​ക​ടം. പെ​രു​മാ​തു​റ ഊ​ട്ടു​വി​ളാ​കം സീ​ന റ​ഷീ​ദി​ന്‍റെ ഇ​രു​നി​ല വീ​ടി​ന്‍റെ ഇ​രു​മ്പ് ഷീ​റ്റി​ട്ട മേ​ൽ​ക്കൂ​ര​യാ​ണ് ശ​ക്ത​മാ​യ കാ​റ്റി​ൽ റോ​ഡി​ലേ​ക്ക് പ​റ​ന്നു​വീ​ണ​ത്. സ​മീ​പ​ത്തെ മാ​ട​ൻ​വി​ള സ്വ​ദേ​ശി ഷാ​ന​വാ​സി​ന്‍റെ പ​ച്ച​ക്ക​റി​ക്ക​ട​ക്കും മേ​ൽ​ക്കൂ​ര വീ​ണ്​ കേ​ടു​പാ​ടു​ണ്ടാ​യി. റോ​ഡി​നും ക​ട​ക്കും മു​ക​ളി​ലാ​യാ​ണ് മേ​ൽ​ക്കൂ​ര വ​ന്നു വീ​ണ​ത്.

സാ​ധാ​ര​ണ ജ​ന​ത്തി​ര​ക്കു​ണ്ടാ​കാ​റു​ണ്ടെ​ങ്കി​ലും രാ​വി​ലെ മ​ഴ​യാ​യ​തി​നാ​ൽ നാ​മ​മാ​ത്ര​മാ​യ ആ​ൾ​ക്കാ​ർ മാ​ത്ര​മേ ഈ ​ഭാ​ഗ​ത്തു​ണ്ടാ​യി​രു​ന്നു​ള്ളൂ. ക​ട​യി​ൽ സാ​ധ​നം വാ​ങ്ങാ​നെ​ത്തി​യ​യാ​ളും കൂ​ടെ​യു​ണ്ടാ​യി​രു​ന്ന കു​ട്ടി​യും ശ​ബ്ദം കേ​ട്ട് ക​ട​ക്ക​ക​ത്തേ​ക്ക്​ ക​യ​റി​യ​തി​നാ​ൽ അ​പ​ക​ടം ഒ​ഴി​വാ​യി. റോ​ഡി​ൽ ഈ ​സ​മ​യം ഇ​ത​ര​വാ​ഹ​ന​ങ്ങ​ളും ഇ​ല്ലാ​യി​രു​ന്നു

നാ​ട്ടു​കാ​ർ അ​റി​യി​ച്ച​ത​നു​സ​രി​ച്ച് ക​ഴ​ക്കൂ​ട്ടം, ആ​റ്റി​ങ്ങ​ൽ എ​ന്നി​വി​ട​ങ്ങ​ളി​ൽ നി​ന്നു​ള്ള അ​ഗ്നി​ര​ക്ഷാ​സേ​ന സ്ഥ​ല​ത്തെ​ത്തി മേ​ൽ​ക്കൂ​ര മു​റി​ച്ചു​നീ​ക്കി പ​തി​നൊ​ന്ന് മ​ണി​യോ​ടെ ഗ​താ​ഗ​തം പു​നഃ​സ്ഥാ​പി​ച്ചു. സ്റ്റേ​ഷ​ൻ ഓ​ഫി​സ​ർ അ​ഖി​ൽ എ​സ്.​ബി, ഗ്രേ​ഡ് സ്റ്റേ​ഷ​ൻ ഓ​ഫീ​സ​ർ ജെ. ​രാ​ജേ​ന്ദ്ര​ൻ നാ​യ​ർ, സീ​നി​യ​ർ ഫ​യ​ർ ആ​ൻ​ഡ്​ റെ​സ്ക്യൂ ഓ​ഫി​സ​ർ അ​നീ​ഷ്.​ആ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള അ​ഗ്​​നി​ര​ക്ഷാ​സം​ഘ​മാ​ണ്​ ഹൈ​ഡ്രോ​ളി​ക് ക​ട്ട​ർ ഉ​പ​യോ​ഗി​ച്ച് ഷീ​റ്റും ഇ​രു​മ്പ് പൈ​പ്പു​ക​ളും മു​റി​ച്ചു​മാ​റ്റി​യ​ത്.