വഴി വേണം; ഭിന്നശേഷിക്കാരി മോളിയും സഹോദരന​ും സത്യഗ്രഹം തുടങ്ങി

പാ​ലോ​ട്: മ​ല​മാ​രി ല​ക്ഷം​വീ​ട് കോ​ള​നി​യി​ലേ​ക്ക് സു​ഗ​മ​മാ​യ വ​ഴി ഒ​രു​ക്ക​ണ​മെ​ന്നാ​വ​ശ്യ​പ്പെ​ട്ട് ഭി​ന്ന​ശേ​ഷി​ക്കാ​രി​യാ​യ മോ​ളി​യും സ​ഹോ​ദ​ര​ൻ ജോ​യി​യും പെ​രി​ങ്ങ​മ്മ​ല ഗ്രാ​മ​പ​ഞ്ചാ​യ​ത്ത് ഓ​ഫി​സി​ന് മു​ന്നി​ൽ അ​നി​ശ്ചി​ത കാ​ല സ​ത്യ​ഗ്ര​ഹം തു​ട​ങ്ങി. ദ​ലി​ത്‌ സാ​ഹോ​ദ​ര്യ സ​മി​തി സം​സ്ഥാ​ന പ്ര​സി​ഡ​​ൻ​റ്​ ശ​ശി ചേ​ര​മ​ൻ ഉ​ദ്​​ഘാ​ട​നം ചെ​യ്തു.

പെ​രി​ങ്ങ​മ്മ​ല ഗ്രാ​മ​പ​ഞ്ചാ​യ​ത്ത്​ ഒ​മ്പ​താം വാ​ർ​ഡി​ൽ മ​ല​മാ​രി ല​ക്ഷം വീ​ട്ടി​ൽ താ​മ​സി​ക്കു​ന്ന ഭി​ന്ന​ശേ​ഷി​ക്കാ​രി​യാ​യ മോ​ളി​യും നാ​ട്ടു​കാ​രും വ​ഴി​ക്കു​വേ​ണ്ടി പ​ഞ്ചാ​യ​ത്തി​െൻറ ക​നി​വ് കാ​ത്തി​രി​ക്കാ​ൻ തു​ട​ങ്ങി​യി​ട്ട് 40 വ​ർ​ഷ​മാ​യി. 36 കു​ടും​ബ​ങ്ങ​ളാ​ണ്​ കോ​ള​നി​യി​ലു​ള്ള​ത്. പോ​ളി​യോ ബാ​ധി​ച്ച്​ കൈ​യും കാ​ലും ത​ള​ർ​ന്ന നാ​ൽ​പ​തു​കാ​രി മോ​ളി​ക്ക്​ പു​റ​ത്തു​പോ​ക​ണ​മെ​ങ്കി​ൽ ഇ​രു​ന്നൂ​റ്​ മീ​റ്റ​ർ ദൂ​ര​മു​ള്ള ഇ​ടു​ങ്ങി​യ വ​ഴി​യി​ലൂ​ടെ ര​ണ്ടു​പേ​ർ ചു​മ​ന്നു​കൊ​ണ്ട് പോ​ക​ണം.

വാ​ഹ​നം ക​ട​ന്നു​വ​ര​ത്ത​ക്ക​രീ​തി​യി​ൽ വ​ഴി ന​വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട്​ പ​ഞ്ചാ​യ​ത്തി​നും മു​ഖ്യ​മ​ന്ത്രി​ക്കും പ​രാ​തി കൊ​ടു​ത്തി​ട്ടും ന​ട​പ​ടി​യു​ണ്ടാ​യി​ല്ല. ച​ട​ങ്ങി​ൽ ദ​ലി​ത് സാ​ഹോ​ദ​ര്യ സ​മി​തി സെ​ക്ര​ട്ട​റി വി​മ​ൽ രാ​ജ് അ​ധ്യ​ക്ഷ​ത വ​ഹി​ച്ചു. ബി.​ജെ.​പി സം​സ്ഥാ​ന സെ​ക്ര​ട്ട​റി സു​രേ​ഷ് സ​മ​ര​സ്ഥ​ലം സ​ന്ദ​ർ​ശി​ച്ചു.