അഭിനയ മികവിന്​ അംഗീകാരം; നിരഞ്​ജന് അഭിനന്ദന പ്രവാഹം

ക​ല്ല​മ്പ​ലം: കൂ​ലി​പ്പ​ണി​ക്കാ​രാ​യ മാ​താ​പി​താ​ക്ക​ളു​ടെ മ​ക​നാ​യി ജ​നി​ച്ച് ഇ​ല്ലാ​യ്മ​യു​ടെ ന​ടു​വി​ൽ​നി​ന്ന് വെ​ള്ളി​ത്തി​ര​യി​ൽ അ​ഭി​ന​യ​ത്തി​ക​വ് തെ​ളി​യി​ച്ച് സം​സ്ഥാ​ന പു​ര​സ്കാ​രം നേ​ടി​യ നി​ര​ഞ്​​ജ​ന് നാ​ടി​െൻറ അ​ഭി​ന​ന്ദ​ന​പ്ര​വാ​ഹം. 2020 ലെ ​സം​സ്ഥാ​ന ച​ല​ച്ചി​ത്ര അ​വാ​ർ​ഡി​ൽ ശ്യാ​മ​പ്ര​സാ​ദ് സം​വി​ധാ​നം ചെ​യ്ത 'കാ​സി​മി​െൻറ ക​ട​ൽ' എ​ന്ന ചി​ത്ര​ത്തി​ൽ ബി​ലാ​ൽ എ​ന്ന ബാ​ല​െൻറ വേ​ഷം അ​ഭി​ന​യി​ച്ചാ​ണ്​ മി​ക​ച്ച ബാ​ല​ന​ട​നു​ള്ള പു​ര​സ്കാ​രം നാ​വാ​യി​ക്കു​ളം പ​ഞ്ചാ​യ​ത്തി​ലെ വെ​ട്ടി​യ​റ എ​ന്ന കൊ​ച്ചു​​ഗ്രാ​മ​ത്തി​ലേ​ക്ക് എ​സ്. നി​ര​ഞ്​​ജ​ൻ എ​ത്തി​ച്ച​ത്.

വെ​ട്ടി​യ​റ ആ​ർ.​എ​സ് ലാ​ൻ​ഡി​ൽ കെ​ട്ടി​ട​നി​ർ​മാ​ണ തൊ​ഴി​ലാ​ളി എ​സ്. സു​മേ​ഷി​​െൻറ​യും ക​ശു​വ​ണ്ടി ഫാ​ക്ട​റി തൊ​ഴി​ലാ​ളി സു​ജ​യു​ടെ​യും മ​ക​നാ​യ നി​ര​ഞ്​​ജ​ൻ നാ​വാ​യി​ക്കു​ളം ​ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ്ല​സ് ടു ​ഹു​മാ​നി​റ്റീ​സ് വി​ഭാ​​ഗം വി​ദ്യാ​ർ​ഥി​യാ​ണ്. കു​ട്ടി​ക്കാ​ലം മു​ത​ൽ ഫു​ട്ബാ​ളി​ലും അ​ഭി​ന​യ​ത്തി​ലു​മാ​യി​രു​ന്നു ക​മ്പം. നി​ര​വ​ധി നാ​ട​ക​ങ്ങ​ളി​ൽ വേ​ഷ​മി​ട്ടി​ട്ടു​ണ്ട്. അ​ഭി​ന​യ​ത്തി​നൊ​പ്പം മി​ക​ച്ച ഫു​ട്ബാ​ള​റു​മാ​ണ്. സു​ജി​ത്ത് വി​​ഘ്​​നേ​ശ്വ​ർ സം​വി​ധാ​നം ചെ​യ്ത 'ര​മേ​ശ​ൻ ഒ​രു പേ​ര​ല്ല' എ​ന്ന ചി​ത്ര​ത്തി​ലൂ​ടെ​യാ​ണ് ആ​ദ്യ​മാ​യി വെ​ള്ളി​ത്തി​ര​യി​ലെ​ത്തു​ന്ന​ത്. 'കാ​സി​മി​െൻറ ക​ട​ൽ' എ​ന്ന ര​ണ്ടാ​മ​ത്തെ ചി​ത്ര​ത്തി​ൽ മി​ക​ച്ച അ​ഭി​ന​യം ക​ഴ്ച​വെ​ച്ചു.

യ​ത്തീം​ഖാ​ന​യി​ൽ വ​ള​രു​ന്ന ബി​ലാ​ൽ എ​ന്ന അ​നാ​ഥ ബാ​ല​നാ​യാ​ണ്​ അ​ഭി​ന​യി​ച്ച​ത്. പ​ള്ളി​ക്കൂ​ട​ത്തി​ൽ​വെ​ച്ച് കാ​സിം എ​ന്ന ബാ​ല​നു​മാ​യി സൗ​ഹൃ​ദ​ത്തി​ലാ​കു​ന്ന​തും പി​ന്നീ​ട് ഈ ​സു​ഹൃ​ത്തു​ക്ക​ൾ നാ​ട് കാ​ണാ​നി​റ​ങ്ങു​ന്ന​തു​മാ​ണ് പ്ര​മേ​യം. ചി​ത്ര​ത്തി​ലെ അ​ഭി​ന​യ​ത്തി​ന് മി​ക​ച്ച ജൂ​റി പ്ര​ശം​സ​യാ​ണ് നി​ര​ഞ്​​ജ​ൻ നേ​ടി​യ​ത്.

വെ​ട്ടി​യ​റ 'ചി​ന്ത' ഗ്ര​ന്ഥ​ശാ​ല​യു​ടെ പ്ര​വ​ർ​ത്ത​ക​ർ​ക്കും ഇ​ത് അ​ഭി​മാ​ന മു​ഹൂ​ർ​ത്ത​മാ​യി. നി​ര​ഞ്​​ജ​നെ അ​ഭി​ന​യ​മേ​ഖ​ല​യി​ലേ​ക്ക് കൈ​പി​ടി​ച്ച്​ എ​ത്തി​ച്ച​ത്​ ഗ്ര​ന്ഥ​ശാ​ലാ​പ്ര​വ​ർ​ത്ത​ക​രാ​ണ്. ഓ​ൺ​ലൈ​ൻ ക്ലാ​സ് സ​മ​യ​ത്ത് നി​ര​ഞ്​​ജ​ന് പ​ഠ​ന​സൗ​ക​ര്യം ഇ​ല്ലാ​ത്ത​തി​നാ​ൽ ചി​ന്ത ലൈ​ബ്ര​റി​യു​ടെ നേ​തൃ​ത്വ​ത്തി​ലാ​ണ് മൊ​ബൈ​ൽ ഫോ​ൺ വാ​ങ്ങി ന​ൽ​കി​യ​ത്. അ​ടു​ത്തി​ടെ വി​ട്ടു​പി​രി​ഞ്ഞ മു​ത്ത​ശ്ശി​യും നി​ര​ഞ്​​ജ​ന്​ വ​ലി​യ പ്രോ​ത്സാ​ഹ​നം ന​ൽ​കി​യി​രു​ന്നു. ത​നി​ക്ക് ല​ഭി​ച്ച പു​ര​സ്കാ​രം നാ​ടി​ന് സ​മ​ർ​പ്പി​ക്കു​ക​യാ​ണെ​ന്ന്​ നി​ര​ഞ്​​ജ​ൻ പ​റ​ഞ്ഞു. നി​ര​ഞ്​​ജ​ന് എ​ല്ലാ സ​ഹാ​യ​വും ന​ൽ​കാ​നു​ള്ള ഇ​ട​പെ​ട​ൽ ഉ​ണ്ടാ​കു​മെ​ന്ന് അ​ഭി​ന​ന്ദ​ന​വു​മാ​യി എ​ത്തി​യ വി. ​ജോ​യി എം.​എ​ൽ.​എ അ​റി​യി​ച്ചു.