തറിപ്പുരകളിലെ പെൺകരുത്തിന് പതിറ്റാണ്ടുകളുടെ പാരമ്പര്യം

ബാ​ല​രാ​മ​പു​രം കൈ​ത്ത​റി​പ്പെ​രു​മ ലോ​കം​മു​ഴു​വ​ൻ പ​ര​ക്കു​മ്പോ​ഴും അ​തി​നു​പി​ന്നി​ലെ പെ​ൺ​ക​രു​ത്തി​നെ കു​റി​ച്ച്​ അ​ധി​ക​മാ​രും അ​ന്വേ​ഷി​ക്കാ​റി​ല്ല. കൈ​ത്ത​റി​പ്പു​ര​ക​ളി​ൽ പ്ര​വ​ർ​ത്തി​ക്കു​ന്ന​തി​ൽ വ​ലി​യ വി​ഭാ​ഗം സ്​​ത്രീ​ക​ളാ​ണ്. മേ​ഖ​ല​യി​ൽ 70 വ​ർ​ഷ​മാ​യി ജോ​ലി നോ​ക്കു​ന്ന വ​ള്ളി​യ​മ്മാ​ൾ​ക്ക് പ​റ​യാ​നു​ള്ള​ത്​ ഈ ​പെ​ൺ​ക​രു​ത്തി​ന്‍റെ പെ​രു​മ​യെ​ക്കു​റി​ച്ചാ​ണ്.

ബാ​ല​രാ​മ​പു​രം ഇ​ര​ട്ട​ത്തെ​രു​വി​ൽ താ​മ​സി​ക്കു​ന്ന വ​ള്ളി​യ​മ്മാ​ൾ (81) 11ാം വ​യ​സ്സി​ൽ നെ​യ്ത്തു​പു​ര​യി​ൽ ജോ​ലി​ക്കി​റ​ങ്ങി​യ​താ​ണ്. അ​ഞ്ചാം ക്ലാ​സി​ൽ പ​ഠി​ക്കു​മ്പോ​ൾ സാ​മ്പ​ത്തി​ക​സ്ഥി​തി മോ​ശ​മാ​യ​തോ​ടെ പ​ഠ​ന​മു​പേ​ക്ഷി​ച്ച് നെ​യ്ത്ത് ജോ​ലി തു​ട​ങ്ങി. മ​താ​പി​താ​ക്ക​ളി​ൽ​നി​ന്നാ​ണ് നെ​യ്ത്ത് പ​ഠി​ച്ച​ത്.

ഉത്രാടം തിരുനാൾ ​മാർ​ത്താ​ണ്ഡ​വ​ർ​മക്ക്​ പി​താ​വ് ശി​വ​ൻ വ​സ്​​ത്ര​ങ്ങ​ൾ നെ​യ്തു​ന​ൽ​കി​യ ഓ​ർ​മ​ക​ളും വ​ള്ളി​യ​മ്മാ​ൾ പ​ങ്കു​വെ​ക്കു​ന്നു. വ​ള്ളി​യ​മ്മാ​ളു​ടെ മ​ക്ക​ളാ​രും നെ​യ്ത്തി​ലേ​ക്ക് തി​രി​ഞ്ഞി​ട്ടി​ല്ല. നെ​യ്ത്ത് മേ​ഖ​ല​യെ പി​രി​യാ​ൻ ക​ഴി​യാ​ത്ത​തു​കൊ​ണ്ടാ​ണ് ഇ​പ്പോ​ഴും ച​ർ​ക്ക​യി​ൽ നൂ​ലു​ചു​റ്റ​ലി​ൽ ക​ഴി​യു​ന്ന​ത്.

ഏ​ഴ് പ​തി​റ്റാ​ണ്ട് നെ​യ്ത്ത് ജീ​വി​തം ന​യി​ച്ചി​ട്ടും കൈ​ത്ത​റി​യു​ടെ പേ​രി​ൽ ഒ​രു അ​നൂ​കൂ​ല്യ​വും ഇ​തു​വ​രെ ല​ഭി​ച്ചി​ട്ടി​ല്ല. വാ​ർ​ധ​ക്യ പെ​ൻ​ഷ​ൻ ല​ഭി​ക്കു​ന്നു​ണ്ടെ​ന്നും പ​റ​ഞ്ഞു. രാ​വി​ലെ മു​ത​ൽ രാ​ത്രി വ​രെ നൂ​ലു​ചു​റ്റി​യാ​ൽ ഇ​പ്പോ​ഴും ല​ഭി​ക്കു​ന്ന​ത് 50 രൂ​പ മാ​ത്രം.