ജ​നു​വ​രി​യി​ലെ റേ​ഷ​ന്‍ വി​ത​ര​ണം; ഫെ​ബ്രു​വ​രി നാ​ലു​വ​രെ

തൃ​ശൂ​ർ: ജ​നു​വ​രി മാ​സ​ത്തെ റേ​ഷ​ന്‍ വി​ത​ര​ണം ചൊ​വ്വാ​ഴ്ച വ​രെ ദീ​ര്‍ഘി​പ്പി​ച്ച​താ​യി ജി​ല്ല സ​പ്ലൈ ഓ​ഫി​സ​ര്‍ അ​റി​യി​ച്ചു. ഞാ​യ​റാ​ഴ്ച അ​വ​ധി ദി​വ​സ​മാ​ണെ​ങ്കി​ലും കു​ന്നം​കു​ളം താ​ലൂ​ക്കി​ല്‍ റേ​ഷ​ൻ ക​ട​ക​ൾ തു​റ​ന്ന്​ പ്ര​വ​ർ​ത്തി​ക്കും.

ജി​ല്ല​യി​ല്‍ ട്രാ​ന്‍സ്‌​പോ​ര്‍ട്ടി് ക​രാ​റു​കാ​ർ സ​മ​ര​ത്തി​ൽ ആ​യി​രു​ന്നെ​ങ്കി​ലും തൃ​ശൂ​ര്‍, ത​ല​പ്പി​ള്ളി, മു​കു​ന്ദ​പു​രം, ചാ​ല​ക്കു​ടി താ​ലൂ​ക്കു​ക​ളി​ല്‍ റേ​ഷ​ന്‍ ക​ട​ക​ളി​ലേ​ക്ക് വാ​തി​ല്‍പ്പ​ടി വി​ത​ര​ണം മു​ഖേ​ന റേ​ഷ​ന്‍ ഭ​ക്ഷ്യ​ധാ​ന്യ​ങ്ങ​ള്‍ സു​ഗ​മ​മാ​യി എ​ത്തി​ച്ചി​രു​ന്നു​വെ​ന്ന് ജി​ല്ല സ​പ്ലൈ ഓ​ഫി​സ​ർ പ​റ​ഞ്ഞു.

ജ​നു​വ​രി 27ലെ ​റേ​ഷ​ന്‍ വ്യാ​പാ​രി സ​മ​രം ക​ഴി​ഞ്ഞ് 28 മു​ത​ലാ​ണ് കു​ന്നം​കു​ളം, ചാ​വ​ക്കാ​ട്, കൊ​ടു​ങ്ങ​ല്ലൂ​ര്‍ താ​ലൂ​ക്കു​ക​ളി​ലെ റേ​ഷ​ന്‍ ക​ട​ക​ളി​ലേ​ക്ക് പു​ര്‍ണ​തോ​തി​ല്‍ വാ​തി​ല്‍പ്പ​ടി വി​ത​ര​ണം മു​ഖേ​ന റേ​ഷ​ന്‍ ഭ​ക്ഷ്യ​ധാ​ന്യ​ങ്ങ​ള്‍ എ​ത്തി​ച്ച​ത്. നി​ല​വി​ല്‍ കു​ന്നം​കു​ളം താ​ലൂ​ക്കി​ല്‍ 40ല്‍ ​താ​ഴെ റേ​ഷ​ന്‍ ക​ട​ക​ള്‍ക്ക്​ മാ​ത്ര​മാ​ണ് ഇ​നി​യും സ്റ്റോ​ക്ക് എ​ത്തി​ക്കാ​നു​ള്ള​ത്. ഈ ​ക​ട​ക​ളി​ല്‍ നീ​ക്കി​യി​രു​പ്പ് ഉ​ള്ള​തി​നാ​ല്‍ കാ​ര്‍ഡു​ട​മ​ക​ള്‍ക്കു​ള്ള വി​ത​ര​ണ​ത്തെ ബാ​ധി​ക്കി​ല്ല.

ന​വം​ബ​ര്‍, ഡി​സം​ബ​ര്‍ മാ​സ​ങ്ങ​ളി​ലെ റേ​ഷ​ന്‍ വി​ഹി​തം കൈ​പ്പ​റ്റി​യ ക​ണ​ക്കു​ക​ളു​മാ​യി (മ​ഞ്ഞ -97 ശ​ത​മാ​നം, പി​ങ്ക് -96, നീ​ല -84, വെ​ള്ള -54) താ​ര​ത​മ്യം ചെ​യ്യു​മ്പോ​ള്‍ ജ​നു​വ​രി മാ​സ​ത്തെ റേ​ഷ​ന്‍ വി​ത​ര​ണ​ത്തെ (മ​ഞ്ഞ -93, പി​ങ്ക് -8, നീ​ല -72, വെ​ള്ള -55) സ​മ​രം കാ​ര്യ​മാ​യി ബാ​ധി​ച്ചി​ട്ടി​ല്ലെ​ന്നും ജി​ല്ല സ​പ്ലൈ ഓ​ഫി​സ​ര്‍ അ​റി​യി​ച്ചു.