ഉമ്മൻ ചാണ്ടിയുടെ മുഹൂർത്തവും എന്‍റെ വിവാഹവും

1990 ഡി​സം​ബ​ർ 26. എ​ന്‍റെ വ്യ​ക്തി ജീ​വി​ത​ത്തി​ലെ അ​വി​സ്മ​ര​ണീ​യ ദി​നം. വി​വാ​ഹ​മൂ​ഹൂ​ർ​ത്തം നി​ശ്ച​യി​ച്ച​ത് ഉ​മ്മ​ൻ ചാ​ണ്ടി​യു​ടെ വ​ര​വി​നെ ആ​ശ്ര​യി​ച്ചാ​യി​രു​ന്നു. ക്രി​സ്​​മ​സ് ക​ഴി​ഞ്ഞ് പു​തു​പ്പ​ള്ളി​യി​ലെ വ​സ​തി​യി​ൽ​നി​ന്ന്​ പു​റ​പ്പെ​ടും. രാ​വി​ലെ 10ന്​ ​എ​ത്തു​മെ​ന്നാ​ണ് പ്ര​തീ​ക്ഷ. ഇ​ന്ന​ത്തെ​പോ​ലെ മൊ​ബൈ​ൽ ഫോ​ൺ ഇ​ല്ലാ​ത്ത കാ​ലം. വി.​എം. സു​ധീ​ര​നും എം. ​മു​ര​ളി​യും പി.​ടി. തോ​മ​സും കെ.​പി. വി​ശ്വ​നാ​ഥ​നും ഉ​ൾ​പ്പെ​ടെ വ​ലി​യ നി​ര​നേ​താ​ക്ക​ൾ കാ​ത്തു​നി​ൽ​പ്പ് തു​ട​ങ്ങി​യി​ട്ട് സ​മ​യം ഏ​റെ​യാ​യി.

ര​മ​യും ബ​ന്ധു​ക്ക​ളും അ​ക്ഷ​മ​രാ​യി കാ​ണും. അ​വ​ർ മു​ഹൂ​ർ​ത്ത സ​മ​യം മ​ന​സ്സി​ൽ ക​ണ്ടു​കാ​ണു​മാ​യി​രി​ക്കും. പ​ക്ഷേ, എ​നി​ക്ക് ‘പൂ​ജാ​രി’ ഉ​മ്മ​ൻ ചാ​ണ്ടി​യാ​യി​രു​ന്നു. 11ന്​ ​മു​മ്പ് അ​ദ്ദേ​ഹം കാ​റി​ൽ പാ​ഞ്ഞെ​ത്തി. കാ​റി​ൽ നി​ന്നി​റ​ങ്ങി സ്വ​ത​സി​ദ്ധ​മാ​യ ചി​രി​യി​ൽ ഓ​ടി​യൊ​രു വ​ര​വ്. സി​ദ്ധാ​ർ​ഥ​ൻ കാ​ട്ടു​ങ്ങ​ലി​ന്‍റെ ക​മ​ന്‍റ്​ -‘പ്ര​താ​പ​ൻ പേ​ടി​ച്ച് നി​ൽ​പ്പാ​ണ്. വി​വാ​ഹം മു​ട​ങ്ങു​മോ​യെ​ന്ന് ക​രു​തി. ആ​ശ്വാ​സ​മാ​യി’. നാ​ദ​സ്വ​രം മു​ഴ​ങ്ങി. ചെ​റി​യ താ​ലി​യു​ള്ള മ​ഞ്ഞ​ച്ച​ര​ട് വി.​എം. സു​ധീ​ര​ൻ എ​ടു​ത്ത് ഉ​മ്മ​ൻ ചാ​ണ്ടി​ക്ക് ന​ൽ​കി. ക​ർ​മി​യാ​യി ഉ​മ്മ​ൻ ചാ​ണ്ടി എ​ന്നെ ഏ​ൽ​പ്പി​ച്ചു. ഞാ​ൻ ഇ​രു​വ​രോ​ടും കൂ​ടെ​യു​ള്ള നേ​താ​ക്ക​ളോ​ടും ബ​ന്ധു​ക്ക​ളോ​ടും സ​മ്മ​തം ചോ​ദി​ക്കു​ന്നു. ‘ഇ​താ​ണ് മു​ഹൂ​ർ​ത്തം -വി.​എ​മ്മി​ന്‍റെ പ്ര​ഖ്യാ​പ​നം വ​ന്നു. ര​മ​യു​ടെ ക​ഴു​ത്ത് എ​ന്നി​ലേ​ക്ക് സ​മ​ർ​പ്പി​ച്ചു. മ​ന​സ്സ് എ​ത്ര​യോ നാ​ൾ മു​മ്പ് എ​നി​ക്ക് ത​ന്നി​രു​ന്ന​താ​ണ്. ഭ​ക്ഷ​ണ​വും ക​ഴി​ഞ്ഞ് ഉ​മ്മ​ൻ ചാ​ണ്ടി മ​ട​ങ്ങി.

ഇ​ങ്ങ​നെ എ​ത്ര​യെ​ത്ര ഓ​ർ​മ​ക​ൾ ഓ​രോ സ​ഹ​പ്ര​വ​ർ​ത്ത​ക​ർ​ക്കും സാ​ധാ​ര​ണ ജ​ന​ങ്ങ​ൾ​ക്കും ഉ​ണ്ടാ​കും. ഞ​ങ്ങ​ൾ പി​ണ​ങ്ങി​യി​ട്ടു​ണ്ട്. നി​ല​പാ​ടു​ക​ളു​ടെ പേ​രി​ൽ അ​ക​ന്നി​ട്ടു​ണ്ട്. പ​രി​ഭ​വ​ങ്ങ​ൾ​ക്കി​ട​യി​ലും നേ​രെ കാ​ണു​മ്പോ​ൾ മ​റ്റൊ​രു മു​ഖ​മാ​യി​രു​ന്നു അ​ദ്ദേ​ഹ​ത്തി​ന്. അ​ദ്ദേ​ഹം മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത് കോ​ൺ​ഗ്ര​സ് പാ​ർ​ല​മെ​ന്‍റ​റി പാ​ർ​ട്ടി ചീ​ഫ് വി​പ്പാ​യി പ്ര​വ​ർ​ത്തി​ക്കാ​ൻ എ​നി​ക്ക്​ അ​വ​സ​രം ഉ​ണ്ടാ​യി. ചി​ല സ​ന്ദ​ർ​ഭ​ങ്ങ​ളി​ൽ അ​ദ്ദേ​ഹ​ത്തി​ന് സം​ശ​യം ഉ​ണ്ടാ​യി​ട്ടു​ണ്ടാ​വാം. കോ​ൺ​ഗ്ര​സ് അം​ഗ​ങ്ങ​ൾ​ക്ക് വി​പ്പ് കൊ​ടു​ക്കാ​ൻ ഞാ​ൻ മ​ടി​ക്കു​മോ എ​ന്ന്. നി​യ​മ​സ​ഭ​യി​ൽ ഹാ​ജ​രാ​യി പാ​ർ​ട്ടി ന​യ​ത്തി​ന് അ​നു​സ​രി​ച്ച് വോ​ട്ട് ചെ​യ്യാ​ൻ കോ​ൺ​ഗ്ര​സ് എം.​എ​ൽ.​എ​മാ​ർ​ക്ക് വി​പ്പ് ന​ൽ​കു​ന്ന​തി​ൽ ഒ​രു വീ​ഴ്ച​യും വ​രു​ത്തി​യി​ല്ല. മാ​ത്ര​മ​ല്ല ഒ​രു അം​ഗ​ത്തി​ന്‍റെ ഭൂ​രി​പ​ക്ഷം മാ​ത്രം ഉ​ണ്ടാ​യി​രു​ന്ന ഭ​ര​ണ​മു​ന്ന​ണി സ​ഭ​യി​ൽ പ​രാ​ജ​യ​പ്പെ​ടാ​തി​രി​ക്കാ​ൻ കൂ​ടു​ത​ൽ ജാ​ഗ്ര​ത കാ​ണി​ക്കു​ക​യും ചെ​യ്തു.

അം​ഗ​ങ്ങ​ളു​ടെ സ​ഭ​യി​ലെ ഹാ​ജ​ർ കു​റ​യു​മ്പോ​ൾ മു​ൻ​നി​ര​യി​ലേ​ക്ക് വി​ളി​ച്ച് ജാ​ഗ്ര​ത പ​റ​യും. പി​ന്നെ ഒ​രോ​ട്ട​മാ​ണ് ചീ​ഫ് വി​പ്പാ​യ ഞാ​നും സെ​ക്ര​ട്ട​റി​യാ​യ ബെ​ന്നി ബെ​ഹ​നാ​നും. ഒ​രി​ക്ക​ൽ ഉ​മ്മ​ൻ ചാ​ണ്ടി പ​ര​സ്യ​മാ​യി പ​റ​ഞ്ഞു. ‘ന​മ്മ​ൾ വി​ചാ​രി​ച്ച ആ​ള​ല്ല പ്ര​താ​പ​ൻ. മി​ടു​ക്ക​നാ​ണ്. അ​ത് കൂ​ടി​യോ​യെ​ന്ന സം​ശ​യ​മേ​യു​ള്ളൂ’. അ​ത് എ​നി​ക്കൊ​രു സ​ർ​ട്ടി​ഫി​ക്ക​റ്റാ​യി​രു​ന്നു. അ​തോ​ടെ മ​ന​സ്സി​ലെ എ​ല്ലാ പ​രി​ഭ​വ​ങ്ങ​ളും ഉ​പേ​ക്ഷി​ക്കു​ക​യും ചെ​യ്തി​രു​ന്നു.

2017ൽ ​എ​നി​ക്ക് ഡെ​ങ്കി​പ്പ​നി വ​ന്നു. അ​ത് രൂ​ക്ഷ​മാ​യി. പ്ലേ​റ്റ്​​ലെ​റ്റ് വ​ല്ലാ​തെ താ​ഴ്ന്നു. സ്ഥി​തി ഗു​രു​ത​ര​മെ​ന്ന് വൈ​ദ്യ​ശാ​സ്ത്രം. ര​മേ​ശ് ചെ​ന്നി​ത്ത​ല മു​ൻ​കൈ​യെ​ടു​ത്ത് അ​മൃ​ത ആ​ശു​പ​ത്രി​യി​ലെ ഐ.​സി.​യു​വി​ലേ​ക്ക് എ​ത്തി​ച്ചു. വീ​ട്ടു​കാ​രു​ടെ ഹൃ​ദ​യ​മി​ടി​പ്പ് ഉ​യ​ർ​ന്ന സ​ന്ദ​ർ​ഭം.

ഓ​ർ​മ ഇ​ട​ക്കി​ടെ ന​ഷ്ട​പ്പെ​ടു​ന്നു. ക​ണ്ണ്​ തു​റ​ന്ന സ​ന്ദ​ർ​ഭ​ത്തി​ൽ ക​ട്ടി​ലി​ന​രി​കി​ൽ ഉ​മ്മ​ൻ ചാ​ണ്ടി എ​ന്‍റെ കൈ​പി​ടി​ച്ച് നി​ൽ​ക്കു​ന്നു. പ്രാ​ർ​ഥി​ക്കു​ക​യാ​ണോ​യെ​ന്ന് തോ​ന്നി. എ​ന്‍റെ ക​ണ്ണ് നി​റ​ഞ്ഞു, അ​ദ്ദേ​ഹ​ത്തി​ന്‍റെ​യും. ര​മ​യു​ടെ ക​ണ്ണീ​രി​ന് മു​ന്നി​ൽ തൊ​ഴു​തു നി​ൽ​ക്കു​ക​യാ​യി​രു​ന്നു ഉ​മ്മ​ൻ ചാ​ണ്ടി. ഒ​രു കൂ​ട​പ്പി​റ​പ്പി​നെ പോ​ലെ. ഇ​താ​ണ് ഉ​മ്മ​ൻ ചാ​ണ്ടി​യെ​ന്ന ന​ന്മ​മ​രം.