ഫി​ഞ്ച് മു​ത​ൽ മ​കാ​വ് വ​രെ; അ​തി​ശ​യി​പ്പി​ച്ച് ത​ത്ത പ്ര​ദ​ർ​ശ​നം

തൃ​ശൂ​ർ: 150 രൂ​പ വി​ല​യു​ള്ള ഫി​ഞ്ച് മു​ത​ൽ ഒ​ന്ന​ര ല​ക്ഷം വി​ല വ​രു​ന്ന ബ്ലൂ ​ആ​ൻ​ഡ് ഗോ​ൾ​ഡ് മ​കാ​വ് വ​രെ വി​വി​ധ ത​ത്ത വ​ർ​ഗ​ത്തി​ൽ​പ്പെ​ട്ട പ​ക്ഷി​ക​ളു​ടെ അ​പൂ​ർ​വ പ്ര​ദ​ർ​ശ​നം ശ്ര​ദ്ധേ​യ​മാ​യി. അ​വി​ക​ൾ​ച​ർ അ​സോ​സി​യേ​ഷ​ൻ കേ​ര​ള​യു​ടെ നേ​തൃ​ത്വ​ത്തി​ൽ ജ​വ​ഹ​ർ ബാ​ല​ഭ​വ​നി​ൽ ന​ട​ന്ന പ്ര​ദ​ർ​ശ​നം കാ​ണാ​ൻ വീ​ട്ട​മ്മ​മാ​രും കു​ട്ടി​ക​ളും ഉ​ൾ​പ്പെ​ടെ നി​ര​വ​ധി പേ​രാ​ണ് എ​ത്തി​യ​ത്.

ജോ​ഡി​ക്ക് 20,000-25,000 രൂ​പ വി​ല​വ​രു​ന്ന കോ​ണൂ​ർ വി​ഭാ​ഗ​ത്തി​ലെ വി​വി​ധ ത​ത്ത​ക​ളാ​യി​രു​ന്നു പ്ര​ധാ​ന ആ​ക​ർ​ഷ​ണം. സാ​ധാ​ര​ണ​യാ​യി ആ​ഫ്രി​ക്ക​യി​ലും ബ്ര​സീ​ലി​ലും കാ​ണു​ന്ന ഇ​ന​ങ്ങ​ളാ​ണ് ജെ​ൻ​ഡേ കോ​നൂ​ർ, സ​ൺ കോ​നൂ​ർ എ​ന്നി​വ. 140 ഗ്രാം ​മാ​ത്രം തൂ​ക്ക​മു​ള്ള പൂ​ക്ക​ളി​ലെ തേ​ൻ​കു​ടി​ക്കാ​നെ​ത്തു​ന്ന ചാ​റ്റ​റി​ങ് ലോ​റി, റെ​ഡ് കോ​ള​ർ ലോ​റി, അ​ർ​ജ​ന്റീ​ന സ്വ​ദേ​ശി ലു​ട്ടി​നോ മോ​ങ്ക് എ​ന്നി​വ​യെ അ​രു​മ പ​ക്ഷി​യാ​ക്കു​ന്ന ആ​ളു​ക​ൾ ഏ​റെ​യാ​യി​രു​ന്നു.

300 വാ​ക്കു​ക​ൾ വ​രെ ഓ​ർ​ത്തി​രു​ന്ന് പ​റ​യു​ന്ന ഗ്രേ ​പാ​ര​റ്റി​ന് ഒ​ന്ന​ര ല​ക്ഷ​ത്തോ​ളം വി​ല​യു​ണ്ട്. അ​രു​മ പ​ക്ഷി​ക​ളെ സം​ബ​ന്ധി​ച്ച വി​വി​ധ വി​ഷ​യ​ങ്ങ​ളി​ൽ അ​രു​ൺ ത​മ്പി, ഇ​വാ​ൻ സി​റി​ൽ, ഐ​സ​ക് തോ​മ​സ് എ​ന്നി​വ​ർ ക്ലാ​സെ​ടു​ത്തു. ജി​ല്ല പ്ര​സി​ഡ​ന്റ് ഷി​ഹാ​ബ് ലാ​ല, സെ​ക്ര​ട്ട​റി പ​യ​സ് പാ​വു തു​ട​ങ്ങി​യ​വ​ർ നേ​തൃ​ത്വം ന​ൽ​കി.