വാൽപ്പാറയിൽ കാട്ടാനകൾ വീടും ബംഗ്ലാവും തകർത്തു

അതിരപ്പിള്ളി: വാൽപ്പാറയിൽ കാട്ടാനകൾ തൊഴിലാളികളുടെ വീടും ബംഗ്ലാവും തകർത്തു. വാൽപ്പാറക്ക്​ സമീപം ആനമുടിയിലെ ഒന്നാം ഡിവിഷനിലെ വീടും ഐ ഫോറസ്​റ്റിലെ ബംഗ്ലാവുമാണ് കേടുവരുത്തിയത്. ആറ്​ ആനകളടങ്ങുന്ന സംഘമാണ് കഴിഞ്ഞ ദിവസം പുലർച്ച ആക്രമണം നടത്തിയത്. തേയിലത്തോട്ടം തൊഴിലാളി ഗണേശ​െൻറ വീടി​െൻറ ഒരു ഭാഗം തകർന്നു. ചുമര്, വാതിൽ എന്നിവയാണ് തകർന്നത്. വീടിനുള്ളിലുള്ള അരി, പലചരക്ക് സാധനങ്ങൾ, ഫർണിച്ചറുകളും കാട്ടാന കൂട്ടം നശിപ്പിച്ചു.

വീടിനകത്ത് അഞ്ചു കുടുംബങ്ങൾ ഉണ്ടായിരുന്നു. ഇതിൽ മൂന്നു കുട്ടികളും ഉണ്ടായിരുന്നു. ശബ്​ദം കേട്ട് ഇവർ വീടി​െൻറ പിറകുവശത്തുള്ള വാതിൽക്കൽ കൂടി ഓടി രക്ഷപ്പെട്ടു. പിന്നീട് ഇവർ ഫോൺ വിളിച്ച് ആൾക്കാരെ അറിയിക്കുകയായിരുന്നു. പ്രദേശവാസികളെത്തി ശബ്​ദമുണ്ടാക്കി കാട്ടാനകളെ ഓടിച്ചു. പിന്നീടാണ് ഇവ അടുത്തുള്ള ഐ ഫോറസ്​റ്റ്​ എസ്​റ്റേറ്റിലേക്ക് പോയത്. അവിടത്തെ ബംഗ്ലാവി​െൻറ വാതിലും ജനലും തകർത്തു. അവിടെ നിന്നും ആനകളെ ഓടിച്ചുവിട്ടെങ്കിലും സമീപത്തെ വനത്തിനുള്ളിൽ തമ്പടിച്ചിരിക്കുകയാണ്.