ആ​ത്മ​ഹ​ത്യ ചെ​യ്ത വ​നി​ത മാ​നേ​ജ​റുടെ കടബാധ്യത ഇളവ്​ ചെയ്യൽ: തിരിച്ചടിയായത്​ ബാങ്ക്​ ലയനം

തൃ​ശൂ​ർ: ആ​ത്മ​ഹ​ത്യ ചെ​യ്ത വ​നി​ത മാ​നേ​ജ​ർ സ്വ​പ്​​ന​യു​ടെ ക​ട​ബാ​ധ്യ​ത ഇ​ള​വു​ചെ​യ്യു​ന്ന​തി​ന്​ തി​രി​ച്ച​ടി​യാ​യ​ത്​ ബാ​ങ്ക്​ ല​യ​നം. സി​ൻ​ഡി​ക്കേ​റ്റ്​ ബാ​ങ്ക്​ ക​ന​റാ ബാ​ങ്കി​ൽ ല​യി​പ്പി​ച്ച​തോ​ടെ​യാ​ണ്​ ഈ ​ആ​നു​കൂ​ല്യം ന​ഷ്ട​മാ​യ​ത്. സ്വ​പ്​​ന മു​മ്പ്​ സി​ൻ​ഡി​ക്കേ​റ്റ്​ ബാ​ങ്കി​ലാ​ണ്​​ ജോ​ലി ചെ​യ്തി​രു​ന്ന​ത്.

കേ​ന്ദ്ര സ​ർ​ക്കാ​ർ പൊ​തു​മേ​ഖ​ല ബാ​ങ്കു​ക​ളെ ല​യി​പ്പി​ക്കു​ന്ന ന​ട​പ​ടി​യു​ടെ ഭാ​ഗ​മാ​യി ക​ഴി​ഞ്ഞ വ​ർ​ഷം ഏ​പ്രി​ലി​ലാ​ണ്​ സി​ൻ​ഡി​ക്കേ​റ്റ്​ ബാ​ങ്കി​നെ ക​ന​റാ ബാ​ങ്കി​ൽ ല​യി​പ്പി​ച്ച​ത്. ഇ​തോ​ടെ​യാ​ണ്​ സ്വ​പ്​​ന ക​ന​റാ ബാ​ങ്കി​ന്‍റെ ഭാ​ഗ​മാ​യ​ത്. സ​ർ​വി​സി​ലി​രി​ക്കെ മ​രി​ക്കു​ന്ന ഓ​ഫി​സ​ർ​മാ​രു​ടെ അ​ഞ്ച്​ ല​ക്ഷം രൂ​പ വ​രെ​യു​ള്ള ക​ട​ബാ​ധ്യ​ത എ​ഴു​തി​ത്ത​ള്ളാ​ൻ സി​ൻ​ഡി​ക്കേ​റ്റ്​ ബാ​ങ്കി​ൽ വ്യ​വ​സ്ഥ​യു​ണ്ട്.

നാ​ല്​ ല​ക്ഷം രൂ​പ​യാ​യി​രു​ന്ന ഇ​ള​വ്​ 2018ലാ​ണ്​​ അ​ഞ്ച്​ ല​ക്ഷ​മാ​യി ഉ​യ​ർ​ത്തി​യ​ത്. സി​ൻ​ഡി​ക്കേ​റ്റ്​ ബാ​ങ്ക്​ ഇ​ല്ലാ​താ​യ​തും ക​ന​റാ ബാ​ങ്കി​ൽ ഈ ​ആ​നു​കൂ​ല്യം ല​ഭ്യ​മ​ല്ലാ​ത്ത​തു​മാ​ണ്​ വി​ന​യാ​യ​ത്​.

അ​തേ​സ​മ​യം, സ്വ​പ്​​ന​യു​ടെ 44 ല​ക്ഷം രൂ​പ​യോ​ളം വ​രു​ന്ന വാ​യ്പാ കു​ടി​ശ്ശി​ക ഒ​റ്റ​ത്ത​വ​ണ തീ​ർ​പ്പാ​ക്ക​ലി​ന്​ ക​ന​റാ ബാ​ങ്ക്​ ശ​നി​യാ​ഴ്ച തൃ​ശൂ​രി​ൽ ന​ട​ത്തു​ന്ന അ​ദാ​ല​ത്തി​ൽ പ​​ങ്കെ​ടു​ക്കു​ന്ന കാ​ര്യം തീ​രു​മാ​നി​ച്ചി​ട്ടി​ല്ലെ​ന്ന്​ ഭ​ർ​തൃ​പി​താ​വ്​ കെ.​പി. ശ്രീ​ധ​ര​ൻ 'മാ​ധ്യ​മ'​ത്തോ​ട്​ പ​റ​ഞ്ഞു.

വാ​യ്പ പൂ​ർ​ണ​മാ​യി എ​ഴു​തി​ത്ത​ള്ള​ണ​മെ​ന്ന്​ ആ​വ​ശ്യ​പ്പെ​ട്ട്​ അ​ദാ​ല​ത്തി​നു​ള്ള നോ​ട്ടീ​സ്​ കി​ട്ടി​യ​പ്പോ​ൾ​ത​ന്നെ ക​ന​റാ ബാ​ങ്ക്​ സ​ർ​ക്കി​ൾ ഓ​ഫി​സി​നും അ​ദാ​ല​ത്ത്​ വി​ഭാ​ഗ​ത്തി​നും അ​പേ​ക്ഷ അ​യ​ച്ചി​ട്ടു​ണ്ട്. അ​തി​ല​പ്പു​റ​മൊ​ന്നും പ​റ​യാ​നി​ല്ല. അ​തി​ൽ അ​നാ​ദ​ര​വി​ന്‍റെ പ്ര​ശ്ന​വു​മി​ല്ല -ശ്രീ​ധ​ര​ൻ പ​റ​ഞ്ഞു.