ജില്ലയിൽ ക​ള്ള​നോ​ട്ട് വ്യാപകമാകുന്നു

തൃ​ശൂ​ർ: ജി​ല്ല​യി​ൽ ക​ള്ള​നോ​ട്ട് വ്യാ​പ​ക​മാ​കു​ന്നു. ബു​ധ​നാ​ഴ്ച മാ​ത്രം തൃ​ശൂ​ർ സി​റ്റി പ​രി​ധി​യി​ലെ ര​ണ്ട് പൊ​ലീ​സ് സ്റ്റേ​ഷ​നു​ക​ളി​ൽ ക​ള്ള​നോ​ട്ട് കേ​സു​ക​ൾ റി​പ്പോ​ർ​ട്ട് ചെ​യ്യ്തു. വി​യ്യൂ​ർ, മെ​ഡി​ക്ക​ൽ കോ​ള​ജ് പൊ​ലീ​സ് സ്റ്റേ​ഷ​നു​ക​ളി​ലാ​ണ് കേ​സ് റി​പ്പോ​ർ​ട്ട് ചെ​യ്ത​ത്. മെ​ഡി​ക്ക​ൽ കോ​ള​ജ് പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ലോ​ട്ട​റി വി​ൽ​പ​ന​ക്കാ​ര​നാ​ണ് ത​ട്ടി​പ്പി​നി​ര​യാ​യ​ത്. വെ​ള​പ്പാ​യ ക​നാ​ൽ​പാ​ല​ത്തി​ന് സ​മീ​പം റോ​ഡ് സൈ​ഡി​ൽ ലോ​ട്ട​റി വി​ൽ​പ​ന ന​ട​ത്തി​ക്കൊ​ണ്ടി​രു​ന്ന കോ​ഴി​ക്കു​ന്ന് സ്വ​ദേ​ശി രാ​ജ​നാ​ണ് ത​ട്ടി​പ്പി​നി​ര​യാ​യ​ത്.

ക​റു​ത്ത സ്കൂ​ട്ട​റി​ൽ എ​ത്തി​യ​യാ​ൾ 2000 രൂ​പ ന​ൽ​കി 450 രൂ​പ​ക്ക് ലോ​ട്ട​റി ടി​ക്ക​റ്റ് എ​ടു​ത്ത​ശേ​ഷം 1550 ബാ​ക്കി വാ​ങ്ങി മ​ട​ങ്ങി​പ്പോ​കു​ക​യാ​യി​രു​ന്നു. വൈ​കീ​ട്ട് ലോ​ട്ട​റി ഏ​ജ​ൻ​സി ഓ​ഫി​സി​ൽ പ​ണം ന​ൽ​കി​യ​പ്പോ​ഴാ​ണ് ര​ണ്ടാ​യി​ര​ത്തി​ന്‍റെ നോ​ട്ട് ക​ള്ള​നോ​ട്ടാ​ണെ​ന്ന് തി​രി​ച്ച​റി​ഞ്ഞ​ത്. ത​ട്ടി​പ്പി​നി​ര​യാ​യ ലോ​ട്ട​റി ക​ച്ച​വ​ട​ക്കാ​ര​ൻ മെ​ഡി​ക്ക​ൽ കോ​ള​ജ് പൊ​ലീ​സി​ൽ പ​രാ​തി ന​ൽ​കി. തി​രൂ​രി​ൽ ക​ണ്ണ​ട വ്യാ​പാ​രി​യും ക​ഴി​ഞ്ഞ ദി​വ​സം ത​ട്ടി​പ്പി​നി​ര​യാ​യി. ലെ​ൻ​സ് കെ​യ​ർ ഒ​പ്റ്റി​ക്ക​ൽ​സി​ൽ ക​ഴി​ഞ്ഞ ദി​വ​സം എ​ത്തി​യ​യാ​ൾ ക​ണ്ണ​ട വാ​ങ്ങി​യ ശേ​ഷം 2000 രൂ​പ ന​ൽ​കി​യാ​ണ് ക​ട​യി​ലെ ജീ​വ​ന​ക്കാ​രി​യെ പ​റ്റി​ച്ച​ത്. ക​ട​യു​ട​മ മാ​ർ​വി​ൻ വി​യ്യൂ​ർ പൊ​ലീ​സി​ൽ പ​രാ​തി ന​ൽ​കി.

നേ​ര​ത്തേ പെ​ട്രോ​ൾ പ​മ്പു​ക​ൾ, പ​ച്ച​ക്ക​റി​ക്ക​ട​ക​ൾ, തി​ര​ക്കു​ള്ള ഇ​ട​ങ്ങ​ളി​ൽ സം​ഘം ചേ​ർ​ത്ത്​ ഇ​ത്ത​ര​ത്തി​ൽ ക​ള്ള​നോ​ട്ട്​ ന​ൽ​കു​ന്ന സം​ഘം വ്യാ​പ​ക​മാ​യി ഉ​ണ്ടാ​യി​രു​ന്നു. ഒ​ർ​ജി​ന​ലി​നെ വെ​ല്ലു​ന്ന ത​ര​ത്തി​ലു​ള്ള നോ​ട്ടു​ക​ൾ ആ​യ​തി​നാ​ൽ ആ​ർ​ക്കും സം​ശ​യം തോ​ന്നാ​ത്ത ത​ര​ത്തി​ൽ ഇ​വ കൈ​കാ​ര്യം ചെ​യ്യാ​ൻ ക​ഴി​ഞ്ഞി​രു​ന്നു. ബം​ഗ​ളൂ​രു അ​ട​ക്കം കേ​ന്ദ്ര​ങ്ങ​ളി​ൽ​നി​ന്ന് ജി​ല്ല​യി​ലേ​ക്ക്​ ക​ള്ള​നോ​ട്ട്​ എ​ത്തു​ക​യും ചെ​യ്തി​രു​ന്നു. കൊ​ടു​ങ്ങ​ല്ലൂ​ർ കേ​ന്ദ്രീ​ക​രി​ച്ച്​ ക​ള്ള​നോ​ട്ട്​ നി​ർ​മാ​ണം ന​ട​ത്തി​യി​രു​ന്ന സ​ഹോ​ദ​ര​ന്മാ​രെ പൊ​ലീ​സ്​ പി​ടി​കൂ​ടു​ക​യും ചെ​യ്തി​രു​ന്നു. തീ​ര​ദേ​ശ​വും ഗ്ര​മാ​ങ്ങ​ളും ന​ഗ​ര​വും അ​ട​ക്കം വ​ൻ മാ​ഫി​യ സം​ഘ​മാ​ണ്​ ഇ​തി​ന്​ പി​ന്നി​ലു​ള്ള​ത്.