കൈക്കൂലി വാങ്ങൽ മനോരോഗ തലത്തിലെത്തിയെന്ന് റിപ്പോർട്ട്

പാ​ല​ക്കാ​ട്: കൈ​ക്കൂ​ലി അ​വ​കാ​ശ​മാ​യി കാ​ണു​ന്ന സ​മീ​പ​ന​മാ​യി​രു​ന്നു പാ​ല​ക്ക​യം വി​ല്ലേ​ജ് ഫീ​ൽ​ഡ് അ​സി​സ്റ്റ​ന്റ് സു​രേ​ഷ്‍കു​മാ​റി​നെ​ന്ന് പി​രി​ച്ചു​വി​ട​ൽ ഉ​ത്ത​ര​വി​ൽ റ​വ​ന്യൂ വ​കു​പ്പ്. കൈ​ക്കൂ​ലി വാ​ങ്ങു​ക​യെ​ന്ന​ത് സു​രേ​ഷ്‍കു​മാ​റി​ന് മ​നോ​രോ​ഗ ത​ല​ത്തി​ലേ​ക്ക് എ​ത്തി​യെ​ന്ന് ബോ​ധ്യ​പ്പെ​ട്ട​താ​യി അ​ന്വേ​ഷ​ണ ഉ​ദ്യോ​ഗ​സ്ഥ​നും വി​ല​യി​രു​ത്തി. തി​രു​വ​ന​ന്ത​പു​രം മ​ല​യ​ൻ​കീ​ഴ് സ്വ​ദേ​ശി​യാ​യ സു​രേ​ഷ്‍കു​മാ​റി​ന്, താ​ൻ നി​ര​പ​രാ​ധി​യാ​ണെ​ന്ന് വാ​ദി​ക്കാ​ന​ല്ലാ​തെ അ​ത് തെ​ളി​യി​ക്കാ​ൻ​ത​ക്ക വ​സ്തു​ത​ക​ൾ ബോ​ധി​പ്പി​ക്കാ​നാ​യി​ല്ലെ​ന്നും പി​രി​ച്ചു​വി​ട​ൽ ഉ​ത്ത​ര​വി​ൽ പ​റ​യു​ന്നു.

‘‘രാ​വി​ലെ മു​ത​ൽ ഉ​ച്ച​വ​രെ സ​ഹ​പ്ര​വ​ർ​ത്ത​ക​രോ​ടോ ഓ​ഫി​സി​ൽ വ​രു​ന്ന നാ​ട്ടു​കാ​രോ​ടോ മി​ണ്ടാ​തെ ദു​രൂ​ഹ​മൗ​നം പാ​ലി​ക്കും. ലൊ​ക്കേ​ഷ​ൻ സ്കെ​ച്ച്, കൈ​വ​ശാ​വ​കാ​ശ സ​ർ​ട്ടി​ഫി​ക്ക​റ്റ് എ​ന്നി​വ​ക്കു​ള്ള അ​പേ​ക്ഷ​ക​ൾ മാ​ത്രം പ​രി​ഗ​ണി​ക്കും. അ​പേ​ക്ഷ​ക​രോ​ട് നേ​രി​ട്ടു​ത​ന്നെ കൈ​ക്കൂ​ലി ആ​വ​ശ്യ​പ്പെ​ടും.’’ -റ​വ​ന്യൂ വ​കു​പ്പ് അ​ണ്ട​ർ സെ​ക്ര​ട്ട​റി ചൂ​ണ്ടി​ക്കാ​ട്ടി.

സു​രേ​ഷ്‍കു​മാ​ർ കൈക്കൂലി പ​ണം വി​നി​യോ​ഗി​ക്കു​ക​പോ​ലും ചെ​യ്യാ​തെ കൂ​ട്ടി​വെ​ക്കു​ക​യാ​യി​രു​ന്നു. മു​റി​യി​ൽ​നി​ന്ന് 35 ല​ക്ഷം രൂ​പ​യും 17 കി​ലോ നാ​ണ​യ​ങ്ങ​ളും പി​ടി​കൂ​ടി​യി​രു​ന്നു. കൂ​ടാ​തെ, 45 ല​ക്ഷം രൂ​പ​യു​ടെ സ്ഥി​ര നി​ക്ഷേ​പ​ത്തി​ന്റെ​യും 25 ല​ക്ഷം രൂ​പ​യു​ടെ സേ​വി​ങ്സ് അ​ക്കൗ​ണ്ടി​ന്റെ​യും രേ​ഖ​ക​ളു​മു​ണ്ടാ​യി​രു​ന്നു.