പത്രവിതരണക്കാരന് നേരെ ആക്രമണം; പ്രതി അറസ്റ്റിൽ

മാള: പത്രവിതരണക്കാരനെ ആക്രമിച്ച സംഭവത്തിലെ പ്രതി അറസ്റ്റിൽ. കുരുവിലശ്ശേരി വില്ലേജ് വലിയപറമ്പ് സ്വദേശി പനവടലി വീട്ടിൽ തപസ് വേലുവിനെയാണ്(37) തൃശൂർ റൂറൽ ജില്ല പൊലീസ് മേധാവിയുടെ നേതൃത്വത്തിലുള്ള പ്രത്യേക അന്വേഷണ സംഘംപിടികൂടിയത്. കഴിഞ്ഞ 24ന് പുലർച്ച മൂന്ന്മണിയോടെയായിരുന്നു സംഭവം.

മേലഡൂർ ജങ്ഷനിൽ പത്ര ഏജൻറ് വർഗീസിനെയാണ് മാരകായുധം ഉപയോഗിച്ച് വെട്ടിപ്പരിക്കേൽപിച്ച് കൊലപ്പെടുത്താൻ ശ്രമിച്ചത്. ആക്രമണത്തിനിടെ വർഗീസ് ഓടിരക്ഷപ്പെടാൻ ശ്രമിച്ചെങ്കിലും പ്രതി പിന്തുടർന്ന് തടഞ്ഞു നിർത്തി ഗുരുതരമായി പരിക്കേൽപ്പികുകയായിരുന്നു. സംഭവത്തെ തുടർന്ന് വർഗീസിന്റെ ഭാര്യയുടെ പരാതിയിലാണ് അന്വേഷണം നടത്തിയത്. അന്വേഷണ സംഘം വിവിധ ടീമുകളായി തിരിഞ്ഞ് നടത്തിയ പരിശോധനകളിലാണ് പ്രതിയെ വലയിലാക്കിയത്.