നാ​വി​ക​സേ​ന​യി​ൽ പ്ര​വേ​ശ​നം നേ​ടി ഏ​മ​ൽ എ​ബി​ൾ

മാ​ള: ഇ​ന്ത്യ​ൻ നാ​വി​ക​സേ​ന​യി​ൽ പ്ര​വേ​ശ​നം നേ​ടി​യ യു​വ​തി നാ​ടി​ന് അ​ഭി​മാ​ന​മാ​വു​ന്നു. മാ​ള പ​ള്ളി​പ്പു​റം പ​ടി​ഞ്ഞാ​റ​ൻ​മു​റി ച​ക്കാ​ല​ക്ക​ൽ വി​ന്നി-​ജി​ൻ​സി ദ​മ്പ​തി​ക​ളു​ടെ മ​ക​ൾ ഏ​മ​ൽ എ​ബി​ളാ​ണ് താ​ര​മാ​യ​ത്.

ഒ​രു വ​ർ​ഷ​ത്തോ​ളം നീ​ണ്ട പ​രി​ശീ​ല​ന​ത്തി​നു​ശേ​ഷ​മാ​ണ് തെ​ര​ഞ്ഞെ​ടു​ക്ക​​പ്പെ​ട്ട​ത്. ക​ർ​ണാ​ട​ക​യി​ലെ കാ​ർ​വാ​റി​ൽ ഷി​പ്പി​ങ്ങി​ലാ​യി​രു​ന്നു ആ​ദ്യ​ഘ​ട്ട പ​രി​ശീ​ല​നം. പി​ന്നീ​ട് ഒ​ഡി​ഷ​യി​ലെ സി​ല്‍ക​യി​ൽ ക​ഠി​ന പ​രി​ശീ​ല​നം. ആ​ഗ​സ്റ്റ് എ​ട്ടി​നാ​രു​ന്നു പാ​സി​ങ് ഔ​ട്ട് പ​രേ​ഡ്. സൈ​നി​ക​സേ​വ​നം എ​ന്ന ല​ക്ഷ്യം കൗ​മാ​ര​ത്തി​ൽ ത​ന്നെ ഏ​മ​ലി​നു​ള്ളി​ൽ ഉ​ണ്ടാ​യി​രു​ന്നു. ല​ക്ഷ്യ​ത്തി​ലേ​ക്കു​ള്ള പ്ര​യാ​ണ​ത്തി​ൽ മാ​താ​പി​താ​ക്ക​ൾ പൂ​ർ​ണ പി​ന്തു​ണ​യേ​കി.

പ്ല​സ് ടു​വി​ന് ശേ​ഷം ജി​ല്ല​യി​ലെ ഇ​ന്ത്യ​ൻ കോ​ഴ്സ് അ​ക്കാ​ദ​മി​യി​ൽ ചേ​ർ​ന്നാ​യി​രു​ന്നു ആ​ദ്യ പ​ഠ​നം. റി​ട്ട.​ഉ​ദ്യോ​ഗ​സ്ഥ​നാ​യ ഉ​ദ​യ​കു​മാ​ർ വ​ഴി​കാ​ട്ടി​യാ​യി. നാ​വി​ക​സേ​ന​യു​ടെ ആ​റ് ശാ​ഖ​ക​ളി​ലേ​ക്ക് സ്ത്രീ​ക​ളെ ഓ​ഫി​സ​ർ​മാ​രാ​യി നി​യ​മി​ക്കു​ന്നു​ണ്ട്. ശ​നി​യാ​ഴ്ച കൊ​ച്ചി ദ്രോ​ണാ​ചാ​ര്യ​യി​ൽ പ്ര​ഫ​ഷ​ന​ൽ ട്രെ​യി​നി​ങ്ങി​ൽ പ്ര​വേ​ശി​ക്കു​ന്ന ഈ 21​കാ​രി​യെ യാ​ത്ര​യാ​ക്കാ​നു​ള്ള ഒ​രു​ക്ക​ത്തി​ലാ​ണ് നാ​ട്.