നാടിന് മാതൃകയായി എയ്യാലിലെ യുവകർഷകൻ

പ​ന്നി​ത്ത​ടം: പ​ച്ച​പ്പ് നി​റ​യും വ​യ​ലേ​ല​ക​ളി​ൽ സാ​മൂ​ഹി​ക​വി​രു​ദ്ധ​ർ വ​ലി​ച്ചെ​റി​യു​ന്ന പ്ലാ​സ്റ്റി​ക് കു​പ്പി​ക​ൾ, ക​വ​റു​ക​ൾ എ​ന്നി​വ പെ​റു​ക്കി മാ​ലി​ന്യ നി​ർ​മാ​ർ​ജ​ന​വും ഹ​രി​ത-​ജൈ​വ സ​മൃ​ദ്ധി​യും ഉ​റ​പ്പാ​ക്കു​ന്ന യു​വ​ക​ർ​ഷ​ക​ൻ നാ​ടി​ന് മാ​തൃ​ക​യാ​യി. എ​യ്യാ​ൽ ആ​വേ​ൻ​വീ​ട്ടി​ൽ ബി​ജീ​ഷാ​ണ് (44) പ​രി​സ്ഥി​തി​യെ പ്ലാ​സ്റ്റി​ക്ക് വി​മു​ക്ത​മാ​ക്കാ​ൻ ശ്ര​മി​ക്കു​ന്ന യു​വ ക​ർ​ഷ​ക​ൻ.

ഗ​ൾ​ഫി​ൽ​നി​ന്ന് മ​ട​ങ്ങി​യെ​ത്തി​യ ശേ​ഷം മു​ഴു​വ​ൻ സ​മ​യം ക​ർ​ഷ​ക​നാ​യി മാ​റി​യ ബി​ജീ​ഷ് മ​റ്റു കൃ​ഷി​ക്കാ​ർ​ക്ക് മാ​തൃ​ക​യാ​ണ്. എ​യ്യാ​ൽ- കു​ണ്ടു​തോ​ട്-​ആ​ദൂ​ർ പാ​ട​ശേ​ഖ​ര​ത്തി​ലെ 25 ഏ​ക്ക​ർ വ​യ​ൽ നെ​ൽ​കൃ​ഷി​ക്ക് ഒ​രു​ക്കു​ന്ന​തി​നി​ട​യി​ലാ​ണ് വ​ലി​യ തോ​തി​ൽ പ്ലാ​സ്റ്റി​ക് മാ​ലി​ന്യ നി​ക്ഷേ​പം ക​ണ്ടെ​ത്തി​യ​ത്. തു​ട​ർ​ന്ന് ഇ​വ​യു​ടെ നി​ർ​മാ​ർ​ജ​നം ല​ക്ഷ്യ​മി​ട്ട് ബി​ജീ​ഷ് ഒ​റ്റ​യാ​ൾ പോ​രാ​ട്ട​ത്തി​നി​റ​ങ്ങി. ഓ​രോ ദി​ന​വും ക​ഴി​യു​ന്ന​ത്ര പ്ലാ​സ്റ്റി​ക് മാ​ലി​ന്യം പെ​റു​ക്കി ക​ട​ങ്ങോ​ട് പ​ഞ്ചാ​യ​ത്ത് ഗ്രാ​മ​സു​ന്ദ​രി എ​ന്ന പേ​രി​ൽ റോ​ഡ​രി​കി​ൽ സ്ഥാ​പി​ച്ച ബോ​ട്ടി​ൽ ബൂ​ത്തി​ൽ നി​ക്ഷേ​പി​ക്കും. ഇ​തു​ക​ണ്ട് നാ​ട്ടു​കാ​രും കു​ട്ടി​ക​ളും സ​ഹ​ക​രി​ച്ചു. വ​ലി​യൊ​രു പ്ലാ​സ്റ്റി​ക് ശേ​ഖ​രം വ​യ​ലി​ൽ​നി​ന്ന് ല​ഭി​ച്ചു. തു​ട​ർ​ന്നാ​ണ് നെ​ൽ​കൃ​ഷി ആ​രം​ഭി​ച്ച​ത്. ബി​ജീ​ഷി​ന് മി​ക​ച്ച ക​ർ​ഷ​ക​നു​ള​ള ക​ട​ങ്ങോ​ട് പ​ഞ്ചാ​യ​ത്ത് ത​ല അ​വാ​ർ​ഡ് ല​ഭി​ച്ചി​ട്ടു​ണ്ട്. പി​താ​വ് ബാ​ല​നും മി​ക​ച്ച ക​ർ​ഷ​ക​നു​ള്ള അം​ഗീ​കാ​രം നേ​ടി​യ വ്യ​ക്തി​യാ​ണ്. കൃ​ഷി​യോ​ടും പ​രി​സ്ഥി​തി​യോ​ടും ഈ ​യു​വ​ക​ർ​ഷ​ക​ൻ ന​ട​ത്തി​യ ആ​ത്മാ​ർ​ഥ​ത​യോ​ടെ​യു​ള്ള സേ​വ​നം ക​ണ്ട​റി​ഞ്ഞ നാ​ട്ടു​കാ​ർ ബി​ജീ​ഷി​നെ അ​ഭി​ന​ന്ദി​ക്കു​ക​യാ​ണ്.