സംസ്ഥാന പാതയോരത്ത്​ നിലംനികത്തൽ വ്യാപകം ന​ട​പ​ടി സ്വീ​ക​രി​ക്കാ​തെ അ​ധി​കൃ​ത​ർ

കോ​ന്നി: പു​ന​ലൂ​ർ-​മൂ​വാ​റ്റു​പു​ഴ സം​സ്ഥാ​ന പാ​ത​യി​ൽ വ​ക​യാ​ർ എ​ട്ടാം​കു​റ്റി​ക്ക് സ​മീ​പം സം​സ്ഥാ​ന പാ​ത​യോ​ട്​ ചേ​ർ​ന്ന് നി​ലം മ​ണ്ണി​ട്ട് നി​ക​ത്തി​യി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ല. സം​സ്ഥാ​ന പാ​ത നി​ർ​മാ​ണ പ്ര​വൃ​ത്തി​ക​ളു​ടെ ഭാ​ഗ​മാ​യി എ​ടു​ത്തു​മാ​റ്റി​യ മ​ണ്ണാ​ണ് ടി​പ്പ​ർ ലോ​റി​യി​ൽ കൊ​ണ്ടു​വ​ന്ന് നി​ലം നി​ക​ത്തു​ന്ന​ത്. ക​രാ​റു​കാ​രു​ടെ ഒ​ത്താ​ശ​യോ​ടെ​യാ​ണ് ഇ​ത്​ ന​ട​ക്കു​ന്ന​ത് എ​ന്നും ആ​ക്ഷേ​പ​മു​ണ്ട്.

കെ.​എ​സ്.​ടി.​പി ഇ​വി​ടെ ക്രാ​ഷ് ബാ​രി​യ​റു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും ഈ ​ഭാ​ഗ​ത്ത് ഒ​രു ലോ​റി​ക്ക് ക​ട​ന്നു​പോ​കാ​വു​ന്ന വീ​തി​യി​ൽ കു​റ​ച്ചു​ഭാ​ഗം ഒ​ഴി​ച്ചി​ട്ടി​രു​ന്നു. ഈ ​ഭാ​ഗ​ത്തു​കൂ​ടി​യാ​ണ് ടി​പ്പ​റി​ൽ മ​ണ്ണ് കൊ​ണ്ടു​വ​ന്ന് ത​ള്ളി​യി​രി​ക്കു​ന്ന​ത്. പ​ട്ടാ​പ്പ​ക​ലാ​ണ് നി​ക​ത്ത​ൽ ന​ട​ക്കു​ന്ന​ത്. സം​സ്ഥാ​ന പാ​ത​യി​ൽ കോ​ന്നി പൂ​വ​ൻ​പാ​റ മു​ത​ൽ ക​ല​ഞ്ഞൂ​ർ വ​രെ​യു​ള്ള ഭാ​ഗ​ങ്ങ​ളി​ൽ സം​സ്ഥാ​ന പാ​ത​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ശേ​ഷം നി​ര​വ​ധി സ്ഥ​ല​ങ്ങ​ളി​ൽ മ​ണ്ണി​ട്ട് നി​ക​ത്തി​യി​ട്ടു​ണ്ട്. കൊ​ല്ല​ൻ​പ​ടി, വ​ക​യാ​ർ, പൂ​വ​ൻ​പാ​റ തു​ട​ങ്ങി പ​ല സ്ഥ​ല​ങ്ങ​ളി​ലും സ്വ​കാ​ര്യ​വ്യ​ക്തി​ക​ളു​ടെ പ​റ​മ്പി​ൽ ത​ട്ടു​ന്ന മ​ണ്ണ് പി​ന്നീ​ട് നി​ര​പ്പാ​ക്കി ഇ​വി​ടെ കെ​ട്ടി​ട സ​മു​ച്ച​യ​ങ്ങ​ൾ നി​ർ​മി​ക്കു​ന്ന കാ​ഴ്ച​യാ​ണ് ക​ണ്ടു​വ​രു​ന്ന​ത്‌. വ​യ​ലും പാ​ട​ശേ​ഖ​ര​ങ്ങ​ളും മ​ണ്ണി​ട്ട് നി​ക​ത്താ​ൻ അ​നു​മ​തി ന​ൽ​കാ​ത്ത ഭാ​ഗ​ങ്ങ​ളി​ലാ​ണ് ഇ​ത്ത​രം പ്ര​വ​ർ​ത്ത​ന​ങ്ങ​ൾ ഏ​റെ​യും ന​ട​ക്കു​ന്ന​ത് എ​ന്ന​താ​ണ് ശ്ര​ദ്ധേ​യം.