കെ.എസ്.ആർ.ടി.സി ബസ് ഓട്ടോ സ്റ്റാൻഡിലേക്ക് ഇടിച്ചുകയറി അഞ്ച് ഓട്ടോറിക്ഷ തകർന്നു; മൂന്നു ഡ്രൈവർമാർക്ക്​ പരിക്ക്

പ​ന്ത​ളം: നി​യ​ന്ത്ര​ണം​വി​ട്ട കെ.​എ​സ്.​ആ​ർ.​ടി.​സി ബ​സ് ഓ​ട്ടോ സ്റ്റാ​ൻ​ഡി​ലേ​ക്ക് ഇ​ടി​ച്ചു​ക​യ​റി. എം.​സി റോ​ഡി​ൽ പ​റ​ന്ത​ൽ ജ​ങ്​​ഷ​നി​ലു​ണ്ടാ​യ അ​പ​ക​ട​ത്തി​ൽ അ​ഞ്ച് ഓ​ട്ടോ ഭാ​ഗി​ക​മാ​യി ത​ക​ർ​ന്നു. ഓ​ട്ടോ​റി​ക്ഷ ഡ്രൈ​വ​ർ​മാ​രാ​യ മൂ​ന്നു​പേ​ർ​ക്ക് പ​രി​ക്കേ​റ്റു. ഞാ​യ​റാ​ഴ്ച രാ​വി​ലെ 10.30നാ​യി​രു​ന്നു അ​പ​ക​ടം.

പ​റ​ന്ത​ൽ സ്വ​ദേ​ശി​ക​ളാ​യ അ​നി​ൽ കോ​ട്ട​ജി​ൽ അ​ശോ​ക​ൻ (53), പാ​ല​ത്ത​ട​ത്തി​ൽ സ​ജീ​വ് (35), മു​ല്ല​ശ്ശേ​രി​യി​ൽ കൃ​ഷ്ണ​കു​മാ​ർ (45) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​വ​രെ അ​ടൂ​ർ താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

സ്റ്റാ​ൻ​ഡി​ൽ പാ​ർ​ക്ക് ചെ​യ്തി​രു​ന്ന ഇ​വ​രു​ടെ മൂ​ന്ന് ഓ​ട്ടോ​യും പ​റ​ന്ത​ൽ, പൊ​ങ്ങ​ല​ടി, ച​രു​വി​ള പ​ടി​ഞ്ഞാ​റ്റി​യ​തി​ൽ ജോ​ബി, കൂ​ട​ൽ നെ​ടു​മ​ൻ​കാ​വ് അ​രു​ൺ എ​ന്നി​വ​രു​ടെ ഓ​ട്ടോ​യും അ​പ​ക​ട​ത്തി​ൽ ത​ക​ർ​ന്നു. ബ​സി​ന്​ കാ​ര്യ​മാ​യ കേ​ടു​പാ​ടു​ക​ളി​ല്ല.

പ​ന്ത​ളം ഭാ​ഗ​ത്തു​നി​ന്ന്​ തി​രു​വ​ന​ന്ത​പു​ര​ത്തേ​ക്ക് പോ​കു​ക​യാ​യി​രു​ന്ന ഈ​രാ​റ്റു​പേ​ട്ട ഡി​പ്പോ​യി​ലെ ബ​സാ​ണ് അ​പ​ക​ട​ത്തി​ൽ​പെ​ട്ട​ത്. ഓ​ട്ടോ സ്റ്റാ​ൻ​ഡി​ന​ടു​ത്താ​ണ്​ ബ​സ്​ കാ​ത്തി​രി​പ്പ്​ കേ​ന്ദ്രം.

വ​ള​വ്​ തി​രി​ഞ്ഞ്​ എ​ത്തു​ന്ന ഭാ​ഗ​ത്ത്​ ബ​സ്​ നി​ർ​ത്തു​ന്ന​തി​ന്​ മു​മ്പ്​ നി​യ​ന്ത്ര​ണം ന​ഷ്​​ട​​പ്പെ​ടു​ക​യാ​യി​രു​ന്നു.​ സാ​ധാ​ര​ണ ദി​വ​സ​ങ്ങ​ളി​ൽ വി​ദ്യാ​ർ​ഥി​ക​ള​ട​ക്കം ധാ​രാ​ളം പേ​ർ ബ​സ്​ കാ​ത്തു​നി​ൽ​ക്കാ​റു​ണ്ട്. ഞാ​യ​റാ​ഴ്ച ആ​യ​തി​നാ​ൽ സ്റ്റോ​പ്പി​ൽ​ ആ​രു​മി​ല്ലാ​യി​ല്ലാ​യി​രു​ന്നു. വ​ൻ അ​പ​ക​ട​മാ​ണ് ഒ​ഴി​വാ​യ​ത്. പ​ന്ത​ളം പൊ​ലീ​സ്​ തു​ട​ർ​ന​ട​പ​ടി സ്വീ​ക​രി​ച്ചു.