കുടുംബശ്രീ ഓണസദ്യ ഹിറ്റിലേക്ക്

പ​ത്ത​നം​തി​ട്ട: ഓ​ണ​സ​ദ്യ വീ​ട്ടി​ലെ​ത്തി​ക്കാ​നു​ള്ള കു​ടും​ബ​ശ്രീ പ​ദ്ധ​തി ഹി​റ്റ്. തി​ങ്ക​ളാ​ഴ്ച വ​രെ 250ഓ​ളം പേ​ർ​ സ​ദ്യ ​ബു​ക്ക്​ ചെ​യ്തു ക​ഴി​ഞ്ഞു. ഓ​ഫി​സ്, സ്‌​കൂ​ൾ, ബാ​ങ്ക്​ തു​ട​ങ്ങി സ്ഥാ​പ​ന​ങ്ങ​ളു​ടെ ഓ​ർ​ഡ​റും ല​ഭി​ച്ചു​തു​ട​ങ്ങി. നി​ര​വ​ധി​പേ​ർ നി​ര​ക്ക്​ അ​ട​ക്കം അ​ന്വേ​ഷി​ച്ച്​ കു​ടും​ബ​ശ്രീ​യു​മാ​യി ബ​ന്ധ​പ്പെ​ടു​ന്നു​മു​ണ്ട്.

അ​ഞ്ഞൂ​റി​ല​ധി​ക​മു​ള്ള ഓ​ർ​ഡ​റു​ക​ളി​ൽ ഒ​രു സ​ദ്യ​ക്ക്​ 180 രൂ​പ​യും 250 -500 വ​രെ​ 200 രൂ​പ​യും 100 - 250ന്​ 230 ​രൂ​പ​യും 100 വ​രെ ഓ​ർ​ഡ​റു​ക​ൾ​ക്ക് 280 രൂ​പ​യു​മാ​ണ് നി​ര​ക്ക്. ഇ​തി​ൽ 18 വി​ഭ​വ​ങ്ങ​ൾ ഉ​ണ്ടാ​കും. തി​രു​വോ​ണ സ​ദ്യ​യും പാ​ഴ്സ​ലാ​യി വാ​ങ്ങാം. 23 വി​ഭ​വ​ങ്ങ​ള​ട​ങ്ങി​യ സ​ദ്യ അ​ഞ്ചം​ഗ കു​ടും​ബ​ത്തി​ന് 1700 രൂ​പ​യും ര​ണ്ടു​ പേ​ർ​ക്ക് 680 രൂ​പ​യു​മാ​ണ്.

എ​വി​ടെ​നി​ന്നും ബു​ക്ക് ചെ​യ്യാം

സ​ദ്യ വേ​ണ്ട​വ​ർ​ക്ക് എ​വി​ടെ നി​ന്ന് വേ​ണ​മെ​ങ്കി​ലും മു​ൻ​കൂ​ട്ടി ബു​ക്ക് ചെ​യ്യാം. വി​ളി​ച്ചു ബു​ക്ക് ചെ​യ്യാ​ൻ എം.​ഇ.​സി (മൈ​ക്രോ എ​ൻ​റ​ർ​പ്രൈ​സ് കോ​സ​ൾ​ട്ട​ൻ​സ്) ഗ്രൂ​പ്പു​ക​ളു​ടെ നേ​തൃ​ത്വ​ത്തി​ൽ ര​ണ്ടു​ കോ​ൾ സെ​ന്റ​ർ ഒ​രു​ക്കി. ജി​ല്ല​യി​ലെ ഏ​ട്ടു​ ബ്ലോ​ക്കി​ലാ​യി 22 കു​ടും​ബ​ശ്രീ കാ​റ്റ​റി​ങ്​ യൂ​നി​റ്റാ​ണ് പ്ര​വ​ർ​ത്തി​ക്കു​ന്ന​ത്. ക​ഫെ യൂ​നി​റ്റു​ക​ൾ ത​ന്നെ​യാ​ണ് സ​ദ്യ എ​ത്തി​ച്ചു ന​ൽ​കു​ക. യൂ​നി​റ്റി​ന് അ​ഞ്ചു കി​ലോ​മീ​റ്റ​ർ പ​രി​ധി​യി​ലാ​ണ്​ ഓ​ർ​ഡ​റെ​ങ്കി​ൽ ഫ്രീ ​ഡെ​ലി​വ​റി സൗ​ക​ര്യ​മു​ണ്ട്.

തി​രു​വോ​ണ ദി​വ​സം വീ​ടു​ക​ളി​ൽ ഡെ​ലി​വ​റി ഇ​ല്ല. പ​ക​രം അ​ടൂ​ർ, തി​രു​വ​ല്ല, പ​ത്ത​നം​തി​ട്ട, പ​ന്ത​ളം എ​ന്നി​വ​ട​ങ്ങ​ളി​ൽ ക്ര​മീ​ക​രി​ച്ചി​രി​ക്കു​ന്ന ക​ള​ക്​​ഷ​ൻ സെൻറ​ർ മു​ഖേ​ന പാ​ഴ്സ​ൽ സ​ദ്യ കൈ​പ്പ​റ്റ​ണം. തി​രു​വോ​ണ സ​ദ്യ​യു​ടെ മു​ൻ​കൂ​ട്ടി​യു​ള്ള ബു​ക്കി​ങ് സെ​പ്റ്റം​ബ​ർ ര​ണ്ടി​ന്​ അ​വ​സാ​നി​ക്കും. ഫോ​ൺ: 9562247585

തി​രു​വോ​ണ സ​ദ്യ വി​ഭ​വ​ങ്ങ​ൾ ഇ​ങ്ങ​നെ

ഉ​പ്പ്, ചി​പ്സ്, ശ​ർ​ക്ക​ര​വ​ര​ട്ടി. ക​ളി​യ​ട​ക്ക, നാ​ര​ങ്ങ അ​ച്ചാ​ർ, മാ​ങ്ങ അ​ച്ചാ​ർ, ഇ​ഞ്ചി​ക്ക​റി, പ​ച്ച​ടി, കി​ച്ച​ടി, തോ​ര​ൻ, മ​സാ​ല​ക്ക​റി, അ​വി​യ​ൽ, പ​രി​പ്പ്, നെ​യ്യ്, സാ​മ്പാ​ർ, പു​ളി​ശ്ശേ​രി, പ​ച്ച​മോ​ര്, പ​പ്പ​ടം, പ​ഴം, അ​ട​പ്ര​ഥ​മ​ൻ, സേ​മി​യ പാ​യ​സം, ചോ​റ്. വാ​ഴ​യി​ല​യും ഉ​ണ്ടാ​കും.