ഭാര്യവീട്ടിൽ മധ്യവയസ്കന്റെ ആ​ക്രമണം; ഭാര്യ ഉൾപ്പടെ നാലുപേർക്ക് കുത്തേറ്റു

ഒ​റ്റ​പ്പാ​ലം: ഭാ​ര്യ​യു​ടെ വീ​ട്ടി​ലെ​ത്തി​യ മ​ധ്യ​വ​യ​സ്ക​ൻ ഭാ​ര്യ ഉ​ൾ​പ്പ​ടെ നാ​ലു​പേ​രെ കു​ത്തി​പ​രി​ക്കേ​ൽ​പ്പി​ച്ചു. സം​ഭ​വ​ത്തി​ൽ ല​ക്കി​ടി രാ​മ​കൃ​ഷ്ണ​പ​ടി ‘അ​ദ്വൈ​ത’​ത്തി​ൽ അ​നി​ൽ​കു​മാ​റി​നെ (45) ഒ​റ്റ​പ്പാ​ലം പൊ​ലീ​സ് അ​റ​സ്റ്റ് ചെ​യ്തു. ബു​ധ​നാ​ഴ്ച്ച വൈ​കീ​ട്ട് ആ​റോ​ടെ മ​യി​ലും​പു​റ​ത്താ​ണ് ആ​ക്ര​മ​ണ​മു​ണ്ടാ​യ​ത്.

അ​നി​ൽ​കു​മാ​റി​ന്റെ ഭാ​ര്യ പ​ത്മ​ശ്രീ പു​ത്ത​ൻ വീ​ട്ടി​ൽ പ​ത്മ​ജ, സ​ഹോ​ദ​ര​ൻ സ​ച്ചി​ൻ, പി​തൃ​സ​ഹോ​ദ​ര​ൻ മോ​ഹ​ൻ​കു​മാ​ർ, ബ​ന്ധു വി​ഷ്ണു​ജി​ത്ത് എ​ന്നി​വ​ർ​ക്കാ​ണ് ക​ത്തി​കൊ​ണ്ടു​ള്ള കു​ത്തേ​റ്റ​ത്. പ​ത്മ​ജ സ്വ​ന്തം വീ​ട്ടി​ലേ​ക്ക് പോ​കു​ന്ന​ത് അ​നി​ൽ​കു​മാ​ർ വി​ല​ക്കി​യി​രു​ന്ന​താ​യി പ​റ​യു​ന്നു. അ​നി​ൽ​കു​മാ​ർ പ​ത്മ​ജ​യു​ടെ വീ​ട്ടി​ലെ​ത്തി​യ ഉ​ട​ൻ കൈ​യി​ൽ ക​രു​തി​യി​രു​ന്ന ക​ത്തി​യെ​ടു​ത്ത് പ​ത്മ​ജ​യെ കു​ത്തു​ക​യാ​യി​രു​ന്നെ​ന്ന് പൊ​ലീ​സ് പ​റ​ഞ്ഞു. ഇ​ത് ത​ട​യാ​നു​ള്ള ശ്ര​മ​ത്തി​നി​ട​യി​ലാ​ണ് മ​റ്റു മൂ​ന്നു​പേ​ർ​ക്ക് കു​ത്തേ​റ്റ​ത്. നെ​ഞ്ചി​ലും മു​തു​കി​ലും ആ​ഴ​ത്തി​ൽ കു​ത്തേ​റ്റ മോ​ഹ​ൻ​കു​മാ​റി​ന്റെ പ​രി​ക്ക് ഗു​രു​ത​ര​മാ​ണ്.

പ​രി​ക്കേ​റ്റ​വ​ർ വാ​ണി​യം​കു​ള​ത്തെ​യും ക​ണ്ണി​യം​പു​റ​ത്തെ​യും സ്വ​കാ​ര്യ അ​ശു​പ​ത്രി​ക​ളി​ൽ ചി​കി​ത്സ​യി​ലാ​ണ്. പ്ര​തി​യെ​ത്തി​യ സ്‌​കൂ​ട്ടി​യി​ൽ വേ​റെ​യും ക​ത്തി​ക​ൾ ക​രു​തി​യി​രു​ന്ന​താ​യും ഭാ​ര്യ​യെ വ​ധി​ക്കു​ക എ​ന്ന ല​ക്ഷ്യ​ത്തോ​ടെ​യാ​യി​രു​ന്നു ഇ​യാ​ളു​ടെ വ​ര​വെ​ന്നും സ​ച്ചി​ൻ പ​റ​ഞ്ഞു. വ​ധ​ശ്ര​മം ഉ​ൾ​പ്പ​ടെ​യു​ള്ള വ​കു​പ്പു​ക​ൾ ചു​മ​ത്തി​യാ​ണ് പ്ര​തി​ക്കെ​തി​രെ പൊ​ലീ​സ് കേ​സെ​ടു​ത്തി​ട്ടു​ള്ള​ത്.