മു​ത​ല​മ​ട​യി​ൽ മാ​ങ്ങ വി​ള​വെ​ടു​പ്പ് തു​ട​ങ്ങി

കൊ​ല്ല​ങ്കോ​ട്: കാ​ലാ​വ​സ്ഥ വ്യ​തി​യാ​ന​വും കീ​ട​ശ​ല്യ​വും തീ​ർ​ത്ത വെ​ല്ലു​വി​ളി​ക​ൾ​ക്കി​ടെ വി​ള​വെ​ടു​പ്പ്​ ആ​രം​ഭി​ച്ച്​ മാ​വി​ൻ​തോ​ട്ട​ങ്ങ​ൾ. താ​ര​ത​മ്യേ​ന വി​ള​വ് കു​റ​വാ​യ​തു​കൊ​ണ്ടു​ത​ന്നെ ഇ​ക്കു​റി ആ​വ​ശ്യ​ക്കാ​രേ​റെ​യാ​ണെ​ന്ന്​ ക​ർ​ഷ​ക​ർ പ​റ​യു​ന്നു. മു​ത​ല​മ​ട പ​ഞ്ചാ​യ​ത്തി​ലെ നൂ​റി​ല​ധി​കം ചെ​റു​തും വ​ലു​തു​മാ​യ സം​ഭ​ര​ണ കേ​ന്ദ്ര​ങ്ങ​ളി​ലെ​ത്തി​ക്കു​ന്ന മാ​ങ്ങ പ്ര​ത്യേ​ക പെ​ട്ടി​ക​ളി​ലാ​ക്കി​യാ​ണ് വി​ൽ​പ​ന. ബ​ങ്ക​ന​പ്പി​ള്ളി, നീ​ലം, സി​ന്ദൂ​രം, കി​ളി​ച്ചു​ണ്ട​ൻ, ടോ​ട്ട​പേ​രി, അ​ൽ​ഫോ​സ, പ്രി​യൂ​ർ, മ​ല്ലി​ക, ക​ലാ​പ്പാ​ടി, ര​ത്ന തു​ട​ങ്ങി​യ ഇ​ന​ങ്ങ​ളാ​ണ്​ നി​ല​വി​ൽ വി​ള​വെ​ടു​ക്കു​ന്ന​ത്.

ഡ​ൽ​ഹി, മും​ബൈ എ​ന്നി​വി​ട​ങ്ങ​ളി​ലേ​ക്ക് ഒ​രാ​ഴ്ച​യാ​യി മാ​ങ്ങ കൊ​​ണ്ടു​പോ​കു​ന്നു​ണ്ടെ​ന്നും വി​ള​വ് കു​റ​ഞ്ഞ​തി​നാ​ൽ ഇ​ക്കു​റി ആ​വ​ശ്യ​ത്തി​ന്​ അ​നു​സ​രി​ച്ച്​ എ​ത്തി​ക്കാ​നാ​വാ​ത്ത സ്ഥി​തി​യാ​ണെ​ന്നും മാം​ഗോ ഫാ​ർ​മേ​ഴ്സ് ആ​ൻ​ഡ് ഗോ​വേ​ഴ്സ് അ​സോ​സി​യേ​ഷ​ൻ സെ​ക്ര​ട്ട​റി താ​ജു​ദ്ദീ​ൻ പ​റ​ഞ്ഞു. മു​ത​ല​മ​ട പ​ഞ്ചാ​യ​ത്തി​ലും സ​മീ​പ​ത്തെ പ​ഞ്ചാ​യ​ത്തു​ക​ളി​ലു​മു​ള്ള തോ​ട്ട​ങ്ങ​ളി​ലാ​ണ്​ നി​ല​വി​ൽ വി​ള​വെ​ടു​പ്പ്​ ന​ട​ക്കു​ന്ന​ത്.

കീ​ട​ബാ​ധ മൂ​ലം ഇ​ത്ത​വ​ണ 35 ദി​വ​സം വൈ​കി​യാ​ണ് വി​ള​വെ​ടു​പ്പ് ആ​രം​ഭി​ച്ച​തെ​ന്ന്​ ക​ർ​ഷ​ക​ർ പ​റ​ഞ്ഞു. 6000 ഹെ​ക്ട​ർ മാ​വി​ൻ തോ​ട്ട​മു​ള്ള മു​ത​ല​മ​ട, കൊ​ല്ല​ങ്കോ​ട്, എ​ല​വ​ഞ്ചേ​രി, പ​ട്ട​ഞ്ചേ​രി പ​ഞ്ചാ​യ​ത്തു​ക​ളി​ൽ 600ല​ധി​കം ചെ​റു​കി​ട ക​ർ​ഷ​ക​രും ആ​യി​ര​ത്തോ​ളം പാ​ട്ട ക​ർ​ഷ​ക​രു​മാ​ണ് മാ​വ് കൃ​ഷി ചെ​യ്തു​വ​രു​ന്ന​ത്. ഒ​രു തോ​ട്ട​ത്തി​ൽ പ​ര​മാ​വ​ധി ഒ​ന്ന​ര മാ​സം അ​ഞ്ചി​ല​ധി​കം ത​വ​ണ​ക​ളി​ലാ​യി വി​ള​വെ​ടു​പ്പ് ന​ട​ക്കു​മെ​ന്ന് മാ​വ് ക​ർ​ഷ​ക​നാ​യ സി.​വൈ. ഷൈ​ഖ് മു​സ്ത​ഫ പ​റ​ഞ്ഞു. ഉ​ത്ത​രേ​ന്ത്യ​ൻ മാ​ർ​ക്ക​റ്റു​ക​ളി​ലേ​ക്കു​ള്ള മാ​ങ്ങ ക​യ​റ്റു​മ​തി ആ​രം​ഭി​ച്ച​തി​നാ​ൽ ഉ​ത്ത​രേ​ന്ത്യ​ൻ വ്യാ​പാ​രി​ക​ളും മു​ത​ല​മ​ട​യി​ലെ​ത്തി​ത്തു​ട​ങ്ങി.