ക​നാ​ൽ ശു​ചീ​ക​ര​ണ​ത്തി​ന്‍റെ മ​റ​വി​ൽ വാ​ഴ​കൾ വെ​ട്ടി​ന​ശി​പ്പി​ച്ച​താ​യി പ​രാ​തി

കോ​ട്ടാ​യി: മ​ല​മ്പു​ഴ ക​നാ​ൽ ശു​ചീ​ക​രി​ക്കു​ന്ന​തി​ന്‍റെ മ​റ​വി​ൽ ക​നാ​ൽ പു​റ​മ്പോ​ക്കി​ൽ കൃ​ഷി ചെ​യ്ത വാ​ഴ​ക​ളും മ​റ്റും വ്യാ​പ​ക​മാ​യി വെ​ട്ടി​ന​ശി​പ്പി​ച്ച​താ​യി പ​രാ​തി. കോ​ട്ടാ​യി ക​രി​യം​കോ​ട് പ്ര​ദേ​ശ​ത്താ​ണ് ക​നാ​ൽ പു​റ​മ്പോ​ക്കി​ൽ കൃ​ഷി ചെ​യ്ത നൂ​റു​ക​ണ​ക്കി​ന് കു​ല വ​ന്ന വാ​ഴ​ക​ൾ വ്യാ​പ​ക​മാ​യി വെ​ട്ടി ത​ള്ളി​യ​ത്. ക​നാ​ൽ പു​റ​മ്പോ​ക്കി​ൽ കാ​ടു​മൂ​ടി​ക്കി​ട​ന്ന സ്ഥ​ലം വെ​ട്ടി​ത്തെ​ളി​ച്ചാ​ണ് കൃ​ഷി ചെ​യ്ത​തെ​ന്നും ആ​ർ​ക്കും ഉ​പ​ദ്ര​വ​മി​ല്ലാ​ത്ത സ്ഥ​ല​ത്താ​ണ് കൃ​ഷി ചെ​യ്ത​തെ​ന്നും ക​ർ​ഷ​ക​ർ പ​രാ​തി​പ്പെ​ടു​ന്നു.

അ​തേ​സ​മ​യം, ക​നാ​ലി​ന്‍റെ ഇ​രു​വ​ശ​ങ്ങ​ളി​ലും കൃ​ഷി ചെ​യ്ത​ത് വാ​ഹ​ന​ങ്ങ​ൾ​ക്കും മ​റ്റും ഗ​താ​ഗ​ത ത​ട​സ്സം സൃ​ഷ്ടി​ക്കു​ന്നു. കൃ​ഷി വി​ള​വെ​ടു​ത്താ​ൽ വാ​ഴ​ത്ത​ണ്ടു​ക​ളും പാ​ഴ്വ​സ്തു​ക​ളും ക​നാ​ലി​ൽ ത​ള്ളു​ന്ന​ത് കാ​ര​ണം ക​നാ​ൽ ഒ​ഴു​ക്ക് ത​ട​സ്സ​പ്പെ​ടു​ക​യാ​ണ്. ഇ​തു​സം​ബ​ന്ധി​ച്ച് വ്യാ​പ​ക പ​രാ​തി ഉ​യ​ർ​ന്ന​ത് കാ​ര​ണ​മാ​ണ് ക​നാ​ലി​ന്‍റെ ഇ​രു​വ​ശ​ങ്ങ​ളും വൃ​ത്തി​യാ​ക്കാ​ൻ ഉ​ത്ത​ര​വാ​യ​തെ​ന്നും മ​ല​മ്പു​ഴ ഇ​റി​ഗേ​ഷ​ൻ അ​ധി​കൃ​ത​രും പ​റ​യു​ന്നു. കു​ല വ​ന്ന വാ​ഴ​ക​ൾ വ്യാ​പ​ക​മാ​യി വെ​ട്ടി​ന​ശി​പ്പി​ച്ച​ത് തി​ക​ഞ്ഞ ധി​ക്കാ​ര​മാ​ണെ​ന്നാ​ണ് ക​ർ​ഷ​ക​ർ പ​രാ​തി​പ്പെ​ടു​ന്ന​ത്.