കൈത്തക്കരയിൽ നാട്ടുകൂട്ടം ഒരുക്കിയ മാതൃക ബൂത്തുകൾ വിസ്മയമായി

തി​രു​നാ​വാ​യ: ഓ​രോ തെ​ര​ഞ്ഞെ​ടു​പ്പു​ക​ൾ വ​രു​മ്പോ​ഴും വ്യ​ത്യ​സ്ത​മാ​യ പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ കൊ​ണ്ടും കാ​ഴ്ച​ക​ൾ കൊ​ണ്ടും ആ​വേ​ശ​മു​ണ​ർ​ത്തു​ന്ന​വ​രാ​ണ് കൈ​ത്ത​ക്ക​ര​യി​ലെ നാ​ട്ടു​കൂ​ട്ടം. ഇ​ത്ത​വ​ണ​യും വേ​റി​ട്ട​ പ്ര​വ​ർ​ത്ത​ന​ങ്ങ​ൾ ന​ട​ത്തി മാ​തൃ​ക ബൂ​ത്തു​ക​ൾ ഒ​രു​ക്കി​യി​രി​ക്കു​ക​യാ​ണ​വ​ർ. അ​ന​ന്താ​വൂ​ർ വി​ല്ലേ​ജി​ലെ കൈ​ത്ത​ക്ക​ര ജി.​എം.​എ​ൽ.​പി സ്കൂ​ളി​ലെ 149, 150 പോ​ളി​ങ് ബൂ​ത്തു​ക​ളാ​ണ് മാ​തൃ​ക ബൂ​ത്തു​ക​ളാ​ക്കി നാ​ടി​ന്റെ ശ്ര​ദ്ധ പി​ടി​ച്ചു​പ​റ്റി​യ​ത്. വോ​ട്ട​ർ​മാ​ർ​ക്ക് വി​സ്മ​യ​മാ​യി സ്കൂ​ൾ ക​വാ​ട​ത്തി​ൽ കൈ​തോ​ല​പ്പാ​യ​യി​ലാ​ണ് സ്വാ​ഗ​ത ബോ​ർ​ഡ് എ​ഴു​തി​വെ​ച്ചി​ട്ടു​ള്ള​ത്. ക്ഷീ​ണ​മ​ക​റ്റാ​ൻ വ​ലി​യ സ്റ്റീ​ൽ പാ​ത്ര​ത്തി​ൽ തി​ള​പ്പി​ച്ചാ​റി​യ വെ​ള്ള​വും ശീ​തീ​ക​രി​ച്ച സം​ഭാ​ര​വും രാ​വി​ലെ ചാ​യ​യും ഒ​രു​ക്കി​യി​രു​ന്നു. പൂ​ർ​ണ​മാ​യും ഹ​രി​ത ച​ട്ട​ങ്ങ​ൾ പാ​ലി​ച്ച ഈ ​ബൂ​ത്തു​ക​ളി​ൽ മ​നോ​ഹ​ര​മാ​യ വി​ധ​ത്തി​ൽ സൂ​ച​ന ബോ​ർ​ഡു​ക​ളെ​ല്ലാം എ​ഴു​തി​വെ​ച്ചി​രു​ന്ന​ത് വോ​ട്ട​ർ​മാ​രി​ൽ കൗ​തു​ക​മു​ള​വാ​ക്കു​ന്ന വി​ധ​ത്തി​ലാ​യി​രു​ന്നു.

ബൂ​ത്തു​ക​ളി​ൽ ക​വാ​ടം മു​ത​ൽ ത​ന്നെ വൈ​ദ്യു​തി ബ​ൾ​ബു​ക​ളും കു​രു​ത്തോ​ല തോ​ര​ണ​ങ്ങ​ളും കൂ​ടാ​തെ മേ​ലാ​പ്പ് കെ​ട്ടി​യ​തും ശ്ര​ദ്ധേ​യ​മാ​യി. വ​ർ​ണ​ശ​ബ​ള​മാ​യ അ​ല​ങ്കാ​ര​ങ്ങ​ൾ കൊ​ണ്ടും വ്യ​ത്യ​സ്ത​മാ​യ ചി​ന്താ​ഗ​തി​യി​ലൂ​ടെ​യും വേ​റി​ട്ട കാ​ഴ്ച​പ്പാ​ടു​ക​ളി​ലൂ​ടെ​യു​മാ​ണ് മാ​തൃ​ക​ബൂ​ത്തു​ക​ൾ ഒ​രു​ക്കി​യി​രു​ന്ന​ത്. തീ​ർ​ന്നി​ല്ല, കൈ​ക്കു​ഞ്ഞു​ങ്ങ​ളു​മാ​യി എ​ത്തി​യ അ​മ്മ​മാ​ർ​ക്ക് കു​ഞ്ഞു​ങ്ങ​ൾ​ക്ക് മു​ല​യൂ​ട്ടാ​ൻ വ​രെ സൗ​ക​ര്യ​ങ്ങ​ളും കു​ട്ടി​ക​ൾ​ക്ക് ക​ളി​ക്കു​ന്ന​തി​ന്‌ സൈ​ക്കി​ളു​ക​ളും ന​ട​ക്കാ​ൻ ക​ഴി​യാ​ത്ത​വ​ർ​ക്ക് വീ​ൽ​ചെ​യ​റും ആം​ബു​ല​ൻ​സും ഒ​രു​ക്കി​യി​രു​ന്നു. വോ​ട്ട​ർ​മാ​ർ​ക്ക് ഇ​രി​ക്കാ​നും ഫാ​നു​ക​ളും സ​ജ്ജീ​ക​രി​ച്ചി​രു​ന്നു.

രാ​ഷ്ട്രീ​യ കാ​ഴ്ച​പ്പാ​ടു​ക​ൾ മാ​റ്റി​വെ​ച്ച് ഒ​രു​കൂ​ട്ടം ചെ​റു​പ്പ​ക്കാ​രും നാ​ട്ടി​ലെ മു​തി​ർ​ന്ന​വ​രും ചേ​ർ​ന്ന് അ​ന​ന്താ​വൂ​ർ വി​ല്ലേ​ജ് ഓ​ഫി​സ​ർ പ്ര​വീ​ണി​ന്റെ​യും സ​ഹ​പ്ര​വ​ർ​ത്ത​ക​രു​ടെ​യും നേ​തൃ​ത്വ​ത്തി​ലു​ള്ള കൂ​ട്ടാ​യ്മ​യി​ലൂ​ടെ ഒ​രു നാ​ടി​ന്റെ സ്നേ​ഹ​വും സൗ​ഹാ​ർ​ദ​വും പ്ര​ക​ടി​പ്പി​ക്കു​ക​യാ​യി​രു​ന്നു ഇ​വി​ടെ. ക​ഴി​ഞ്ഞ​കാ​ല തെ​ര​ഞ്ഞെ​ടു​പ്പു​ക​ളി​ലും സ​മാ​ന​മാ​യ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം കൊ​ടു​ക്കാ​ൻ പ്ര​ദേ​ശ​ത്തു​കാ​ർ ശ്ര​ദ്ധ ചെ​ലു​ത്തി​യി​രു​ന്നു.