പു​ല്ലി​പു​ഴ സാ​ൾ​ട്ട് എ​ക്സ് ക്ലൂ​ഷ​ൻ ചെ​ക്ക് ഡാം; ​ഐ.​ഡി.​ആ​ർ.​ബി വി​ദ​ഗ്ധ​സ​മി​തി പ​രി​ശോ​ധ​ന ന​ട​ത്തി

ചേ​ലേ​മ്പ്ര: പു​ല്ലി​പു​ഴ​യി​ൽ ഉ​പ്പു​വെ​ള്ളം ക​യ​റു​ന്ന​ത് ത​ട​യാ​ൻ വി​ഭാ​വ​നം ചെ​യ്യു​ന്ന സാ​ൾ​ട്ട് എ​ക്സ് ക്ലൂ​ഷ​ൻ ചെ​ക്ക് ഡാം ​നി​ർ​മാ​ണ​ത്തി​ന് മു​ന്നോ​ടി​യാ​യി ചേ​ലേ​മ്പ്ര ഗ്രാ​മ​പ​ഞ്ചാ​യ​ത്തി​നെ​യും ഫ​റോ​ക്ക് ന​ഗ​ര​സ​ഭ​യെ​യും ബ​ന്ധി​പ്പി​ക്കു​ന്ന പു​ല്ലി​പ്പു​ഴ​യി​ലെ നി​ർ​ദ്ദി​ഷ്ട സ്ഥ​ലം ഇ​റി​ഗേ​ഷ​ൻ ഡി​സൈ​നി​ങ് റി​സ​ർ​ച്ച് ബോ​ർ​ഡ് ഡ​യ​റ​ക്ട​ർ കെ. ​ബാ​ല​ശ​ങ്ക​റി​ന്റെ നേ​തൃ​ത്വ​ത്തി​ലു​ള്ള വി​ദ​ഗ്ധ​സ​മി​തി പ​രി​ശോ​ധ​ന ന​ട​ത്തി. ഇ​ന്ന​ലെ രാ​വി​ലെ 7.30 ഓ​ടെ പു​ല്ലി​പു​ഴ​യി​ലെ​ത്തി​യ സം​ഘം പു​ഴ​യു​ടെ ഇ​രു​ക​ര​ക​ളി​ലെ തീ​ര​പ്ര​ദേ​ശ​ങ്ങ​ൾ ഒ​രു​മ​ണി​ക്കൂ​റോ​ളം പ​രി​ശോ​ധ​ന ന​ട​ത്തി​യാ​ണ് മ​ട​ങ്ങി​യ​ത്. ചേ​ലേ​മ്പ്ര ഗ്രാ​മ​പ​ഞ്ചാ​യ​ത്ത്, ഫ​റോ​ക്ക് ന​ഗ​ര​സ​ഭ, രാ​മ​നാ​ട്ടു​ക​ര ന​ഗ​ര​സ​ഭ പ​രി​ധി​ക​ളി​ലൂ​ടെ ക​ട​ന്നു​പോ​കു​ന്ന ഏ​ഴു കി​ലോ​മീ​റ്റ​റോ​ളം വ​രു​ന്ന പു​ല്ലി​പ്പു​ഴ​യി​ൽ ഉ​പ്പു​വെ​ള്ളം ക​യ​റു​ന്ന​ത് ത​ട​യാ​നാ​ണ് രൂ​പ​ക​ൽ​പ​ന ചെ​യ്യു​ന്ന​ത്. ഫ​റോ​ക്ക്, രാ​മ​നാ​ട്ടു​ക​ര ന​ഗ​ര​സ​ഭ​ക​ളി​ലും ചേ​ലേ​മ്പ്ര പ​ഞ്ചാ​യ​ത്തി​ലെ​യും പ്ര​ധാ​ന ജ​ല​സ്രോ​ത​സ്സാ​ണ് പു​ല്ലി​പ്പു​ഴ. ഉ​പ്പു​വെ​ള്ളം ക​യ​റു​ന്ന​ത് ഒ​ഴി​വാ​ക്കി​യാ​ൽ പ്ര​ധാ​ന ശു​ദ്ധ​ജ​ല സ്രോ​ത​സ്സാ​യി മാ​റ്റാ​നാ​കും. കൂ​ടാ​തെ സി.​ആ​ർ.​സെ​ഡ് പ​രി​ധി​യി​ൽ​നി​ന്ന് ചേ​ലേ​മ്പ്ര പ​ഞ്ചാ​യ​ത്തി​നെ ഒ​ഴി​വാ​ക്കാ​നാ​കും.

വി​ദ​ഗ്ധ സ​മി​തി​യി​ൽ ഐ.​ഡി.​ആ​ർ.​ബി ജോ​യ​ന്റ് ഡ​യ​റ​ക്ട​ർ ആ​ർ. സി​ന്ധു, ഡെ​പ്യൂ​ട്ടി ഡ​യ​റ​ക്ട​ർ സീ​ന, അ​സി​സ്റ്റ​ന്റ് ഡ​യ​റ​ക്ട​ർ​മാ​രാ​യ ശ്രു​തി, ആ​ര്യ ആ​ർ. നാ​യ​ർ എ​ന്നി​വ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.