വി​ദ്യാ​ഭ്യാ​സ വ​കു​പ്പി​ന്റെ എ​ൻ.​ഒ.​സി കി​ട്ടി​യി​ല്ല; പ​ബ്ലി​ക് ഹെ​ല്‍ത്ത് ലാ​ബ് കെ​ട്ടി​ടം വൈ​കും

മ​ല​പ്പു​റം: കോ​ട്ട​പ്പ​ടി ജി​ല്ല വി​ദ്യാ​ഭ്യാ​സ ഉ​പ ഡ​യ​റ​ക്ട​റു​ടെ ഓ​ഫി​സി​ന് പി​റ​കി​ൽ പ​ണി​യാ​ൻ ഉ​ദ്ദേ​ശി​ക്കു​ന്ന ആ​രോ​ഗ്യ വ​കു​പ്പി​ന്റെ പ​ബ്ലി​ക് ഹെ​ല്‍ത്ത് ലാ​ബ് കെ​ട്ടി​ടം വൈ​കും. വി​ദ്യാ​ഭ്യാ​സ വ​കു​പ്പി​ന്റെ നി​രാ​ക്ഷേ​പ സാ​ക്ഷ്യ​പ​ത്രം (എ​ൻ.​ഒ.​സി) ല​ഭി​ക്കു​ന്ന​തി​ന് എ​ടു​ക്കു​ന്ന കാ​ല​താ​മ​സ​മാ​ണ് പ്ര​ശ്ന​ത്തി​ന് കാ​ര​ണം. സെ​പ്റ്റം​ബ​റി​ലാ​ണ് കെ​ട്ടി​ടം പ​ണി​യാ​നാ​യി വി​ദ്യാ​ഭ്യാ​സ വ​കു​പ്പി​ന്റെ 25 സെ​ന്റ് സ്ഥ​ലം വി​ട്ട് ന​ൽ​ക​ണ​മെ​ന്ന് കാ​ണി​ച്ച് ജി​ല്ല മെ​ഡി​ക്ക​ൽ ഓ​ഫി​സ​ർ വി​ദ്യാ​ഭ്യാ​സ വ​കു​പ്പി​ന് അ​പേ​ക്ഷ ന​ൽ​കി​യ​ത്. എ​ന്നാ​ൽ, വി​ദ്യാ​ഭ്യാ​സ വ​കു​പ്പി​ൽ നി​ന്ന് അ​നു​കൂ​ല ന​ട​പ​ടി ല​ഭി​ക്കാ​ത്ത് കാ​ര​ണം പ​ദ്ധ​തി പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കാ​ൻ ആ​രോ​ഗ്യ വ​കു​പ്പി​ന് ക​ഴി​ഞ്ഞി​ട്ടി​ല്ല.

ക​ല​ക്ട​റേ​റ്റി​ൽ പ്ര​വ​ർ​ത്തി​ക്കു​ന്ന പ​ബ്ലി​ക് ഹെ​ല്‍ത്ത് ലാ​ബി​ന് മി​ക​ച്ച സൗ​ക​ര്യ​ത്തോ​ടെ പു​തി​യ കെ​ട്ടി​ടം നി​ർ​മി​ക്ക​ണ​മെ​ന്ന് തീ​രു​മാ​നി​ച്ച​തി​ന്റെ അ​ടി​സ്ഥാ​ന​ത്തി​ലാ​ണ് കോ​ട്ട​പ്പ​ടി​യി​ൽ പ​ദ്ധ​തി ന​ട​പ്പി​ലാ​ക്കാ​ൻ അ​ധി​കൃ​ത​ർ നി​ശ്ച​യി​ച്ച​ത്.

ഇ​തി​ന്റെ ഭാ​ഗ​മാ​യി ആ​രോ​ഗ്യ വ​കു​പ്പ് സ്ഥ​ലം സ​ന്ദ​ർ​ശി​ക്കു​ക​യും അ​നു​യോ​ജ്യ​മാ​ണെ​ന്ന് ക​ണ്ടെ​ത്തു​ക​യും ചെ​യ്തി​രു​ന്നു. പ​ദ്ധ​തി വേ​ഗ​ത്തി​ൽ ന​ട​പ്പാ​ക്ക​ണ​മെ​ന്ന് പി. ​ഉ​ബൈ​ദു​ല്ല എം.​എ​ൽ.​എ​യും ആ​വ​ശ്യ​പ്പെ​ട്ടി​രു​ന്നു. പു​തി​യ കെ​ട്ടി​ടം പ​ണി​യാ​ൻ പ്ര​ധാ​ന​മ​ന്ത്രി ഇ​ൻ​ഫ്രാ​സ്ട്ര​ക്ട​ച​ർ മി​ഷ​ന്റെ 1.25 കോ​ടി രൂ​പ​യാ​ണ് അ​നു​വ​ദി​ച്ചി​രി​ക്കു​ന്ന​ത്. ക​ല​ക്ട​റേ​റ്റി​ൽ നി​ന്ന് കോ​ട്ട​പ്പ​ടി​യി​ലേ​ക്ക് മാ​റ്റു​ന്ന​തോ​ടെ താ​ലൂ​ക്ക് ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ​ക്ക് പ​ദ്ധ​തി ഏ​റെ ഗു​ണ​ക​ര​മാ​കും.

2018 ന​വം​ബ​ർ 19ന് ​ആ​രോ​ഗ്യ​മ​ന്ത്രി​യാ​യി​രു​ന്ന കെ.​കെ. ഷൈ​ല​ജ​യാ​ണ് പ​ബ്ലി​ക് ഹെ​ൽ​ത്ത് ലാ​ബ് ക​ല​ക്ട​റേ​റ്റി​ൽ ഉ​ദ്ഘാ​ട​നം നി​ർ​വ​ഹി​ച്ച​ത്. 40 ല​ക്ഷം രൂ​പ ചെ​ല​വ​ഹി​ച്ച് സി​വി​ല്‍ സ്റ്റേ​ഷ​നി​ലെ പ​ഴ​യ കൃ​ഷി വ​കു​പ്പ് കെ​ട്ടി​ട​ത്തി​ലാ​ണ് ലാ​ബ് പ്ര​വ​ർ​ത്തി​ക്കു​ന്ന​ത്. രാ​വി​ലെ 8.30 മു​ത​ല്‍ ഉ​ച്ച​ക്കു​ശേ​ഷം ര​ണ്ടു​വ​രെ​യാ​ണ് പ്ര​വ​ര്‍ത്ത​ന സ​മ​യം. ഷു​ഗ​ര്‍, കൊ​ള​സ്ട്രോ​ള്‍, ലി​വ​ര്‍-​കി​ഡ്നി ഫ​ങ്ഷ​ന്‍ ടെ​സ്റ്റു​ക​ള്‍, കൗ​ണ്ട് തു​ട​ങ്ങി​യ ടെ​സ്റ്റു​ക​ളും, എ​ലി​പ്പ​നി, ഡെ​ങ്കി​പ്പ​നി, ചി​ക്കു​ന്‍ഗു​നി​യ, മ​ഞ്ഞ​പ്പി​ത്തം തു​ട​ങ്ങി​യ​വ​യു​ടെ രോ​ഗാ​ണു​നി​ര്‍ണ​യ പ​രി​ശോ​ധ​ന​യും കേ​ന്ദ്ര​ത്തി​ലു​ണ്ട്.