ജീലാനി നഗർ കടൽ തീരത്ത് ജിയോ ബാഗിടാനുള്ള നീക്കത്തിനെതിരെ പ്രദേശവാസികൾ

പൊ​ന്നാ​നി: പൊ​ന്നാ​നി ജീ​ലാ​നി ന​ഗ​ർ ക​ട​ൽ​തീ​ര​ത്ത് ജി​യോ ബാ​ഗി​ടാ​നു​ള്ള നീ​ക്ക​ത്തി​നെ​തി​രെ പ്ര​ദേ​ശ​വാ​സി​ക​ൾ രം​ഗ​ത്ത്. ക​ട​ലാ​ക്ര​മ​ണം പ്ര​തി​രോ​ധി​ക്കാ​നാ​യു​ള്ള പ​രി​ഹാ​ര​മാ​ർ​ഗ​ങ്ങ​ളു​ടെ ഭാ​ഗ​മാ​യാ​ണ് ജീ​ലാ​നി ന​ഗ​ർ ക​ട​ൽ തീ​ര​ത്ത് 135 മീ​റ്റ​ർ ഭാ​ഗ​ത്ത് ജി​യോ ബാ​ഗു​ക​ൾ സ്ഥാ​പി​ക്കു​ന്ന​ത്.16 ല​ക്ഷം രൂ​പ ചെ​ല​വി​ലാ​ണ് പ​ദ്ധ​തി.

എ​ന്നാ​ൽ, പൊ​ന്നാ​നി​യി​ൽ ജി​യോ ബാ​ഗ് പ്രാ​യോ​ഗി​ക​മ​ല്ലെ​ന്നും നേ​ര​ത്തെ അ​ലി​യാ​ർ പ​ള്ളി ഭാ​ഗ​ത്ത് ജി​യോ ബാ​ഗു​ക​ൾ ഇ​ട്ടി​ട്ടും ഫ​ല​മു​ണ്ടാ​യി​ല്ലെ​ന്നും മേ​ഖ​ല​യി​ൽ ക​ട​ൽ​ഭി​ത്തി നി​ർ​മി​ക്കു​ക​യാ​ണ് വേ​ണ്ട​തെ​ന്നും ആ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ൾ രം​ഗ​ത്തെ​ത്തി.

ജി​യോ ബാ​ഗ് സ്ഥാ​പി​ക്കു​ന്ന പ്ര​വൃ​ത്തി​ക​ൾ നി​ർ​ത്തി​വെ​ക്ക​ണ​മെ​ന്ന് ആ​വ​ശ്യ​പ്പെ​ട്ട​തോ​ടെ ഇ​റി​ഗേ​ഷ​ൻ ഉ​ദ്യോ​ഗ​സ്ഥ​ർ ഉ​ൾ​പ്പെ​ടെ സ്ഥ​ല​ത്തെ​ത്തി പ്ര​വൃ​ത്തി​ക​ൾ താ​ൽ​ക്കാ​ലി​ക​മാ​യി നി​ർ​ത്തി.

ഒ​രു മീ​റ്റ​ർ വീ​തി​യും ഒ​ന്ന​ര മീ​റ്റ​ർ നീ​ള​വു​മു​ള്ള 1500 ബാ​ഗു​ക​ളാ​ണ് പ്ര​ദേ​ശ​ത്ത് സ്ഥാ​പി​ക്കു​ക. ഒ​രു ബാ​ഗി​ൽ ഏ​ക​ദേ​ശം 600 കി​ലോ​ഗ്രാം മ​ണ്ണ് നി​റ​ച്ച് 2.50 സെ​ന്റീ​മീ​റ്റ​ർ ഉ​യ​ര​ത്തി​ലും ആ​റ് മീ​റ്റ​ർ വീ​തി​യി​ലു​മാ​ണ് ഇ​വ ഇ​ടു​ന്ന​ത്. എ​ന്നാ​ൽ, നാ​ട്ടു​കാ​രു​ടെ സ​ഹ​ക​ര​ണ​ത്തോ​ട് കൂ​ടി മാ​ത്ര​മേ പ്ര​വൃ​ത്തി​ക​ൾ ന​ട​ത്തു​വെ​ന്ന് ഇ​റി​ഗേ​ഷ​ൻ എ​ക്സി​ക്യു​ട്ടീ​വ് എ​ൻ​ജി​നീ​യ​ർ സു​രേ​ഷ് പ​റ​ഞ്ഞു.