തവനൂരിൽ പാസ്പോർട്ട്‌ സേവാകേന്ദ്രം ഉടൻ -ഇ.ടി. മുഹമ്മദ് ബഷീർ

പൊ​ന്നാ​നി: പൊ​ന്നാ​നി പാ​ർ​ല​മെ​ന്റ് മ​ണ്ഡ​ല​ത്തി​ൽ പാ​സ്പോ​ർ​ട്ട്‌ സേ​വാ​കേ​ന്ദ്രം ആ​രം​ഭി​ക്കു​മെ​ന്ന് ഇ.​ടി. മു​ഹ​മ്മ​ദ് ബ​ഷീ​ർ എം.​പി. മ​ണ്ഡ​ല​ത്തി​ലെ ത​വ​നൂ​ർ പോ​സ്റ്റ്‌ ഓ​ഫി​സ് കേ​ന്ദ്രീ​ക​രി​ച്ചാ​ണ് കേ​ന്ദ്രം പ്ര​വ​ർ​ത്തി​ക്കു​ക. ഇ​തി​നു​ള്ള 600 ച​തു​ര​ശ്ര അ​ടി സ്ഥ​ലം പോ​സ്റ്റ്‌ ഓ​ഫി​സി​ൽ ല​ഭ്യ​മാ​യി​ട്ടു​ണ്ട്. പ്ര​വൃ​ത്തി പൂ​ർ​ത്തി​യാ​കു​ന്ന മു​റ​ക്ക് പ്ര​വ​ർ​ത്ത​നം ആ​രം​ഭി​ക്കു​മെ​ന്നും എം.​പി പ​റ​ഞ്ഞു.

ജി​ല്ല​യി​ൽ കൂ​ടു​ത​ൽ പാ​സ്പോ​ർ​ട്ട് സേ​വാ​കേ​ന്ദ്ര​ങ്ങ​ൾ അ​നു​വ​ദി​ക്ക​ണ​മെ​ന്ന​ത് വ​ള​രെ കാ​ല​ത്തെ ആ​വ​ശ്യ​മാ​ണ്. ജി​ല്ല​യി​ലെ അ​പേ​ക്ഷ​ക​ർ നി​ല​വി​ൽ ആ​ശ്ര​യി​ക്കു​ന്ന​ത് മ​ല​പ്പു​റം പാ​സ്പോ​ർ​ട്ട്‌ സേ​വാ​കേ​ന്ദ്ര​ത്തെ​യാ​ണ്. പ്ര​വാ​സി​ക​ൾ കൂ​ടു​ത​ലു​ള്ള ജി​ല്ല​ക്ക് ഗു​ണം ചെ​യ്യു​ന്ന​താ​ണ് തീ​രു​മാ​നം. എ​ല്ലാ പാ​ർ​ല​മെ​ന്റ് മ​ണ്ഡ​ല​ങ്ങ​ളി​ലും പാ​സ്പോ​ർ​ട്ട്‌ സേ​വാ​കേ​ന്ദ്ര​ങ്ങ​ൾ എ​ന്ന വി​ദേ​ശ മ​ന്ത്രാ​ല​യ​ത്തി​ന്റെ ന​യം നി​ല​വി​ലു​ണ്ടെ​ങ്കി​ലും കോ​വി​ഡും മ​റ്റു പ​ല സാ​ങ്കേ​തി​ക കാ​ര​ണ​ങ്ങ​ളും മൂ​ലം അ​നു​മ​തി വൈ​കു​ക​യാ​ണു​ണ്ടാ​യ​ത്. ഇ.​ടി. മു​ഹ​മ്മ​ദ് ബ​ഷീ​ർ എം.​പി വി​ദേ​ശ കാ​ര്യ മ​ന്ത്രാ​ല​യ​ത്തി​ന്റെ സ്റ്റാ​ൻ​ഡി​ങ് ക​മ്മി​റ്റി അം​ഗം കൂ​ടി​യാ​ണ്.

താ​നൂ​ർ, തി​രൂ​ര​ങ്ങാ​ടി, പൊ​ന്നാ​നി, ത​വ​നൂ​ർ എ​ന്നീ സ്ഥ​ല​ങ്ങ​ൾ നി​ർ​ദേ​ശി​ച്ചി​രു​ന്നു​വെ​ങ്കി​ലും ത​വ​നൂ​ർ പോ​സ്റ്റ്‌ ഓ​ഫി​സി​ലെ സൗ​ക​ര്യം പ​രി​ഗ​ണി​ച്ചാ​ണ് അ​വി​ടെ അ​നു​വ​ദി​ച്ച​തെ​ന്ന് എം.​പി പ​റ​ഞ്ഞു. ത​പാ​ൽ വ​കു​പ്പി​ന്റെ ഭ​ഗ​ത്തു​നി​ന്നു​ള്ള ന​ട​പ​ടി​ക​ൾ ത്വ​രി​ത​പ്പെ​ടു​ത്തു​മെ​ന്ന് പോ​സ്റ്റ്‌ മാ​സ്റ്റ​ർ ജ​ന​റ​ൽ എം.​പി​യെ അ​റി​യി​ച്ചി​ട്ടു​ണ്ട്.